bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 20
1 Kings 20
Umbundu Bible (Embimbiliya - Bíblia Sagrada em Umbundu)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 21 →
1
Benehadada, Soma ya Suria, wongoluila pamosi olohoka viaye viosi. Olosoma akui atatu lavivali via kala kumue laye kuenda otuvalu lakãlu. Yu wa lamana, wa ñuala Samaria ocingonja, kuenda wa liyaka lalio.
2
Wa tuma olomunga kimbo, ku Ahava Soma ya Isareli, wa popia laye hati, Ca popia Benehadada ceci, hati,
3
Opalata yove lulu wove, viange. Lakãi vove le lomãla vove, vana va velapo koku posoka, vange.
4
Soma ya Isareli wa kumbulula hati, A cime cange, a Soma, ndeci wa popia, ocili ndu wove, leci cosi ñuete, cove.
5
Olomunga vieya vali, kuenje viti, Ca popia Benehadada ceci hati, Nda tumile kokuove siti, Nyihe opalata yove lulu wove, lakãi vove, lomãla vove.
6
Oco hela owola ndoyo, ha tuma akuenje vange kokuove, va ka pakasa onjo yove lolonjo viakuenje vove. Oco eci cosi ca posoka kokuove, va ci tambula, ha va endi laco.
7
Oco Soma ya Isareli wa kovonga akulu vosi vofeka, kuenje hati, Tali ño, limbuki ndomo omunu u a sanda ema. Momo wa minga akãi vange lomala vange, lopalata yange lulu wange, lame sia likalele.
8
Akulu vosi lomanu vosi va popia laye vati, Ku ko yevelele, ku ka tave.
9
Oco wa popia lolomunga via Benehadada hati, Sapuili cime cange Soma hoti, Cosi wa tumile oku pinga kukuenje wove konjanja yatete ndi ci linga. Puãi ocina ecindeti, si tẽla oku ci linga. Oco olomunga via enda, yu vio tualela ondaka.
10
Benehadada wa tiula ondaka ku Ahava hati, Olosuku vi ndinge cosi via panga, loku vandekako ño nda oneketela ya Samaria yi tela omanu vosi va ñuama, u epupu, u epupu.
11
Oco Soma ya Isareli wa kumbulula hati, U sapuili hoti, U o yelula ovimaleho ka ka lipande nda yu o vi tulapo.
12
Eci Benehadada a yeva ondaka eyi, wa kala loku nyuila volosinge kumue lolosoma, oco wa popia lakuenje vaye hati, Liangiliyi! Oco va liangiliya ha va katukila imbo.
13
Kuenje tala, ku Ahava Soma ya Isareli kueya uprofeto umue, hati, Ca popia Yehova ceci hati, Wa mola hẽ owiñi owundeti wosi, wakahandangala? Ota, ndu weca peka liove etaili, love o limbuka okuti ame Yehova.
14
Ahava wa popia hati, O va eca lelie? Eye hati, Ca popia Yehova ceci, hati, Ci lingiwa lakuenje volombuale viovovikanjo. Ahava hati, Helie o fetikako oku yaka? Wa kumbulula hati, Ove.
15
Oco wa tenda akuenje volombuale viovovikanjo, va soka ovita vivali lakui atatu lavavali kalume. Noke wa tenda omanu vosi, ndokuti va Isareli vosi, va soka olohulukãi epanduvali.
16
Ekumbi pongunji va tunda. Puãi Benehadada wa kala loku kolua volosinge, eye kumue lolosoma akui atatu la vivali, vina vio kuatisa.
17
Akuenje volombuale viovovikanjo, ovo va tunda tete. Benehadada wa tuma oku kulihisa, kuenje vo sapuila vati, Ko Samaria ku tundilila alume.
18
Eye hati, Nda veyilila ombembua, enjui lavo lomuenyo. Nda veyilila oku yaka, enjui lavo lomuenyo.
19
Ava va tunda vimbo, vava: akuenje volombuale viovovikanjo, kuenda olohoka vina via va kuama.
20
Oco omunu omunu wa ipa omunu waye, kuenje va Suria va tila. Va Isareli va va landula. Benehadada, Soma ya Suria, wa tila lokavalu kumue lavakuatuvalu.
21
Soma ya Isareli wa tunda, yu wa nyola otuvalu lakãlu, kuenje wa kundula va Suria va lua.
22
Uprofeto weya ku Soma ya Isareli, yu wa popia laye hati, Tala, lipamisa, kuenda sokolola ciwa eci wa sesamela oku linga. Momo ponjovo, Soma ya Suria o ku katukila.
23
Akuenje va Soma ya Suria va popia laye vati, Olosuku viavo olosuku violomunda. Oco va tu velelapo kongusu. Puãi tu liyakeli lavo vetapi, kuenje ka tu pumbi oku va velapo kongusu.
24
Linga handi ndoco: Osoma losoma yupa komangu yayo, piñainyako vakesongo.
25
Konga olohoka via lisoka lolohoka vina wa pesela, ci kale kotuvalu, ci kale kakãlu. Oco tu liyakeli lavo vetapi, kuenje ka tu pumbi oku va velapo kongusu. Eye wa yeva kondaka yavo, kuenje wa ci linga.
26
Ponjovo, Benehadada wa tenda va Suria, yu wa enda kAfeke ha liyaki la Isareli.
27
Va Isareli va tendiwavo, va tambula ohuta, kuenje va va tundila. Va Isareli va tunga ovilombo, yu va lisuñama lavo, kuenje va moleha ndotuviunda tuvali tuotuhombo. Va Suria puãi ve yuka to vofeka.
28
Kueya omunu wa Suku, wa popia la Soma ya Isareli hati, Ca popia Yehova ceci hati, Omo va Suria vati, Yehova eye Suku yolomunda puãi hasuku yovimbotako, oco owiñi owundeti wosi, wakahandangala, nda weca peka liove, lene vu limbuka okuti ame Yehova.
29
Ovilombo viavo via limba ovaso, lovo va kalamo oloneke epanduvali. Keteke liepanduvali ocilunga ca sokeka, kuenje veteke limuamue va Isareli va ponda ocita colohũlũkãi viasualali va va Suria, vakuakuendela posi.
30
Vakuavo puãi va tilila vimbo, vAfeke. Ocimano cimbo ca kupukila akui avali lepanduvali kolohũlũkãi vialume, vana va supilepo. Benehadada wa tilavo, kuenje wa iñila vimbo, vohondo yovokati.
31
Akuenje vaye va popia laye vati, Kaliye tala, tua yeva okuti olosoma viepata lia Isareli vakuahenda. Oco tu wali ovikelei volombunda vietu lovikolo kovitue vietu, kuenje tu endi ku Soma ya Isareli. Mbi eye o popela omuenyo wove.
32
Oco va wala ovikelei volombunda viavo lovikolo kovitue viavo, veya ku Soma ya Isareli, Vati, Ukuenje wove Benehadada hati, Tava okuti ñala lomuenyo. Ahava hati, Lopo yo lomuenyo? Eye manjange.
33
Alume vaco, oku ci yeva, va liupilako olondunge, yo va yayulako oku tambulula vati, Ocili Benehadada manjove. Noke eye hati, Kuendi ka wupi. Oco Benehadada wa tunda, yo weya kokuaye. Ahava wo londisa vekãlu.
34
Benehadada wa popia laye hati, Ndi tiula ovaimbo ana tate a pundile ku so, love o litungila ovitanda ko Damasko, ndeci ca linga tate vo Samaria. Ahava hati, Locisila eci hu eca. Oco wa linga laye ocisila, yu wa weca.
35
Ulume umue wopocisoko covaprofeto wa popia lukuavo londaka ya Yehova hati, Ndinge ohenda, mbete! Ukuavo puãi ka tavele oku u veta.
36
Oco wa popia laye hati, Omo kua pokuile kondaka ya Yehova, tala, eci o tunda kokuange ohosi yi ku ipa. Oco tuli a tunda kokuaye, ohosi yo sanga yu ya wipa.
37
Yu wa sanga omunu umue ukuavo, hati, Ndinge ohenda, mbete. Omunu waco wo veta kuenje wo valula.
38
Oco uprofeto wa enda, wa talamela Soma vonjila, wa liviaviaiya locifuto vovaso.
39
Eci Soma a vinjuka, eye wa vilikiya Soma hati, Ukuenje wove wa kala vokati kocilunga, kuenje tala, omunu umue weya, wa nenela ulume umue, hati, Lava ulume u! Nda o ku tila, omuenyo wove u lifeta lomuenyo waye, pamue o feta otalendo yopalata.
40
Osimbu ukuenje wove a sakalala leci loco, ulume wa enda. Oco Soma ya Isareli wa popia laye hati, Eli olio li linga episo liove, ove muẽle wa teta onimbu.
41
Haico muẽle, opa ocifuto vovaso aye, kuenje Soma ya Isareli wo limbuka okuti umue povaprofeto.
42
Eye wa popia laye hati, Ca popia Yehova ceci hati, Omo ove wa tava okuti omunu una nda tukuilile enyoleho a puluka peka liove, oco omuenyo wove u lifeta lomuenyo waye, lomanu vove va lifeta lomanu vaye.
43
Soma ya Isareli wa enda konjo yaye loku nyumala, loku tema. Yu weya ko Samaria.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22