bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 18
1 Kings 18
Umbundu Bible (Embimbiliya - Bíblia Sagrada em Umbundu)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
Kovaso yoloneke vialua, kunyamo watatu, ondaka ya Yehova yeya ku Eliya yiti, Kuende, ka limolehise ku Ahava. Cilo ndokisa ombela kilu lieve.
2
Eliya wa enda ha limolehisa ku Ahava. Vo Samaria mua kala elambu limue linene.
3
Ahava wa kovonga Ovadiya, kalei konjo yaye. Ovadiya ukuakusumbila calua Yehova,
4
momo cina Isevele a kundula ovaprofeto va Yehova, Ovadiya wopilepo ocita covaprofeto yu wa va soleka, veleva akuĩ atãlo, veleva akuĩ atãlo, kuenje wa va tekola lombolo kuenda ovava.
5
Ahava wa popia la Ovadiya hati, Ñuala vofeka, kuende kolono viosi viovava lokotulondui tuosi. Mbi tu sanga owangu ha tu popela omuenyo wotuvalu lolomula, oco ka tu ka pesele ovinyama vietu.
6
Oco va litepela ofeka ha va yi ñuala. Oco va liendaila, Ahava wa pita konele yimue, Ovadiya wa pita konele yikuavo.
7
Eci Ovadiya a kala vonjila, tala, Eliya wa ñualehela laye. Wo limbuka kuenje wa tuvika ocipala caye posi, hati, Ove cime cange Eliya?
8
Eye wo tambulula hati, Ame. Kuende ka sapuile cime cove huti, Tala Eliya yulo.
9
Ovadiya hati, Ekandu lie nda linga okuti o yongola oku eca ukuenje wove peka lia Ahava, ha njipa?
10
La Yehova Suku yove o kasi lomuenyo, ka kuli ofeka pamue uviali cime cange ka tumileko oku ku sanda. Eci va linga vati, Kulo keko, eye wa lisingisa ofeka yaco luviali waco, okuti ka va ku sangele.
11
Kaliye ove o popia huti, Kuende ka sapuile cime cove huti, Tala, Eliya yulo.
12
Sanga tuli nunda kokuove, Espiritu lia Yehova li ku tuala oko sia kulihile. Eci ngenda si sapuila Ahava, leye ka ku sangi, o njipa. Puãi ame ndukuenje wove sumbaila Yehova tunde kutila wange.
13
Ka ca sapuiwilue hẽ ku cime cange eci nda linga cina Isevele a kundula ovaprofeto va Yehova, ndomo nda soleka ocita calume povaprofeto va Yehova, veleva akui atãlo, veleva akui atãlo, kuenje nda va tekula lombolo kuenda ovava?
14
Kaliye ove o popia huti, Kuende ka sapuile cime cove huti, Tala Eliya yulo. Eye o laika oku njipa.
15
Puãi Eliya hati, La Yehova yolohoka o kasi lomuenyo, haeye ndukuakuvumba, ocili etaili ndi limolehisa ku Ahava.
16
Oco Ovadiya wa enda, wa lisanga la Ahava kuenje wo sapuila. Oco Ahava wa enda ha ñualẽhẽla la Eliya.
17
Eci Ahava a mõla Eliya, oco Ahava wa popia laye hati, Puãi ove o, okuakusakalaisa Isareli?
18
Eliya wa kumbulula hati, Hameko nda sakalaisa Isareli, puãi ove lepata lia so, momo wa yanduluki ovihandeleko via Yehova, kunda ove wa kuama Baale.
19
Kaliye tuma oku ongoluila kokuange Isareli yosi, komunda ya Karimele kumue lovaprofeto va Baale ovita vikuãla lakuĩ atãlo, kuenda ovaprofeto va Asera, ovita vikuãla, vana lialia komesa ya Isevele.
20
Oco Ahava wa tuma ku va Isareli vosi, kuenje wongoluila pamosi ovaprofeto komunda ya Karimele.
21
Eliya wama ocipepi lowiñi, kuenje hati, Toke eteke li pi, vu tatayala ño-o pokati kolonjila vivali? Nda Yehova eye Suku, u kuami. Nda Baale, u kuami. Omanu voha ño ñu.
22
Oco Eliya wa popia lomanu hati, Ame, ame lika nduprofeto wa Yehova, nda supapo. Puãi ovaprofeto va Baale va soka ovita vikuãla lakui atãlo kalume.
23
Va tu ihe olongombe vivali. Ovo va linolelepo ongombe yimue, va yi sase kovikepa loku yi kapa kilu liolohui, puãi ka va ka kapeko ondalu. Lame ngangiliya ongombe yikuavo, ndi yi kapa kilu liolohui, puãi si kapiko ondalu.
24
Oco ene vu vilikiya onduko ya Suku yene, lame mbilikiya onduko ya Yehova. Suku una o tambulula londalu, eye muele Suku. Omanu vosi va kumbulula vati, Ondaka yocili.
25
Eliya wa popia lovaprofeto va Baale hati, Linolelipo tete ongombe yimue, yangiliyi, momo wa lui. Vilikiyi onduko ya Suku yene, puãi ko ka kapiko ondalu.
26
Oco va tambula ongombe ya va ihiwa, va yangiliya, kuenje va vilikiya onduko ya Baale tunde omele toke ekumbi pongunji, vati, A Baale, tu yevelele! Puãi ka kua yevalele ondaka yimue, lomue wa kumbulula. Va piluka loku ñuala ñuala kutala una va tunga.
27
Ekumbi pongunji Eliya wa va fuanguila, hati, Vilikiyi lolukandi, momo eye osuku. Pamue o kasi loku sokolola, pamue wa enda kupala, pamue o kasi vungende, pamue mbi wa pekela kuenje ci sukila oku u pasula.
28
Oco va vilikiya lolukandi, va litãlatãla lolomoko lovonga ndocituwa cavo, toke va papuka osonde.
29
Eci ekumbi lia senduluka, vamako loku kaloka, toke kowola yocilumba coñolosi. Puãi ka kua yevalele ondaka yimue, lomue wa tambulula, pamue oku va yeva.
30
Oco Eliya wa popia lomanu vosi hati, Ameli kokuange. Omanu vosi va amela kokuaye. Kuenje wa tunga vali utala wa Yehova una wa kupuiwile.
31
Eliya wa nyañula ovawa ekui la avali, ca soka lapata omãla va Yakoba, una wa yeva ondaka ya Yehova yiti, Onduko yove yi linga Isareli.
32
Wa tunga utala vonduko ya Yehova lovawe aco. Wa ñualisa kutala oluvila, mu tela oku sua olonjongo vivali violomema,
33
Wa sokiya ciwa olohui, wa sasa ongombe ovikepa, yu wa vi kapa kolohui kuenje hati, Yukisi olombia vikuãla lovava, a itili kocilumba coku pia elisi lokolohui.
34
Wa popia hati, Ci lingi onjanja yavali. Oco va ci linga onjanja yavali. Wa popia vali hati, Ci lingi onjanja yatatu. Lovo va ci linga onjanja yatatu.
35
Utala wosi wa yula lovava, kuenje eye wa yukisavo oluvila lovava.
36
Oco kowola yocilumba coñolosi, uprofeto Eliya wamako kuenje hati, A Yehova Suku ya Avirahama la Isake la Isareli, etaili ci kulihiwe okuti ove Suku kIsareli, kuenda okuti ame ndukuenje wove kuenda vali okuti ovina evi viosi nda vi linga ndondaka yove.
37
Nambulule a Yehova, nambulule! Oco omanu ava va limbuke okuti ove, a Yehova, ove Suku, haive wa tiula ovitima viavo kokuove.
38
Oco ondalu ya Yehova ya loka, yu ya ha ocilumba coku pia elisi lolohui lovawe lonata, ovava ovoluvila ya nyuamo lakata!
39
Eci omanu vosi va ci mõla, va tuvika ovipala viavo posi, kuenje vati, Yehova eye Suku! Yehova eye Suku!
40
Eliya wa popia lavo hati, Kuati ovaprofeto va Baale. Lomue wavo ka ka tile. Oco va va kuata, kuenje Eliya wa lokila lavo kolui Kisione, haiko a va ipaila.
41
Eliya wa popia la Ahava hati, Lamana, lia, nyua. Momo ku yevala okuõla kuombela ya lua.
42
Oco Ahava wa katuka ha li loku nyua. Eliya wa lamanela kilu liomunda ya Karimele. Wa nyoñamela posi kuenda wa kapa ocipala caye pokati kolongolo viaye.
43
Wa popia lukuenje waye hati, Londa handi, vanja kokalunga. Oco wa londa, wa vanjako, kuenje hati, Ka kuli cimue. Eliya hati, Kuendeko vali olonjanja epanduvali.
44
Kuenje konjanja yepanduvali, eye wa popia hati, Ota, kokalunga ku kasi oku tumuha okalende kamue, ka soka ndeka liomunu. Eliya wa popia hati, Kuende, sapuila Ahava huti, Angiliya ekãlu liove, loka, sanga ombela yi ku tateka.
45
Okasimbu ka ka luile, ilu liosi lia tekãva lalende, ofela ya sika, kuenje ombela ya lua ya loka. Ahava wa wila vekãlu, kuenje wa enda ko Yesirele.
46
Eka lia Yehova ha kala la Eliya, kuenje wa litika vombunda, yu wa lupukila kovaso ya Ahava, toke poku panda ko Yesirele.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22