bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 12
1 Kings 12
Umbundu Bible (Embimbiliya - Bíblia Sagrada em Umbundu)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
1
Rehovama wa enda ko Sekeme, momo Isareli yosi ya liongoluila ko Sekeme oku u vialeka.
2
Yerevoama, omõla a Nevata, wa ci yeva, momo wa kala handi kEgito kuna a tililile Soma Salomone. Yerevoama wa kala kEgito.
3
Oco va tuma oku u vilikiya, kuenje Yerevoama weya lohongele yosi ya Isareli, yu va popia la Rehovama vati,
4
So wa lemisile okanga yetu. Kaliye ove leluisa upange wa kãla wa so, lokanga yaye yi lema yina a tu kapele, oco tu ku vumbe.
5
Eye wa popia lavo hati, Kuendi handi, ka kali oloneke vitatu, noke tiuki vali kokuange. Oco omanu va enda.
6
Soma Rehovama wa pula akulu vana va vumbaile isiaye Salomone osimbu handi a kala lomuenyo, hati, Elungulo lie vu nyiha, si kumbulula omanu avandeti?
7
Ovo va popia laye vati, Nda etaili o linga ukuenje womanu ava, loku tava kokuavo kuenda o va tambulula loku vangula lavo olondaka viwa, oco ovo va laika oku linga akuenje vove otembo ka yi pui.
8
Eye puãi wa pembula elungulo lia wihile olosekulu, kuenje wa pula amalehe omo va kulila, vana vo vumba, hati,
9
Elungulo lie vu nyiha, si kumbulula omanu ava va popia lame vati, Leluisa okanga yina so a tu kapele?
10
Oco amalehe omo va kulila va popia laye vati, Kumbulula omanu vana va popia love vati, So wa lemisile okanga yetu, puãi ove tu yi leluisile, oco va kumbulula ndomo: Okanikenike kange kanene, ombunda ya tate yi sule.
11
Nda tate wo tuikili okanga yi lema, ame mbandeka kokanga yene. Tate wo yamboli lolohava, puãi ame ndu yambuli lanyenya.
12
Oco Yerevoama lowiñi wosi veya ku Rehovama keteke liatatu, ndeci ca popele Soma, hati, Tiuki vali kokuange keteke liatatu.
13
Oco Soma wa kumbulula omanu lukãlu, kuenje wa pembula elungulo lia wihĩle olosekulu.
14
Wa popia lavo ndeci amalehe va wimbile onumbi, hati, Tate wa lemisile okanga yene, ame puãi mbandeka kokanga yene. Tate wo yamboli lolohava, ame puãi ndu yambuli lanyenya.
15
Oco Soma ka yevele komanu, momo ondaka yaco ya songuiwa la Yehova, oco a telise ondaka yaye, yina Yehova a popele la Yerevoama omõla a Nevata lomela wa Ahiya u Siloni.
16
Eci Isareli yosi ya limbuka okuti Soma ka va yevele omanu va kumbulula Soma vati, Ocikepa ce tu kuete ku Daviti? Ndaño ocipiñalo ka tu kuete komõla a Jese. Kuende kolombalaka viove, a Isareli! Tata epata liove muẽle, a Daviti! Oco va Isareli va enda kolombalaka viavo.
17
Puãi va Isareli, ava va tunga vovaimbo a Yuda, Rehovama wa va viala.
18
Soma Rehovama wa tuma Adorama, ukuacikele cupange wocikisika, kuenje Isareli yosi yo sosola lovawe, yu wa fa. Oco Soma Rehovama wa yayulako oku wila vekalu liaye, ha tilila ko Yerusalãi.
19
Oco Isareli ya ñualelapo epata lia Daviti, toke etaili lilo.
20
Eci Isareli yosi ya yeva okuti Yerevoama wa tiuka, va tuma oku u vilikiyila vohongele, kuenje vo lingisa osoma kIsareli yosi. Lomue wa kuama onjo ya Daviti, te lika epata lia Yuda.
21
Eci Rehovama eya ko Yerusalãi, wongolola epata liosi Ha Yuda kumue lepata Ha Benjamini, ha va liyaki lepata lia Isareli, loku tiamisa vali usoma ku Rehovama, omõla a Salomone. Va soka ocita lakui ecẽlala kolohũlũkãi vialume va nõliwa, vakuavita.
22
Puãi ondaka ya Suku yeya ku Semaya, omunu wa Suku, yiti,
23
Popia la Rehovama omõla a Salomone, Soma ya Yuda, lepata liosi Ha Yuda la Benjamini, lomanu vakuavo, huti,
24
Ca popia Yehova ceci, hati, Ko ka lamaneliko, ko ka yaki la vamanjene va Isareli. Tiukili omunu omunu konjo yaye, momo ocina eci ca tunda kokuange. Oco va yeva kondaka ya Yehova, va tiukila yu va enda lonjila yavo, ndondaka ya Yehova.
25
Oco Yerevoama wa tunga Sekeme kolomunda via Efarimi, yu wa tumãlako. Noke wa tundako, kuenje wa tunga Penuele.
26
Yerevoama wa sima vutima waye, hati, Kaliye usoma u laika oku tiukila kepata lia Daviti.
27
Nda omanu ava va ka lumba ovilumba konjo ya Yehova ko Yerusalãi, utima womanu ava u laika oku tiamela ku cime cavo, Rehovama Soma ya Yuda; ame va njipa kuenje va tiukila ku Rehovama, Soma ya Yuda.
28
Eci Soma a litana lutima waye, oco wa panga olonale vivali viulu, kuenje wa popia lomanu hati, Wa endaendi calua enene ko Yerusalãi. Olosuku viove vievi, a Isareli, vina via ku upa kofeka yEgito.
29
Onale yimue wa yi kapa ko Betele, yikuavo wa yi kapa ko Dani.
30
Kuenje ocina eci ca linga ekandu, momo omanu va endaenda oku ka fendela kovaso yociteka caco, ko Dani.
31
Wa tungavo olonjo kolonumbuko. Omanu vaño, vana hamãla va Lewiko, wa va lingisa ovitunda.
32
Keteke liekui la tãlo kosãi yecelala, Yerevoama wa sokiya ofesta ndeyi yo ko Yuda, kuenje wa lumbila kutala. Haico a lingavo ko Betele, wa lumbila olonale vina a pangele, kuenda wa kapa ko Betele ovitunda viovotala okolonumbuko, ana a pangele.
33
Keteke liekui la tãlo kosãi yecelala, osãi yina a nolele locipango caye, wa lamanela kutala una a tungile ko Betele. Wa sokiyila va Isareli ofesta kuenda wa lamanela kutala loku timiha insensu.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22