bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Kings 21
1 Kings 21
Umbundu Bible (Embimbiliya - Bíblia Sagrada em Umbundu)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
Kaliye, Navote u Yesirele wa kala locumbo cayuva, vo Yesirele, ocipepi leyemba lia Ahava, Soma ya Samaria.
2
Ahava wa popia la Navote hati, Nyihe ocumbo cove cayuva, ha ci lingi ocumbo cange covikũla. Momo ci kasi ocipepi lonjo yange. Ndu ku iha ocumbo cimue cayuva ca velapo vali, pamue nda ca ku sungulukila ndu ku iha ondando yaco kolombongo.
3
Navote wa popia la Ahava hati, Yehova a ndave koku ku iha ocipiñalo colosekulu viange!
4
Ahava weya konjo yaye, wa nyumala kuenda wa temela ondaka yina ya popia laye Navote u Yesirele, momo wa popia laye hati, Siu ku iha ocipiñalo colosekulu viange. Wa Pekela kula waye, ocipala caye nyũlulu, ka tavele oku lia.
5
Puãi ukãi waye Isevele weya kokuaye, wa Popia laye hati, Utima wove wa nyumalela nye, okuti ndaño okulia ku li?
6
Eye wa popia lukai hati, Momo nda vangula la Navote u Yesirele, nda popia laye siti, Ndandise ocumbo cove cayuva, pamue nda ca ku sungulukila ndu ku ihilamo ocumbo cikuavo cayuva. Puãi eye wa kumbulula hati, Siu ku iha ocumbo cange cayuva.
7
Ukãi waye Isevele wa popia laye hati, Haveko hẽ wa viala usoma wa Isareli? Pasuka, lia, lutima wove u sanjuke. Ame ndu ku iha ocumbo cayuva ca Navote u Yiserele.
8
Oco wa soneha ovikanda vonduko ya Ahava, wa vi yika londimbukiso yaye, kuenje wa tuma ovikanda viaco kakulu lokolombuale via tunga kumue la Navote kimbo liaye.
9
Vovikanda eye wa sonehamo hati, Tukuli eteke limue lioku likandangiya okulia. Tumbikili Navote kovaso yomanu.
10
Kuenda kovaso aye kapiko alume vavali vakuesanda, ha va wimbila uvangi vati, Wa popela Suku la Soma etonai. Noke tundili laye kusenge, u sosoli ha fi.
11
Alume vimbo liaye, akulu lolombuale va tunga vimbo liaye, va linga ndomo Isevele a va tumila, ndomo ca sonehiwa vovikanda vina a va tumisa.
12
Va tukula eteke lioku likandangiya okulia, kuenje va tumbikila Navote kovaso yomanu.
13
Kuenje alume vavali vakuesanda va iñila, yu va tumãla kovaso aye. Alume vakuesanda va pindikila Navote kovaso omanu, vati, Navote wa popela Suku la Soma etonai. Oco va tundila laye kusenge wimbo, vo sosola lovawe, yu wa fa.
14
Noke va tuma ku Isevele, vati, Navote wa sosuiwa lovawe kuenje wa fa.
15
Eci Isevele a yeva okuti Navote wa sosuiwa lovawe, kuenda wa fa, oco Isevele wa popia la Ahava hati, Katuka, tambula ocumbo cayuva ca Navote u Yiserele, cina eye ka tavele oku ku landisa. Momo Navote ka kasi vali lomuenyo, wa fa.
16
Eci Ahava a yeva okuti Navote wa fa, oco Ahava wa katuka, wa lokila kocumbo ca Navote u Yiserele, kuenje wa ci tambula.
17
Oco ondaka ya Yehova yeya ku Eliya u Tisibi, hati,
18
Katuka, loka, hu ñualẽhẽla la Ahava, Soma ya Isareli, wa tunga ko Samaria. Tala o kasi vocumbo cayuva ca Navote, kuna a lokila ha ci tambula.
19
O ka popia laye huti, Ca popia Yehova ceci, hati, Ove wa ipa, haive wa tambula? O popia laye vali huti, Ca popia Yehova ceci, hati, Apa olombua via lesela osonde ya Navote, haipo vi lesela osonde yove, yove muele.
20
Ahava wa popia la Eliya hati, Wa sanga, onyali wange? Leye wa kumbulula hati, Nda ku sanga, momo wa lilandisa ove muẽle oku linga eci cĩvi kovaso a Yehova.
21
Tala, hu nenela ohali, hu takumula, omala vosi valume vepata lia Ahava kIsareli. Ndi va kundula, ci kale upika, ci kale omamale.
22
Ndinga lepata liove ndeci nda linga lepata lia Yerevoama, omõla a Nevata, kuenda ndeci nda linga lepata lia Baasia, omõla a Ahiya, momo ove wa wengula onyeño yange kuenje wa kokela Isareli oku linga ekandu.
23
Isevele, Yehova wo popelavo ondaka yiti, Olombua vi ka takilila Isevele volongave via Yesirele.
24
Ukuepata lia Ahava o fila vimbo, olombua viu lia; lu o fila vusenge, olonjila viovilu viu lia.
25
Ka kua la kala umue wa lilandisa eye muẽle oku linga evĩho kovaso a Yehova, ndeci Ahava, una ukãi waye Isevele a tutumainya.
26
Wa linga umbondo wa piãla loku tiamela koviteka, ndeci muẽle ca lingainga va Amori, vana Yehova a tundisile kovaso a va Isareli.
27
Eci Ahava a yeva olondaka evi, wa tola olonanga viaye, wa wala ocikelei ketimba liaye, wa likandangiya okulia, wa pekela pocikelei, kuenje wa enda leli! leli!
28
Ondaka ya Yehova yeya ku Eliya u Tisibi, yiti,
29
Wa mola hẽ ndomo Ahava a liketisa kovaso ange? Omo a liketisa kovaso ange, si nena ohali koloneke viaye, te koloneke viomolaye oco nenela epata liaye ohali.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22