bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
1 Chronicles 11
1 Chronicles 11
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 12 →
1
Tab sáre Isráílí Habrún meṉ Dáúd ke pás jama‘ hokar kahne lage, Dekh, ham terí hí haḍḍí aur terá hí gosht haiṉ.
2
Aur guzashta zamáne meṉ us waqt bhí jab Sáúl bádsháh thá, tú hí le jáne aur le áne meṉ Isráílíoṉ ká rahbar thá; aur Ḳhudáwand tere Ḳhudá ne tujhe farmáyá, ki Tú merí qaum Isráíl kí gallabání karegá, aur tú hí merí qaum Isráíl ká sardár hogá.
3
G̣araz, Isráíl ke sáre buzurg Habrún meṉ bádsháh ke pás áe; aur Dáúd ne Habrún meṉ un ke sáth Ḳhudáwand ke huzúr ‘ahd kiyá; aur unhoṉ ne Ḳhudáwand ke kalám ke mutábiq jo us ne Samúel kí ma‘rifat farmáyá thá Dáúd ko mamsúh kiyá, táki wuh Isráílíoṉ ká bádsháh ho.
4
Aur Dáúd aur tamám Isráílí Yarúshalem ko gaye, (Yabús yihí hai,) aur us mulk ke báshinde Yabúsí waháṉ the.
5
Aur Yabús ke báshindoṉ ne Dáúd se kahá, ki Tú yaháṉ áne na páegá. Taubhí Dáúd ne Siyyún ká qil‘a le liyá, yihí Dáúd ká shahr hai.
6
Aur Dáúd ne kahá, ki Jo koí pahle Yabúsíoṉ ko máre, wuh sardár aur sipahsálár hogá. Aur Yoáb bin Zarúyáh pahle chaṛh gayá, aur sardár baná.
7
Aur Dáúd qil‘e meṉ rahne lagá, is liye unhoṉ ne us ká nám Dáúd ká shahr rakkhá.
8
Aur us ne shahr ko girdágird ya‘ní Millo se lekar girdágird banáyá; aur Yoáb ne báqí shahr kí marammat kí.
9
Aur Dáúd taraqqí par taraqqí kartá gayá, kyúṉki Rabb u’l afwáj us ke sáth thá.
10
Aur Dáúd ke súrmáoṉ ke sardár yih haiṉ, jinhoṉ ne us kí saltanat meṉ sáre Isráíl ke sáth use taqwíyat dí, táki jaisá Ḳhudáwand ne Isráíl ke haqq meṉ kahá thá, use bádsháh banáeṉ.
11
Aur Dáúd ke súrmáoṉ ká shumár yih hai: Yasúbi‘am bin Hakmúní jo tísoṉ ká sardár thá: us ne tín sau par apná bhálá chaláyá, aur un ko ek hí waqt meṉ qatl kiyá.
12
Us ke ba‘d Aḳhúhí Dodo ká beṭá Ilí‘azar thá jo un tínoṉ súrmáoṉ meṉ se ek thá.
13
Wuh Dáúd ke sáth Fasdammím meṉ thá, jaháṉ Filistí jang karne ko jama‘ húe the, waháṉ zamín ká ek qit‘a jau se bhará húá thá; aur log Filistíoṉ ke áge se bháge.
14
Tab unhoṉ ne us qit‘e ke bích meṉ khaṛe hokar use bacháyá, aur Filistíoṉ ko qatl kiyá, aur Ḳhudáwand ne baṛí fath dekar un ko riháí baḳhshí.
15
Aur un tísoṉ sardároṉ meṉ se tín Dáúd ke sáth us chaṭán par, ya‘ní ‘Adullám ke mag̣áre meṉ utar gaye, aur Filistíoṉ kí fauj Rifáím kí wádí meṉ ḳhaimazan thí.
16
Aur Dáúd us waqt gaṛhí meṉ thá, aur Filistíoṉ kí chaukí us waqt Baitlahm meṉ thí.
17
Aur Dáúd ne tarskar kahá, Ai kásh koí Baitlahm ke us kúeṉ ká pání jo pháṭak ke qaríb hai mujhe píne ko detá!
18
Tab wuh tínoṉ Filistíoṉ kí saff ṭorkar nikal gaye, aur Baitlahm ke us kúeṉ meṉ se jo pháṭak ke qaríb hai pání bhar liyá, aur use Dáúd ke pás láe; lekin Dáúd ne na cháhá ki use piye; balki use Ḳhudáwand ke liye tapáyá,
19
aur kahne lagá, ki Ḳhudá na kare, ki maiṉ aisá karúṉ: kyá maiṉ in logoṉ ká ḳhún píúṉ jo apní jánoṉ par khele haiṉ? kyúṉki wuh jánbází karke us ko láe haiṉ. So us ne na piyá par na piyá. Wuh tínoṉ súrmá aise aise kám karte the.
20
Aur Yoáb ká bháí Abíshai tínoṉ ká sardár thá: us ne tín sau par bhálá chaláyá, aur un ko már ḍálá; wuh in tínoṉ meṉ námí thá.
21
Yih in tínoṉ meṉ un donoṉ se ziyáda mu‘azzaz thá, aur un ká sardár baná, lekin un pahle tínoṉ ke darje ko na pahuṉchá.
22
Aur Bináyáh bin Yahoyada‘, ek Qabzíelí súrmá ká beṭá thá jis ne baṛí bahádurí ke kám kiye the: us ne Moáb ke Aríel ke donoṉ beṭoṉ ko qatl kiyá, aur jákar barf ke mausim meṉ ek gaṛhe ke bích ek sher ko márá.
23
Aur us ne páṉch háth ke ek qaddáwar Misrí ko qatl kiyá, háláṉki us Misrí ke háth meṉ juláhe ke shahtír ke barábar ek bhálá thá; par wuh ek láṭhí liye húe us ke pás gayá, aur bhále ko us Misrí ke háth se chhínkar usí ke bhále se us ko qatl kiyá.
24
Yahoyada‘ ke beṭe Bináyáh ne aise aise kám kiye; aur wuh un tínoṉ súrmáoṉ meṉ námí thá.
25
Wuh un tísoṉ se mu‘azzaz thá, par pahle tínoṉ ke darje ko na pahuṉchá; aur Dáúd ne use apne muháfiz sipáhíoṉ ká sardár banáyá.
26
Aur lashkaroṉ meṉ súrmá yih the: Yoáb ká bháí ‘Asáhel aur Baitlahmí Dodo ká beṭá Ilhanán;
27
aur Sammot Harúrí; Ḳhalis Falúní;
28
Taqú‘í ‘Aqqís ká beṭá ‘Írá; Abí‘azar ‘Anatotí;
29
Sibbakí Húsátí; ‘Ílí Aḳhúhí;
30
Maharí Natúfátí; Halid bin Ba‘nah Natúfátí;
31
baní Binyamín ke Jibi‘ah ke Ríbí ká beṭá Ittaí; Bináyáh Fir‘átoní;
32
Ja‘s kí nadiyoṉ ká báshinda Húrí; Abíel ‘Arbátí;
33
‘Azmávat Baharúmí; Ilyahbá Sa‘lbúní;
34
baní Hashím Jizúní; Harárí Shají ká beṭá Yúnatan;
35
aur Harárí Sakár ká beṭá Aḳhíám; Ilifál bin Úr;
36
Hifr Makírátí; Aḳhiyáh Falúní;
37
Hasrú Karmilí; Nag̣arí bin Azbí;
38
Nátan ká bháí Yúel; Mibḳhár bin Hájirí;
39
Silaq ‘Ammoní; Naharí Baírotí jo Yoáb bin Zarúyáh ká siláhbardár thá;
40
‘Írá Itrí; Jaríb Itrí;
41
Úriyáh Hittí; Zabad bin Aḳhlí;
42
Sízá Rúbíní ká beṭá ‘Adína, Rúbíníoṉ ká ek sardár, jis ke sáth tís jawán the;
43
Hanán bin Ma‘kah; Yahúsafat Mitní;
44
‘Uzziyá ‘Istárátí; Ḳhútám ‘Aro‘írí ke beṭe Samá‘ aur Ya‘íel,
45
Yadí‘ael bin Simrí, aur us ká bháí Yúḳhá Tísí;
46
Ilíel Maháwí aur Ilna‘m ke beṭe Yaríbí, aur Yúsáviyáh; aur Yitmah Moábí;
47
Ilíel; aur ‘Obed; aur Ya‘síel Mazobáí.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29