bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 4
1 Kings 4
Umbundu Bible (Embimbiliya - Bíblia Sagrada em Umbundu)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
1
Soma Salomone wa linga Soma ya Isareli yosi.
2
Olombuale viaye vievi: Asariya, omõla a Sadoke, eye ocitunda.
3
Elihorefi la Ahiya, omãla va Sisiya, ovo asonehi. Yehosafata, omõla a Ahilude, eye ukuasapulo.
4
Benaya, omõla a Yehoyada, eye kesongo liohoka. Sadoke la Aviatare, ovitunda.
5
Asariya, omõla a Natana eye usongui wa vakalei. Savudi, omõla a Natana eye Mbumbelombe haeye ekamba lia Soma.
6
Ahisiare eye kalei kelombe. Adonirama, omõla a Aavida, eye ukuacikele cavakuopange wocikisika.
7
Salomone wa kapa vakalei ekui la vavali kIsareli yosi. Ovo va tekola Soma kumue locikumba caye. Vunyamo omunu lomunu wa kala locikele coku angiliya okulia ku tela osãi.
8
Olonduko viavo vievi: Bene Huri, kolomunda via Efarimi.
9
Bene Dekere ko Makasi lo ko Siahalivi lo ko Bete Siemese lo kElone Bete Hanane.
10
Bene Hesede wa kala kAruboti, kokuaye oko kua tiamela Soko, lofeka yosi ya Hefere.
11
Bene Avinadava wa kala kofeka yosi ya Dori. Ukãi waye Tafata, omõla a Salomone.
12
Bahana, omõla a Ahilude, wa kala ko Tahanake lo ko Megido lo ko Bete Siane yosi konele ya Saretana, kombuelo ya Yesirele, tunde ko Bete Siane toke kAvele Mehola, toke muẽle nelioyo ya Yokimeama.
13
Bene Gevere, wa kala ko Ramoti Gileada. Kokuaye oko kua tiamela ovaimbo a Yairi, omõla a Manase, hao a kasi ko Gileada. Kokuaye kua tiamelavo ofeka ya Aregove, yi kasi ko Basiane, lovaimbo akuĩ epandu, anene, hao a kala lovimbaka lovisiakala viosipi.
14
Ahinadava, omõla a Ido, wa kala ko Mahanaimi.
15
Ahimasa wa kala ko Nafitali. Haeye wa kuela Basemata, omõla a Salomone.
16
Bahana, omõla a Husiai, wa kala kAsiere lo ko Bealoti.
17
Yehoasafata, omõla a Paruha, wa kala ko Isakare.
18
Simei, omõla a Ela, wa kala ko Benjamini.
19
Gevere, omõla a Uri, wa kala vofeka ya Gileada vofeka ya Sihoni Soma ya va Amori, la Oge Soma ya Basiane. Vofeka mua kala lika kalei kamosi.
20
Yuda la Isareli va linga va lua ndeseke liokonele yokalunga. Va lialia, va nyuanyua, kuenda va yolela.
21
Salomone wa viala ovosoma osi tunde kolui Ferati toke kofeka ya va Filisiti lokolongave vie Egito. Va nena ulambu kuenje va vumba Salomone oloneke viosi viomuenyo waye.
22
Okulia kua Salomone, veteke, kuoku: akui atatu koviyongelo viosema ya fina, lakui epandu koviyongelo viosema yaño,
23
lekui liolongombe via neta lakui avali kolongombe via lila kalulio, locita colomeme, kuenda vali olohõha lolombambi lolosonge lolonjila via netisua.
24
Momo wa tulamela ofeka yosi ya sinyolio liolui, tunde ko Tifisa toke ko Gasa, olosoma viosi via sinyolio liolui wa vi tulamela. Kuenje wa kala lombembua kolonele viosi.
25
Yuda la Isareli, tunde ko Dani toke ko Bereseva, va tunga howa, omunu lomunu vemi liuyuva waye lukuyu waye, oloneke viosi via Salomone.
26
Salomone wa kala lakui akuãla kolohũlũkãi viovimanga viotuvalu tuakãlu aye, kuenda ekui la vivali kolohũlũkãi viavakuatuvalu.
27
Soma Salomone la vosi va lialia komesa ya Soma Salomone, vakalei kaco va va vanjaila okulia, omunu omunu losãi yaye. Lacimue va kambisa.
28
Otuvalu tuaño lotuvalu tuolupesi va tu nenelavo osevata lopaya, kuna kua tukuiwa, omunu omunu ndocikundi caye.
29
Suku wa muisa Salomone olondunge lukulihiso wa piala lovokuasi utima, ndeseke liokopalaya.
30
Olondunge via Salomone via velelepo olondunge viomanu vosi vokutundilo, ndaño olondunge viosi vie Egito.
31
Momo wa velelepo omanu vosi kolondunge, ndaño Etani u Esira, la Hemani la Kalikole la Darida, omãla va Mahola, va sule. Kuenje oluhimo luaye lua sandokaila kolofeka viosi vi lisungue.
32
Wa sovola olohũlũkãi vitatu violosapo, ovisungo viaye via soka ohũlũkãi kovisungo vitãlo.
33
Wa sinumula evi vioviti, tunde kocinendele co vo Levanone, toke kocimbuandu ci yovaila vocimano. Wa sinumulavo evi viovinyama lolonjila, levi viakuakuyaila, lolõsi.
34
Kolofeka viosi kua tunda omanu veyilila oku yeva olondunge via Salomone, va tunda kolosoma viosi vio kilu lieve vina via yevele oluhimo luolondunge viaye.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22