bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 14
1 Kings 14
Umbundu Bible (Embimbiliya - Bíblia Sagrada em Umbundu)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
1
Koloneke viaco, Aviya omõla a Yerevoama, wa vela.
2
Yerevoama wa popia lukãi waye hati, Hu pinga, katuka, liviaviaya, oco ku ka limbukiwe ndukãi wa Yerevoama. Kuende ko Silo. Tala, ku kasi uprofeto Ahiya, una wa sapuilile okuti ame ndinga Soma yomanu ava.
3
Ambata ekui liolombolo viaño, levi vi sosa, locimbutika cowiki, kuende kokuaye, leye o ka ku sapuila eci ciya komõla.
4
Ukãi wa Yerevoama wa ci linga. Wa katuka yu wa enda ko Silo kuenje weya konjo ya Ahiya. Ahiya puãi ka lete vali. Ovaso aye a vuvala momo wa kuka.
5
Yehova wa popia la Ahiya hati, Tala, ukãi wa Yerevoama wiya oku ku pulila omolaye, momo o vela. Ove o popia laye ongandi longandi. Momo eci a iñila, o lilekisa ndukãi umue wiñi.
6
Oco Ahiya oku yeva olomai viaye tuli tuli eci a iñila kuvelo, wa popia hati, Iñila, okãi wa Yerevoama. O lilekisila nye ndumue wiñi? Nda tumiwa kokuove lolondaka vi vala.
7
Kuende ka sapuile Yerevoama huti, Ca popia Yehova Suku ya Isareli ceci, hati, Nda ku upa pokati komanu loku ku velisapo, kuenda nda ku lingisa ombiali yomanu vange va Isareli;
8
nda nyeha usoma kepata lia Daviti, yu nda weca kokuove. Haimo kua lingile ndukuenje wange Daviti, u wa lava ovihandeleko viange loku ñuama lutima waye wosi, loku linga lika eci ca sunguluka kovaso ange.
9
Puãi ove wa linga cĩvi, ca piãla vosi va ku livangela, momo wa ka lipangelele olosuku vikuavo loviñumañuma via itilua, oku wengula onyeño yange, kuenje wa njimba onyima yove.
10
Oco tala, nenela epata lia Yerevoama ohali, omãla vosi valume vepata lia Yerevoama kIsareli ndi va kundula, ci kale upika, ci kale omamale. Nakumula epata lia Yerevoama ndeci omunu o takumula eniña toke ka li moleha vali.
11
Ukuepata lia Yerevoama o fila vimbo, olombua viu lia; lu o fila vusenge, olonjila viovilu viu lia. Momo Yehova wa ci popia.
12
Oco katuka, kuende konjo yove. Eci olomai viove vi liatela vimbo, omõla o fa.
13
Isareli yosi yu lila loku u kenda. Povakuepata lia Yerevoama, eye lika o kendiwa veyambo, momo vepata lia Yerevoama, kokuaye lika kua sangiwa cimue ciwa ca Yehova, Suku ya Isareli.
14
Kuenda vali Yehova o likatuila osoma kIsareli, u o laika oku kundula epata lia Yerevoama keteke liaco. Hacoko nga ci lingiwa kaliye?
15
Yehova o veta Isareli, ndeci oluneva lu tumunyua vovava. O veyula Isareli vofeka yilo yiwa yina a ecele kolosekulu viavo, o va sandowaila sinya olio lia Ferati, momo va panga Asera avo, loku wengula onyeño ya Yehova.
16
Weca Isareli kovanyali mekonda liakandu ana a linga Yerevoama, haeye wa kokela Isareli oku linga ekandu.
17
Ukãi wa Yerevoama wa katuka, wa enda, yu weya ko Tirisa. Eci a pitila puvelo wonjo, haico omõla a fa.
18
Isareli yosi yo kenda loku u lila, ndondaka ya Yehova yina a popele lomela wukuenje waye uprofeto Ahiya.
19
Ovilinga vikuavo via Yerevoama, ndomo a yaka kuenda ndomo a viala, via sonehiwa velivulu liasapulo olosoma via Isareli.
20
Oloneke Yerevoama a viala via soka anyamo akui avali la avali. Kuenje wa pekela lolosekulu viaye. Omolaye Nadava wa piñala komangu yaye.
21
Rehovama, omõla a Salomone, wa viala ko Yuda. Rehovama wa kala lanyamo akuĩ akuãla lamosi eci a fetika oku viala. Yu wa viala anyamo ekui lepanduvali vo Yerusalãi, vimbo lina Yehova a nola povapata osi a Isareli ha kapimo onduko yaye. Onduko ya inaye Nahama, u Amoni.
22
Yuda ya linga eci cĩvi kovaso a Yehova, kuenje va wengula esepa liaye lovakandu avo ana va linga loku pitahala osi a lingile olosekulu viavo.
23
Momo lavovo va litungila ovotala kolonumbuko loviñumañũma la Asera koviwulu viosi lo vemehi lioviti viosi via pulika.
24
Vofeka mua kalavo ukahonga walume lalume. Va linga ndumbondo wosi wolofeka vina Yehova a tundisile kovaso a va Isareli.
25
Ceya okuti kunyamo watãlo wa Soma Rehovama, Sisiake Soma yEgito wa tundila Yerusalãi.
26
Eye wopa ovokuasi onjo ya Yehova lovokuasi onjo ya Soma, wopa muẽle cosi. Wopavo oviyepelo viosi viulu vina Salomone a pangele.
27
Soma Rehovama oku vi piñainyapo, wa panga oviyepelo viosipi, wa vi eca povaka avakesongo liavakuakulava ombundi yonjo ya Soma.
28
Olonjanja viosi Soma a enda vonjo ya Yehova, vakuakulava va vi wala, noke va vi nena vali vohondo yavakuakulava.
29
Ovilinga vikuavo via Rehovama, levi viosi a linga, ka via sonehelue hẽ velivulu liasapulo olosoma via Yuda?
30
Pokati ka Rehovama la Yerevoama, pa kala kala ovita olonjanja viosi.
31
Rehovama wa pekela lolosekulu viaye. Yu wa kendiwa kumue lolosekulu viaye vimbo lia Daviti. Onduko ya inaye Nahama u Amoni. Omolaye Aviyama wa piñala komangu yaye.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22