bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 7
1 Kings 7
Umbundu Bible (Embimbiliya - Bíblia Sagrada em Umbundu)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 8 →
1
Onjo yaye muẽle, Salomone wa yi tunga anyamo ekui la atatu, kuenje wa malusula onjo yaye yosi.
2
Wa tunga onjo yesisi lia Levanone. Okulepa kuayo kua soka ocita covikeya. Upati wayo wa soka akui atãlo kovikeya. Usovi wayo akui atatu kovikeya. Ya tungiwa kilu liovilala vikuãla violongunji viovinendele. Kilu liolongunji kua kala olohangalo viovinendele.
3
Olohondo akui akuãla la vitãlo via kala kilu liolongunji, wa vi yambela lovinendele. Ulala lulala wa kala lolohondo ekui lavitãlo.
4
Kua kala olosapalalo vitatu. Olonjanela viosapalalo losapalalo via lisuñama.
5
Apito osi lovikuli, kokulepa lupati lusovi, ca lisoka. Olonjanela violosapalalo viaco vitatu via lisuñama.
6
Wa tunga ocindumba colongunji. Okulepa kuaco kua soka akui atãlo kovikeya, upati waco akui atatu kovikeya. Kovaso yaco wa tungako ocindumba cikuavo, kuenda vali kovaso yaco kua kala olongunji lolohangalo vinene.
7
Wa tunga ocindumba cocalo kuna a sombaila olondaka, haico ocindumba cakanga. Tunde posi toke kolusoka, wa yambelamo avaya ovinendele.
8
Onjo yaye muẽle, muna a tumãla, haiyo ya kala vocitali cikuavo konyima yocindumba, ya tungiwavo ndoco. Salomone wa tungilavo omõla a Fareo, una a kuelele, onjo yimue ya lisetahala locindumba eci.
9
Olonjo viaco viosi, vokati loposamua, tunde muẽle koviseveto toke kilu liovimano, via tungiwa lovawe a posoka cimue, a songiwa ndoloseteko viao, kuende a selalua loloselalo. Haico ca kala posamua yaco toke kocitali cinene.
10
Ociseveto ca tungiwa lovawe a posoka cimue, hao anene. Ovawe amue a kala lekui liovikeya, akuavo a kala lovikeya ecelãla.
11
Kilu liaco kua kalavo ovawe a posoka cimue, a songiwa ndoloseteko viao, kuenda ovinendele.
12
Ocitali cinene ca ñualiwa lovilala vitatu viovawe a songiwa, lulala wovinendele, ndocitali covokati konjo ya Yehova, ndocindumba conjo.
13
Soma Salomone wa tuma oku upa Hirama ko Turo.
14
Eye omõla wocimbumba cokepata lia Nafitali, kuenda isiaye ulume a Turo, haeye omesele yosipi. We yuka lolondunge lukulihiso kuenda uloño woku linga ovikuata viosi viosipi. Yu weya ku Soma Salomone, kuenje wa linga upange waye wosi.
15
Wa panga olongunji vivali viosipi. Usovi wongunji longunji wa soka ekui lecelãla kovikeya. Ukolo wovikeya ekui lavivali, owo u tokeka vongunji longunji.
16
Wa panga ovitue vivali violongunji losipi ya itilua, ha vi kapiwa kosungu yolongunji. Usovi wutue umue wa soka ovikeya vitãlo, kuenda usovi wutue ukuavo wa soka ovikeya vitãlo.
17
Wa pangavo awanda osipi lalienge osipi ha a kapiwa kovitue violongunji. Kutue umue kua kala epanduvali, kutue ukuavo kua kala epanduvali.
18
Oco wa panga olongunji. Kua ñuala ovilala vivali viaromã, via sitika utue wongunji. Haico a lingavo lutue wongunji yikuavo.
19
Ovitue violongunji viovocindumba via setahala oloneleho viavongevonge, kuenda via soka ovikeya vikuãla.
20
Ovitue via kala kosungu yolongunji vivali, kilu liasataimo aco, ana ka a sikililue lawanda osipi. Utue wongunji wa ñualiwa lovilala viaromã via soka ovita vivali. Haico ca lingiwavo lutue wongunji yikuavo.
21
Wa sembika olongunji vocindumba conembele. Wa sembika ongunji yokondio kuenje wa yi luka hati, Yakini. Wa sembika ongunji yokepili, yu wa yi luka hati, Boase.
22
Kilu liolongunji wa pangelako oloneleho viavongevonge. Oco upange wolongunji wa pua.
23
Wa panga ociva cosipi ya yenguluiwa. Tunde kongenge yimue toke kongenge yikuavo, ci kuete ekui liovikeya. Ca ñualapo ye, kuenje usovi waco wa soka ovikeya vitãlo. Ukolo wovikeya akui atatu owo u ci tokeka.
24
Vemi liongenge mua ñualisua latila, vukeya lovukeya ekui liatila, hao a ñuala kociva. Atila a kala ovilala vivali, a itililua pamosi lociva.
25
Ca tumãla kilu liolongombe ekui la vivali, vitatu via imba ovaso ko Norte, vitatu via imba ovaso kutakelo, vitatu via imba ovaso ko Sul, vitatu via imba ovaso kutundilo, kuenje ociva ca kapiwa kilu liavio. Olombunda viavio via loña vokati.
26
Upamo waco wa lisoka lupati weka liomunu, kuenje ongenge Vaco ya pangiwa ndongenge yokopo, ndoneleho yevongevonge. Cambata olohũlũkãi vivali violombatu.
27
Wa panga ekui lialukuki osipi. Okulepa kuolukuki lolukuki kua soka ovikeya vikuãla. Upati waluo ovikeya vikuãla, lusovi waluo ovikeya vitatu.
28
Alukuki aco a pangiwa lavaya a somehua vovikuli.
29
Vavaya ana a somehua vovikuli mua luvikiyiwa olohosi lolongombe la vakeruvi. Vovikuli, kilu lo vemi liolohosi lolongombe, mua kala ovilame via nyoñamisua.
30
Olukuki lolukuki lua kala lalola akuãla osipi, lawesu osipi. Kavindi aco akuãla kua kala otungunji tuoku kuata ombasiya. Otungunji tua itilua kumue lovilame konele yatuo.
31
Olukuki lua kala lomela wa sanjavala kilu lialuo, usovi womela waco wa soka ukeya umosi haiwo wa ñualapo ye, ndomo mu pangaiwa alukuki. Okulonga kuaco kua soka ukeya komeyu. Komela yaco kua luvikiyiwa. Avaya aco a kala lavindi, ka a ñualelepo.
32
Alola aco akuãla a kala vemi liavaya, awesu alola a manehua kumue lalukuki, kuenje usovi welola lelola wa soka ukeya komeyu.
33
Alola aco a pangiwa ndalola ekalu. Awesu ao lolonjante loloraio lolokubu viaco, cosi ca itilua.
34
Kavindi akuãla olukuki lolukuki kua kala otungunji tukuãla. Otungunji tuaco tua tokekua kumosi lalukuki.
35
Kilu liolukuki kua ñuala cimue ca linga ndepavia liocivela, usovi waco wa soka omeyu yukeya. Kilu liolukuki, ovikuatelo viaco lavaya aco, cosi ca litokeka kumosi lolukuki.
36
Vovikuatelo viaco lovavaya, wa luvikiyamo vakeruvi lolohosi loviti vieva, ndokutanda kuavio. Wa ñualisakovo ovilame.
37
Alukuki ekui wa a panga ndoco: osi muẽle a lisoka, ci kale kokuitilua, ci kale koseteko, ci kale kokupangiwa kuao.
38
Wa panga olombasiya ekui viosipi. Ombasiya lombasiya ya ambata akui akuãla kolombatu. Ombasiya lombasiya ya kala lovikeya vikuãla. Kolukuki lolukuki kua kala ombasiya.
39
Wa kapa alukuki atãlo kondio yonjo, atãlo kepili lionjo. Wa kapa ociva kondio yonjo, loco caimba ovaso kutundilo loko Sul.
40
Hirama wa tungavo olombia lolopa lolombasiya. Oco Hirama wa malusula upange wosi a lingila Soma Salomone vonjo ya Yehova. Upange waco wowu:
41
Olongunji vivali lasataimo avali ovitue vina via kala kosungu yolongunji, lawanda avali osipi oku sikilila lao asataimo avali ovitue violongunji.
42
Kuenda ovita vikuãla viaromã oku kapa kawanda aco avali, loku sikilila lao asataimo avali ovitue violongunji.
43
Wa tungavo ekui lialukuki lekui liolombasiya vina via kala kilu lialukuki aco.
44
Kuenda ociva lolongombe ekui la vivali vemi liociva.
45
Olombia lolopa lolombasiya lovikuata viosivion jo ya Yehova, vina Hirama a tungila Soma Salomone, via pangiwa losipi ya kungiwa.
46
Ketapi lia Yordão, posi yotuma, pokati ka Sukote la Saretana opo Soma a vi itilila.
47
Salomone ka pesalele ovikuata evi viosi, momo vialua enene. Ndaño oku pesala osipi yaco, ka ca teliwile.
48
Oco Salomone wa tunga ovikuata viosi vionjo ya Yehova, ndokuti utala wulu lomesa yulu yolombolo vioku taliwa;
49
lolondiyelo viulu wopululu, vitãlo kondio vitãlo kepili, kovaso yocitumãlo ci kola koku kola, loloneleho lolovela lolomala via pangiwa lulu;
50
olokopo lotuayola lolombasiya lovikapo vinsensu, loviyukilo, via pangiwa lulu wopululu. Olondovalisia viapito onjo yovokati, haiyo yi kola koku kola, levi viapito onjo, ndokuti onembele, via pangiwa lulu.
51
Oco upange wosi Soma Salomone a lingila onjo ya Yehova, wa pua. Kuenje Salomone wa nenamo ovina isiaye Daviti a tumbikile, ndokuti opalata lulu lovikuata. Wa vi soleka volohondo viukuasi wonjo ya Yehova.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22