bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 13
1 Kings 13
Umbundu Bible (Embimbiliya - Bíblia Sagrada em Umbundu)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
1
Kuenje tala, ko Betele kueya omunu umue wa Suku wo ko Yuda, wa tumiwa londaka ya Yehova eci Yerevoama a talama konele yutala oku timiha insensu.
2
Yu wa keluhila utala londaka ya Yehova, hati, Otala! Otala! ca popia Yehova ceci, hati, Ota, omõla o citilua vonjo ya Daviti, onduko yaye Yosiya, kokuove o laika oku lumbilako ovitunda viovotala okolonumbuko vina vi kasi loku timihila insensu kokuove, kuenda akepa omanu a laika oku yokelua kokuove.
3
Keteke liaco muẽle, wa eca ondimbukiso, hati, Ondimbukiso Yehova a tukula yeyi: Tala, utala u toka pokati kuenje etiko li kasiko li peseka.
4
Eci Soma Yerevoama a yeva ondaka yomunu wa Suku yina ya keluhilile utala ko Betele, oco Soma wopa eka liaye kutala, yu wa li olõla, hati, U kuati! Kuenje eka liaye, lina a wõluila, Ha kukuta, oco ka tẽlele oku li ketika vali.
5
Kuenda utala wa toka pokati, etiko liokutala lia peseka, ndondimbukiso yina ya ecele omunu wa Suku londaka ya Yehova.
6
Oco Soma wa tambulula, wa popia lomunu wa Suku hati, Kaliye pinga ohenda ya Yehova Suku yove, ndombeleko, oco eka liange li ñuaime vali. Omunu wa Suku wa likutilila Yehova, kuenje eka Ha Soma Ha ñuaima vali, yu lia linga ndomo Ha kaile ale.
7
Oco Soma wa popia lomunu wa Suku hati, Tuende konjo, o ka liupe ongonde kuenje ndu ku iha onima.
8
Omunu wa Suku wa popia la Soma hati, Ndaño o nyiha onepa yonjo yove, ame si iñila love, kulo si liko ombolo, ndaño ovava si nyuiko.
9
Momo oco oyo ondaka ya Yehova a ñundika hati, Ku ka lie ombolo, ndaño ovava ku ka nyue pamue oku tiuka lonjila weya layo.
10
Oco wa enda lonjila yikuavo, kuenje ka tiukilile lonjila eyile layo ko Betele.
11
Kaliye ko Betele kua tunga uprofeto umue wa kuka. Umue pomala vaye weya, yu vo sapuila ovilinga viosi via lingile omunu wa Suku eteke liaco, vo Betele, kuenda olondaka a popele la Soma va vi sapuilavo isiavo.
12
Isiavo wa popia lavo hati, Wa enda lonjila yi pi? Momo omãla vaye va muile onjila ya endele lomunu wa Suku, una wa tundile ko Yuda.
13
Oco wa popia lomãla vaye, hati, kapeli oselẽi kocimbulu. Oco vo kapela oselẽi kocimbulu, kuenje wa londako.
14
Yu wa landula omunu wa Suku, kuenje wo sanga wa tumãla vemi liukunyambambi. Wa popia laye hati, Ove nga wumunu wa Suku una wa tundile ko Yuda? Eye hati, Ame muẽle.
15
Noke wa popia laye hati, Tuende konjo, o ka lie!
16
Eye hati, Si tela oku tiukila love, pamue oku iñila konjo yove. Kulo si liko ombolo ndaño ovava si nyuiko.
17
Momo ca ñundikiwa londaka ya Yehova, ceci, hati, Ku ka lieko ombolo, ndaño ovava ku ka nyueko, pamue oku tiuka lonjila weya layo.
18
Wa popia laye hati, Ame lamevo nduprofeto ndove. Ungelo umue wa popia lame londaka ya Yehova hati, U tiula konjo yove, a lie ombolo loku nyua ovava. Puãi wo kemba ño.
19
Oco wa tiukila laye, wa lia ombolo vonjo yaye loku nyua ovava.
20
Oco, eci va kala komesa, ondaka ya Yehova yeya kuprofeto una wo tiuwile.
21
Kuenje wa popia lolukandi lomunu wa Suku, una wa tundile ko Yuda, hati, Ca popia Yehova ceci, hati, Omo kua pokuile omela wa Yehova, kuenda kua lavele ocihandeleko ca ku handelekele Yehova Suku yove,
22
puãi wa tiuka, wa lia ombolo loku nyuila ovava kuna Yehova a popele love hati, Ku ka lieko ombolo ndaño oku nyuako ovava, oco ocivimbi cove ka ci kendiwa veyambo liolosekulu viove.
23
Eci uprofeto una a tiuwile a mãla oku lia loku nyua, oco wo kapela oselẽi kocimbulu.
24
Eci a enda, ohosi ya ñualehela laye vonjila, ya wipa, kuenje ocivimbi caye ca liyala vonjila. Ocimbulu ca talama konele yaco, lohosi layovo ya talama konele yocivimbi
25
Kuenje tala, omanu va pitako kuenje va mõla ocivimbi vonjila, lohosi yi tailili ocivimbi. Yu veya, va ci sapula vimbo muna mua tungile uprofeto wa kuka.
26
Eci uprofeto una wo tiuwile konjila yaye a ci yeva, wa popia hati, O omunu wa Suku, una ka pokuile kondaka ya Yehova, oco Yehova wa weca kohosi yu yo suyulula loku wipa ndondaka Yehova a popele laye.
27
Oco wa popia lomãla vaye hati, Ñapeli oselẽi kocimbulu. Oco vo kapela oselẽi kocimbulu.
28
Yu wa enda kuenje wa sanga ocivimbi vonjila. Ocimbulu lohosi vi tai konele yocivimbi. Ohosi ka ya lile ocivimbi, ndaño oku ponda ocimbulu.
29
Uprofeto wa yelula ocivimbi comunu wa Suku, wa ci kapa kocimbulu kuenje wa tiuka laco. Uprofeto wa kuka weya kimbo, ho lili loku u kenda.
30
Wa kenda ocivimbi caco veyambo liaye muẽle. Vo lila vati, Okuetu we!
31
Eci o kenda, wa popia lomãla vaye hati, Eci ndi fa, ñendi veyambo muna mua kendiwa omunu wa Suku. Lakepa ange a pekelisi konele yakepa aye.
32
Momo ciya ocili eci a popele londaka ya Yehova loku keluhila utala wo ko Betele lolonjo viosi viokolonumbuko viovaimbo a Samaria.
33
Kovaso yocina eci, Yerevoama ka tundile vonjila yaye yivi, puãi omanu vaño, lopo wa va lingisa ovitunda viovotala olonumbuko. Wosi wa yongola, eye wo tumbika ndocitunda covotala olonumbuko.
34
Ocina eci ca linga ekandu vepata lia Yerevoama, yu ca koka oku li malapo loku li kundula kilu lieve.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22