bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 15
1 Kings 15
Umbundu Bible (Embimbiliya - Bíblia Sagrada em Umbundu)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
Kunyamo wekui lecẽlãla wa Soma Yerevoama, omõla a Nevata, oco Aviyama a viala ko Yuda.
2
Wa viala anyamo atatu ko Yerusalãi. Onduko ya inaye Mahaka, omõla a Avisialome.
3
Wa endaila vakandu osi a lingaile ale isiaye. Utima waye ka wa tiamelele wosi ku Yehova Suku yaye, ndutima wa isiaye Daviti.
4
Haimo, oku ivaluka Daviti, Yehova Suku yaye wa wiha ocinyei vo Yerusalãi, wa kapa omolaye komangu yaye, kuenda wa pamisa Yerusalãi.
5
Momo Daviti wa lingainga eci ca sunguluka kovaso a Yehova, kuenje oloneke viosi viomuenyo waye ka pambukile kocihandeleko cimue ca Yehova, te lika kondaka ya Uriya, u Hiti.
6
Oloneke viosi via Rehovama, kua kala ovita pokati kaye la Yerevoama.
7
Ovilinga vikuavo via Aviyama levi viosi a linga, ka via sonehelue hẽ velivulu liasapulo olosoma via Yuda? Kua kala ovita pokati ka Aviyama la Yerevoama.
8
Aviyama wa pekela kumue lolosekulu viaye. Yu vo kenda vimbo lia Daviti. Omolaye Asa wa piñala komangu yaye.
9
Kunyamo wakuĩ avali wa Yerevoama, Soma ya Isareli, oco Asa a fetika oku viala ko Yuda.
10
Wa viala ko Yerusalãi anyamo akuĩ akuãla lamosi. Onduko ya inaye Mahaka, omõla a Avisialome.
11
Asa wa lingainga eci ca sunguluka kovaso a Yehova, ndeci ca lingaile isiaye Daviti.
12
Vakuokahonga walume lalume wa vopa vofeka, kuenda wa tundisa oviteka viosi via pangele olosekulu viaye.
13
Inaye Mahaka leyevo wa wupa komangu yunasoma, momo wa pangele ociteka cimue ca Asera. Asa wa nyanyola ociteka caye, yu wa ci yokela kolui Kedrone.
14
Puãi ovotala okolonumbuko ka opilueko. Haimo utima wa Asa wa sungulukila Yehova oloneke viaye viosi.
15
Wa nena vonjo ya Yehova ovina isiaye a tumbikile, lovina eye muẽle a tumbikile, ndokuti opalata lulu lovikuata.
16
Pokati ka Asa la Baasia Soma ya Isareli, pa kala ovita oloneke viavo viosi.
17
Baasia Soma ya Isareli wa katukila Yuda, kuenje wa tunga Rama, oco lomue a tunde pamue oku iñila ku Asa, Soma ya Yuda.
18
Asa yu wa nyañula opalata yosi lulu wa supile povokuasi onjo ya Yehova, kuenda ovokuasi onjo ya Soma, wa a eca peka liakuenje vaye. Soma Asa wa va tuma ku Benehadada omõla a Tavirimone, omõla a Hesione, Soma ya Suria, una wa tunga ko Damasko, hati,
19
Pokati ketu, ame love, pa kale ocisila ndeci ca kala pokati ka tate la so. Tala, nda ku tumisa ombanjaile yopalata lulu. Kuende, ka imule ukamba wove la Baasia, Soma ya Isareli, oco a nunde.
20
Oco Benehadada wa yeva ku Soma Asa kuenje wa tuma vakesongo liolohoka viaye oku katukila ovaimbo a Isareli. Oco va kuata Iyoni la Dani la Avelebetimaka la Kineroti yosi, lofeka yosi ya Nafitali.
21
Eci Baasia a ci yeva, wa liwekapo oku tunga Rama, yu wa kala ko Tirisa.
22
Oco Soma Asa wa imba oluiya ko va Yuda vosi, lomue wa kambako, kuenje va tuta ovawe o ko Rama lovinendele vina Baasia a tungile lavio. Soma Asa wa tunga lavio Geva ko Benjamini la Misipa.
23
Ovilinga viosi vikuavo via Asa, ovonene aye osi, levi a linga, lovaimbo a tunga, ka via sonehelue he velivulu liasapulo olosoma via Yuda? Puãi eci a kuka, wa vela kolomai.
24
Asa wa Pekela kumue lolosekulu viaye. Vo kenda kumue lolosekulu viaye vimbo lia isiaye Daviti, kuenje omolaye Yehosafata wa piñala komangu yaye.
25
Nadava omõla a Yerevoama wa fetika oku viala kIsareli kunyamo wavali wa Asa, Soma ya Yuda, kuenje wa viala kIsareli anyamo avali.
26
Wa lingainga eci cĩvi kovaso a Yehova, wa endaila vonjila ya isiaye lovekandu liaye lina a kokelele Isareli oku li linga.
27
Baasia omõla a Ahiya, ukuepata lia Isakare wo lingila usuanji. Baasia wa wipaila ko Gibetoni ya va Filisiti osimbu Nadava la Isareli yosi va kala loku ñuala Gibetoni ocingonja.
28
Baasia wa wipa kunyamo watatu wa Asa, Soma ya Yuda, kuenje wa piñala komangu yaye.
29
Oco tuli a linga osoma, wa ipa epata liosi lia Yerevoama. Yerevoama ko supisililepo umue o fuima, puãi wo kundula pe, ndondaka ya Yehova yina a popele lukuenje waye Ahiya, u Siloni.
30
Wa ci lingila akandu a lingile Yerevoama, ndomo a kokela Isareli oku linga ekandu, yu wa wengula onyeño ya Yehova Suku ya Isareli.
31
Ovilinga vikuavo via Nadava, levi viosi a linga, ka via sonehelue hẽ velivulu liasapulo olosoma via Isareli?
32
Pokati ka Asa la Baasia, Soma ya Isareli, pa kala ovita oloneke viavo viosi.
33
Kunyamo watatu wa Asa, Soma ya Yuda, oco Baasia omõla a Ahiya, a fetika oku viala kIsareli yosi, ko Tirisa, kuenje wa viala anyamo akuĩ avali la akuãla.
34
Wa lingainga eci cĩvi kovaso a Yehova, wa endaila vonjila ya Yerevoama lovekandu liaye lina a kokelele Isareli oku li linga.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22