bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 2
1 Kings 2
Umbundu Bible (Embimbiliya - Bíblia Sagrada em Umbundu)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
1
Kaliye Daviti, otembo yaye yoku fa ya pitilapo, kuenje wa kundika omolaye Salomone hati,
2
Cilo nda wila vonjila yomanu vosi, oco kolisako, linga muẽle ndulume!
3
Lava ocikundi ca Yehova Suku yove, loku endela volonjila viaye loku lava ovisila viaye lovihandeleko viaye lovihõlo viaye kuenda ovovangi aye, ndomo ca sonehiwa vovihandeleko via Mose, oco o sumuluhe kovina viosi o linga loku kuosi wendela.
4
Oco Yehova a kolise ondaka yaye yina a mopelele, hati, Nda omãla vove va lunguka lonjila yavo, loku endela vocili kovaso ange, lutima wavo wosi lomuenyo wavo wosi, ka ku ku kambi kapiñala kocalo ca Isareli. Oco a popia.
5
Ove wa kulihavo eci ca ndinga Yoava omõla a Seruya, cina a linga vakesongo vavali volohoka via Isareli, Avinere, omõla a Nere, la Amasa, omõla a Yetere. Wa va ponda, yu wa pesela osonde yovita kotembo yombembua kuenje wa kapa osonde yovita kuvia wovombunda yaye lokolohaku viaye vina via kala kolomai viaye.
6
Linga ndolondunge viove, ku ka tave okuti owele waye wenda konjembo lombembua.
7
Puãi muisa ohenda omãla va Barisilai u Gileada, va lialievo komesa yove, momo haico va linga lame eci nda tila huvove Avisalome.
8
Kuenje tala, o kasivo la Simei omõla a Gera, u Benjamini wo ko Bahuri, una wa siñalele lesiñalo lĩvi lĩvi eteke nda enda ko Mahanayimi. Puãi wa loka oku ñualẽhẽla lame ko Yordão, kuenje nda lisila laye vonduko ya Yehova, siti, Si ku ipaya losipata.
9
Kaliye puãi, ku ko tende nda yu ka kuete ohole, momo ove wukualondunge, kuenje wa kuliha eci wa sesamela oku u linga. Owele waye u lowisila vonjembo losonde.
10
Daviti wa pekela lolosekulu viaye, kuenje vo kenda vimbo lia Daviti.
11
Otembo Daviti a viala kIsareli ya soka akuĩ akuãla kanyamo. Ko Hevirone wa vialako anyamo epanduvali, kuenda ko Yerusalãi wa vialako anyamo akui atatu la atatu.
12
Salomone wa tumãla kocali ca isiaye Daviti, kuenje uviali waye wa kola ngo.
13
Adoniya omõla a Hagiti weya ku Batisieva, ina ya Salomone. Yu wa pula hati, Weya lombembua, ale? Eye hati, Lombembua muẽle.
14
Wa popia vali hati, Ñuete cimue oku vangula love. Batisieva wo kumbulula hati, Popia ño.
15
Eye hati, Wa kulĩha okuti uviali wa kaile wange, kuenda Isareli yosi ya njimbile ame ovaso si viala. Puãi uviali wa ñualapo, wa linga wamanjange, momo Yehova wo wiha.
16
Cilo hu pinga ocina cimosi lika, ku ka ci nĩmile. Batisieva wo kumbulula hati, Popia ño.
17
Leye hati, Hu pinga, popia la Soma Salomone, momo eye ka ku patala ale, okuti a nyihe Avisiage u Sunami ha lingi ukãi wange.
18
Batisieva hati, Ha ku popelako ku Soma.
19
Oco Batisieva wa enda ku Soma Salomone, ha popelako Adoniya. Soma wa votoka ha ñualẽhẽla laye, wa petama kovaso aye, kuenje wa tumãla kocalo caye, yu wa tuma oku tumbikila ina ya Soma omangu, leye wa tumãla kondio yaye.
20
Yu wa popia hati, Hu pinga ño ocina cimue citito, ku ka ci nĩmile. Oco Soma wa popia laye hati, Pinga ño, a mai! Momo si patala ale.
21
Batisieva hati, Tava okuti Avisiage u Sunami eciwa ku manjove Adoniya, ha lingi ukãi waye.
22
Oco Soma Salomone wa kumbulula, yu wa popia la inaye hati, Nye wa pingila Avisiage u Sunami ha lingi ukãi wa Adoniya? U pingilakovo uviali, momo eye huvange. Eye kumue locitunda Aviatare la Yoava omõla a Seruya, va pingilako ño!
23
Oco Soma Salomone wa lisinga la Yehova, hati, Suku a njambule lukãlu waye wosi nda ondaka eyi Adoniya ka yi popelele omuenyo waye muẽle.
24
Kaliye, la Yehova o kasi lomuenyo, haeye wa ñolisa loku numbika kocalo ca tate Daviti, kuenje wa nyiha epata ndomo a likuminya, ocili etaili Adoniya o fa.
25
Oco Soma Salomone wa tuma Benaya, omõla a Yehoyada, yu wa wundumuhila kuenje wa fa.
26
Puãi Soma wa popia locitunda Aviatare hati, Kuende ko Anatote, kovapia ove muẽle. Wa sesamela oku fa, puãi omo wambataile ocikasa ca Yehova Suku kovaso a tate Daviti, kuenda omo kolohali viosi via tate wa komakovo, oco siu ku ipaya cilo.
27
Oco Salomone wa tundisa Aviatare komangu yaye yutunda wa Yehova, ha telisa ondaka ya Yehova, yina a popelele epata lia Eli ko Silo.
28
Ovina evi via yevala ku Yoava. Momo Yoava wa tiamelele ku Adoniya, ndaño ka tiamelelele ku Avisalome. Oco Yoava wa tilila vombalaka ya Yehova, yu wa kuatelela kolombinga viutala.
29
Va ci sapuila Soma Salomone, vati, Yoava wa tilila vombalaka ya Yehova, kuenje tala, o kasi putala. Oco Salomone wa tuma Benaya, omõla a Yehoyada, hati, Kuende ka wundumuhile!
30
Benaya weya kombalaka ya Yehova kuenje wa popia laye hati, Soma hati, Tundila posamua. Eye wa kumbulula hati, Sio, ndi fila mulo. Benaya yu wa tuala ondaka yaco ku Soma, hati, Eci oco ca popia Yoava, eci oco a nambulula.
31
Soma wa popia laye hati, Linga ndomo a popia, wundumuhila, kuenda u kenda; oco, ame kumue lepata lia tate, o tu upe ongole yosonde yina Yoava a peselele ño ocali.
32
Yehova o tiuwiya osonde yaye kutue waye muẽle, momo wondumuhila alume vavali vana vo velapo kesunga lunu kuenje wa va ipa losipata, osimbu tate Daviti ka ci kulihile. Alume vaco Avinere omõla a Nere, kesongo liolohoka via Isareli kuenda Amasa omõla a Yetere, kesongo liolohoka via Yuda.
33
Oco osonde yavo yi tiukila kutue wa Yoava lokutue wombuto yaye, otembo ka yi pui. Puãi ku Daviti lo kombuto yaye lokepata liaye lokocalo caye, ku kala ño hu ombembua yi tunda ku Yehova.
34
Oco Benaya omõla a Yehoyada wa lamanelako, yu wa wundumuhila kuenje wa wipa. Wa kendiwa vonjo yaye muẽle vekango.
35
Komangu yaye yukesongo liolohoka, Soma wa kapako Benaya, omõla a Yehoyada, kuenda komangu ya Aviatare, Soma wa kapako ocitunda Sadoke.
36
Soma wa tuma oku vilikiya Simei, kuenje wa popia laye hati, Tunga onjo yove vo Yerusalãi, tumalamo, ku ka tundemo hu endi kumue kuiñi.
37
Limbuka ciwa, eteke o tundamo hu yoka olui Kedrone, o fa muẽle. Osonde yove yi kala kutue wove muẽle.
38
Simei yu wa kumbulula Soma, hati, Ondaka yaco ya posoka, ndeci cime cange Soma a ci popia, haico ukuenje wove a laika oku linga. Kuenje Simei wa tunga vo Yerusalãi oloneke via lua.
39
Oco kovaso yalima atatu ceya okuti apika vavali va Simei va tilila ku Akisi, omõla a Mahaka, Soma ya Gati. Va sapuila Simei vati, Tala, apika vove vava ko Gati.
40
Oco Simei wa katuka, wa walisa ocimbulu caye oselei, kuenje wa enda ko Gati ku Akisi, ha sandi apika vaye. Oco Simei wa enda, yu wa kopile apika vaye ko Gati.
41
Va sapuila Salomone okuti Simei ko Yerusalãi wa tundileko, yu waile ko Gati, kuenje wa tiuka.
42
Oco Soma wa tuma oku vilikiya Simei, kuenje wa popia laye hati, Sia ku lisingisile hẽ la Yehova, loku ku longa siti. Limbuka ciwa, eteke o tunda hu ñuala kumue kuiñi, o fa muẽle? Love wa popia lame huti, Ondaka yaco nda yeva ya posoka.
43
Nye kua lavelele eci wa lisinga la Yehova locihandeleko cina nda ku kundikile?
44
Soma wa popia vali la Simei, hati, Vutima wove muẽle, wa kulĩha emande liosi wa lingila tate Daviti. Oco Yehova o tiula emande liove kutue wove muẽle.
45
Puãi Soma Salomone o sumuluha kuenda ocalo ca Daviti ci kolisiwa ño hũ kovaso a Yehova.
46
Oco Soma wa tuma Benaya omõla a Yehoyada, leye wa enda, wa wundumuhĩla kuenje wa fa. Oco uviali wa pamisilua povaka a Salomone.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22