bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
1 Chronicles 19
1 Chronicles 19
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 20 →
1
Is ke ba‘d aisá húá, ki baní ‘Ammon ká bádsháh Náhas mar gayá, aur us ká beṭá us kí jagah saltanat karne lagá.
2
Tab Dáúd ne kahá, ki Maiṉ Náhas ke beṭe Hanún ke sáth nekí karúṉgá, kyúṉki us ke báp ne mere sáth nekí kí. Pas Dáúd ne qásid bheje, táki us ke báp ke báre meṉ use tasallí deṉ. So Dáúd ke ḳhádim baní ‘Ammon ke mulk meṉ Hanún ke pás áe, ki use tasallí deṉ.
3
Phir baní ‘Ammon ke amíroṉ ne Hanún se kahá, Kyá terá ḳhayál hai ki Dáúd tere báp kí ‘izzat kartá hai jo us ne tere pás tasallí denewále bheje haiṉ? kyá us ke ḳhádim tere mulk ká hál daryáft karne aur use tabáh karne aur bhed lene nahíṉ áe haiṉ?
4
Tab Hanún ne Dáúd ke ḳhádimoṉ ko pakṛá, aur un kí dáṛhí múṉchheṉ munḍwákar un kí ádhí poshák un ke surínoṉ tak kaṭwá ḍálí, aur un ko rawána kar diyá.
5
Tab ba‘zoṉ ne jákar Dáúd ko batáyá ki un ádmíoṉ se kaisá sulúk kiyá gayá. So us ne un ke istiqbál ko log bheje, is liye ki wuh niháyat sharmáte the. Aur bádsháh ne kahá, ki Jab tak tumhárí dáṛhiyáṉ na baṛh jáeṉ, Yaríhú meṉ ṭhahre raho; is ke ba‘d lauṭ áná.
6
Jab baní ‘Ammon ne dekhá ki wuh Dáúd ke huzúr nafratangez ho gaye haiṉ, to Hanún aur baní ‘Ammon ne Masopatámiya aur Arám Ma‘kah aur Zobáh se rathoṉ aur sawároṉ ko kiráya karne ke liye ek hazár qintár chándí bhejí.
7
So unhoṉ ne battís hazár rathoṉ, aur Ma‘kah ke bádsháh, aur us ke logoṉ ko apne liye kiráya kar liyá jo ákar Mídbá ke samne ḳhaimazan ho gaye. Aur baní ‘Ammon apne apne shahr se jama‘ húe, aur laṛne ko áe.
8
Jab Dáúd ne yih suná to us ne Yoáb, aur súrmáoṉ ke sáre lashkar ko bhejá.
9
Tab baní ‘Ammon ne nikalkar shahr ke pháṭak par laṛáí ke liye saff báṉdhí; aur wuh bádsháh jo áe the so un se alag maidán meṉ the.
10
Jab Yoáb ne dekhá ki us ke áge aur píchhe laṛáí ke liye saff baṉdhí hai, to us ne Isráíl ke ḳháss logoṉ meṉ se ádmí chun liye, aur Arámíoṉ ke muqábil un kí saffáráí kí.
11
Aur báqí logoṉ ko apne bháí Abíshai ke supurd kiyá, aur unhoṉ ne baní ‘Ammon ke sámne apní saff báṉdhí.
12
Aur us ne kahá, ki Agar Arámí mujh par g̣álib áeṉ, to tú merí kumak karná; aur agar baní ‘Ammon tujh par g̣álib áeṉ, to maiṉ terí kumak karúṉgá.
13
So himmat báṉdho, aur áo, ham apní qaum aur apne Ḳhudá ke shahroṉ kí ḳhátir mardánagí kareṉ; aur Ḳhudáwand jo kuchh use bhalá ma‘lúm ho kare.
14
Pas Yoáb apne logoṉ samet Arámíoṉ se laṛne ko áge baṛhá, aur wuh us ke sámne se bháge.
15
Jab baní ‘Ammon ne Arámíoṉ ko bhágte dekhá, to wuh bhí us ke bháí Abíshai ke sámne se bhágkar shahr meṉ ghus gaye. Tab Yoáb Yarúshalem ko lauṭ áyá.
16
Jab Arámíoṉ ne dekhá, ki unhoṉ ne baní Isráíl se shikast kháí, to unhoṉ ne qásid bhejkar daryá e Furát ke pár ke Arámíoṉ ko bulwáyá, aur Hadar‘azar ká sipahsálár Sofak un ká sardár thá.
17
Aur is kí ḳhabar Dáúd ko milí; tab wuh sáre Isráíl ko jama‘ karke Yardan ke pár gayá, aur un ke qaríb pahuṉchá aur un ke muqábil saff báṉdhí. So jab Dáúd ne Arámíoṉ ke muqábale meṉ jang ke liye saff báṉdhí, to wuh us se laṛe.
18
Aur Arámí Isráíl ke sámne se bháge; aur Dáúd ne Arámíoṉ ke sát hazár rathoṉ ke sawároṉ, aur chálís hazár piyádoṉ ko márá, aur lashkar ke sardár Sofak ko qatl kiyá.
19
Jab Hadar‘azar ke mulázimoṉ ne dekhá, ki wuh Isráíl se hár gaye, to wuh Dáúd se sulh karke us ke mutí‘ ho gaye. Aur Arámí baní ‘Ammon kí kumak par phir kabhí rází na húe.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29