bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 11
1 Kings 11
Umbundu Bible (Embimbiliya - Bíblia Sagrada em Umbundu)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
1
Soma Salomone wa sola akãi valua vakualofeka, ndokuti omõla a Fareo, kuenda vali akãi va Moavi la va Amoni la va Edome la va Sitono la va Hiti,
2
vakualofeka vina Yehova a popele la va Isareli hati, Ko ka endi pokati kavo lovo ka va keye pokati kene, momo ocili va laika oku tiamisa ovitima viene kolosuku viavo. Salomone wa likakatela lavo locisola.
3
Wa kala lovita epanduvali viakãi, omãla volosoma, lovita vitatu viovakama. Akãi vaye va konyuisa utima waye.
4
Momo, eci Salomone a kuka, akãi vaye va tiamisa utima waye kolosuku vikuavo, kuenje utima waye ka wa sungulukilile Yehova Suku yaye, ndeci utima wa isiaye Daviti.
5
Momo Salomone wa kuama Asitorete, suku ya va Sitono, kuenda Milikome, umbondo wa va Amoni.
6
Salomone wa linga eci cĩvi kovaso a Yehova, ka kuamẽle Yehova lutima wosi, ndeci ca lingaile isiaye Daviti.
7
Kemosi, umbondo wa Moavi, Salomone wo tungila utala komunda yo kutundilo wa Yerusalãi. Haico a lingila Moleke, umbondo wa va Amoni.
8
Haicovo a lingila akãi vaye vosi vakualofeka, vana va timihãila olosuku viavo insensu loku vi lumbila ovilumba.
9
Yehova wa temela Salomone, momo utima waye wa konyoha ku Yehova Suku ya Isareli, una wo tukulukilile olonjanja vivali,
10
loku handeleka ondaka eyi yokuti ka ka kuame olosuku vikuavo. Puãi eye ka lavele eci Yehova o handeleka.
11
Oco Yehova wa popia la Salomone hati, Omo wa linga ndoco, kuenje kua lavele ocisila cange lovihandeleko viange, vina nda ku handelekele, ocili hu nyeha usoma si weci kukuenje wove.
12
Haimo lumue, oku ivaluka so Daviti, si ci lingi koloneke viove; puãi ndu nyeha peka liomolove.
13
Puãi si nyeha usoma wosi. Epata limue ndi li eca komolove, oku ivaluka ukuenje wange Daviti kuenda Yerusalãi, yina nda nola.
14
Oco Yehova wa katuila Salomone unyali, Hadada u Edome, haeye ukuambuto yosoma yEdome.
15
Momo eci Daviti a kala vEdome kuenje Yoava kesongo liohoka wa enda oku kenda ava va ipaiwa, eye wa ponda alume vosi vEdome;
16
Yoava la Isareli yosi va kalako olosãi epandu, toke a kundula alume vosi vEdome;
17
oco Hadada wa tilila kEgito kumue la va Edome vamue, akuenje va isiaye, Hadada wa kala handi okamõla.
18
Va tunda ko Midiani, yu veya ko Parane. Va enda lalume vo ko Parane kuenje veya kEgito, ku Fareo, Soma yEgito. Leye wa wiha onjo leteku kuenda ovapia.
19
Hadada wa sanga ohenda yalua ku Fareo, okuti wo kuelisa la manja ukãi waye muẽle, manja a Nasoma Tahipenese.
20
Manja a Tahipenese wo citila omolaye Genuvati. Tahipenese wo sumuĩla vonjo ya Fareo. Genuvati wa kala vonjo ya Fareo, pokati komãla va Fareo.
21
Hadada wa kala kEgito. Eci a yeva okuti Daviti wa pekela lolosekulu viaye, kuenda Yoava kesongo liohoka wa fa, Hadada wa popia la Fareo hati, Ngece oco ngende kofeka yetu.
22
Fareo wa popia laye hati, Puãi nda ku kambisa nye okuti cilo o yongola oku enda kofeka yene? Eye wa kumbulula hati, Lacimue, haimo ngece ño.
23
Suku wa katuila Salomone unyali ukuavo, Resono omõla a Eliada, una wa tilile ku cime caye Hadadesere, Soma ya Sova
24
Eye wa liongoluila alume, yu wa linga usongui wocitundo caco, cina Daviti a ipa va Sova. Yu va enda vo Damasko, va tungamo kuenje va viala vo Damasko.
25
Wa linga unyali wa Isareli oloneke viosi via Salomone. Wo tatamisa ndeci ca linga Hadada. Wa suvuka Isareli, kuenje wa viala ko Suria.
26
Yerevoama, ukuenje wa Salomone, leyevo wa ñualelapo Soma. Eye omõla a Nevata, u Efarimi umue wo ko Cereda. Inaye Ceruwa, haeye ocimbumba.
27
Eci a ñualelelapo Soma, ceci: Salomone wa tunga Milo kuenda wa sitika epangu liocimbaka cimbo lia isiaye Daviti.
28
Yerevoama wa kala ulume wa pama haeye wa loñoloha. Salomone, oku mõla okuti umalehe waco ukuambili, wa wiha ocikele cupange wosi wavakuepata lia Yosefe.
29
Koloneke viaco, eci Yerevoama a tunda ko Yerusalãi, oco uprofeto Ahiya u Siloni wo sanga vonjila. Ahiya wa wala uwalo wokaliye. Kuenje kavali kavo va kala lika liavo vusenge.
30
Kuenje Ahiya wa nyañula uwalo wokaliye una a walele, yu wo tola ovitetele ekui la vivali.
31
Kuenje wa popia la Yerevoama hati, Tambula ekui liovitetele! Momo ca popia Yehova Suku ya Isareli, ceci, hati, Tala, ame nyeha usoma peka lia Salomone kuenje ndu ku iha ekui liapata.
32
Puãi eye po supila epata limosi, mekonda liukuenje wange Daviti kuenda mekonda lia Yerusalãi, imbo lina nda nola povapata osi a Isareli.
33
Momo va njanduluka, va fendela Asitorete suku ya va Sitono, la Kemosi suku ya va Moavi, la Milikome, suku ya va Amoni. Ka va endelele volonjila viange. Ka va lingile eci ca sunguluka kovaso ange, loku lava ovisila viange lolonimbu viange ndeci ca lingaile Daviti isia ya Salomone.
34
Haimo si upi usoma wosi peka liaye, puãi ndu vialisa oloneke viosi viomuenyo waye, mekonda liukuenje wange Daviti, una ame nda nola omo a lava ovihandeleko viange lovisila viange.
35
Puãi njupa usoma peka liomolaye, kuenje ndu weca kokuove, ndokuti apata ekui.
36
Omõlaye ndu wiha epata limosi oco ukuenje wange Daviti a kale ño hu locinyei kovaso ange vo Yerusalãi, imbo lina nda nola oku kapamo onduko yange.
37
Hu tambula, kuenje o viala ndomo mua panga utima wove, o linga Soma kIsareli.
38
Kuenda o yevelela kueci cosi hu handeleka, nda wendela volonjila viange loku linga eci ca sunguluka kovaso ange loku lava ovisila viange lovihandeleko viange, ndeci ca lingaile ukuenje wange Daviti, oco ame ñala love, hu tungila epata lia kola, ndeci nda tungilile Daviti, kuenje ndu ku iha Isareli.
39
Oco Pañula ombuto ya Daviti, puãi toke kotembo ka yi pui hacoko.
40
Oco Salomone wa sanda oku ipa Yerevoama, kuenje Yerevoama wa katuka yu wa tilila kEgito, ku Sisiake Soma yEgito, kuenje wa kala vEgito toke kokufa kua Salomone.
41
Ovilinga vikuavo via Salomone, levi viosi a linga luvanga waye, ka via sonehelue hẽ velivulu liovilinga via Salomone?
42
Anyamo akuĩ akuãla Salomone a viala kIsareli yosi, ko Yerusalãi.
43
Salomone wa pekela lolosekulu viaye, yu vo kenda vimbo lia isiaye Daviti, kuenje omolaye Rehovama wa piñala komangu yaye.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22