bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 17
1 Kings 17
Umbundu Bible (Embimbiliya - Bíblia Sagrada em Umbundu)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
1
Eliya, u Tisibi, umue polonungi via Gileada, wa popia la Ahava hati, La Yehova Suku ya Isareli o kasi lomuenyo, haeye ndukuakuvumba, anyamo alo ka ku kala olume ndaño ombela, te nda londaka yange.
2
Ondaka ya Yehova yeya kokuaye, yiti,
3
Kulo tundako, kuende konele yutundilo, salama kolui Keriti, kutundilo wolui Yordão.
4
O ka nyuanyua ovava volui, kuenda nda tumila ovikuamanga oku ku tekuilako.
5
Oco wa enda kuenje wa linga ndondaka ya Yehova. Wa enda, yu wa tumãla kolui Keriti kutundilo wa Yordão.
6
Komele ovikuamanga vio nenela ombolo lositu, koñolosi ombolo lositu. Leye wa nyua ovava volui.
7
Puãi noke, olui lua takata momo ombela ka ya lokele vofeka.
8
Oco ondaka ya Yehova yeya kokuaye yiti,
9
Katuka, kuende ko Sarepata yo ko Sitono, tumalako. Tala, nda pañinyako ukãi umue ocimbumba eye o ku tekula.
10
Oco wa katuka, wa enda ko Sarepata. Eci a pitila kombundi yimbo, tala, ukãi ocimbumba yo o tiaña olohui. Wo kovonga kuenje wa popia laye hati, Hu pinga, ka njupileko otuvava vocikuata cimue, oco ndi nyueko.
11
Osimbu a kala loku enda oku kopa, eye wo kovonga vali, hati, Hu pinga, neneleko okacimalañanya kombolo peka liove.
12
Ukãi hati, La Yehova Suku yove o kasi lomuenyo, si kuete ombolo te lika epupu liosema vombia kuenda okolela kamue vocimbutika. Tala, ñasi loku tiaña olombange vivali, noke niukila konjo si liangiliyila ame lomolange okakulia, oco tu ka lie ha tu fi noke.
13
Eliya wa popia laye hati, Ku ka yokoke ño. Kuende, linga ndeci wa popia, puãi tete ndingileko ame okambolo, ka nenele, noke lilingila ove lomolove.
14
Momo ca popia Yehova Suku ya Isareli ceci, hati, Vombia yosema ka mu pui, ndaño vocimbutika culela ka mu kambi, toke eteke Yehova a lokisa ombela kilu lieve.
15
Oco ukãi wa enda, kuenje wa linga ndeci co sapuila Eliya. Oco va lialia oloneke vialua, eye muẽle kumue lonjo yaye kuenda Eliya.
16
Vombia yosema ka mua puile, ndaño vocimbutika culela ka mua kambele, ndondaka ya Yehova yina a popia la Eliya.
17
Kovaso yovina evi okokuenje kocimbumba, muẽleonjo, ka vela. Uvei waye wa kãla calua okuti ka fuimile vali.
18
Ukãi wa popia la Eliya hati, Nye ñuete love, amunu wa Suku? Weya nga kokuange oku njivaluisa ekandu liange loku ipa omolange?
19
Eliya wa popia lukãi hati, Nyihe omolove. Wa wupa konete yaye, wa londa laye kosapalalo, kuna a sikĩla kuenje wo pekelisa vula waye muẽle.
20
Wa vilikiya ku Yehova hati, A Yehova Suku yange, ocimbumba nda sikĩla, wa ci kokelavo nga ohali loku ipa omolaye?
21
Wa liyala kilu liomola olonjanja vitatu, kuenje wa vilikiya ku Yehova hati, A Yehova, Suku yange, hu pinga, tava okuti omuenyo womola ulo u tiukamo vali.
22
Yehova wa yeva kondaka ya Eliya, kuenje omuenyo Womõla wa tiukamo vali, yu wa pinduka.
23
Eliya wa yelula omõla, wa loka laye kosapalalo yu wo tuala vonjo kuenje wa weca ku inaye. Eliya wa popia laye hati, Tala omõlove o kasi lomuenyo.
24
Ukãi wa popia la Eliya hati, Kaliye ndi ci okuti vumunu wa Suku, kuenda ondaka ya Yehova vomela wove, ocili.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22