1 Chronicles 9

Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))

← Chapter 8 Jump to: Chapter 10 →

1Pas sárá Isráíl nasabnámoṉ ke mutábiq jo Isráíl ke bádsháhoṉ kí kitáb meṉ darj haiṉ giná gayá, aur Yahúdáh apne gunáhoṉ ke sabab se asír hokar Bábul ko gayá.

2Aur wuh jo pahle apní milkíyat aur apne shahroṉ meṉ base, so Isráílí, aur káhin, aur Láwí, aur Natiním the.

3Aur Yarúshalem meṉ baní Yahúdáh meṉ se, aur baní Binyamín meṉ se, aur baní Ifráím aur Munassí meṉ se yih log rahne lage, ya‘ní

4‘Útí bin ‘Ammíhúd, bin ‘Umrí, bin Imrí, bin Bání jo Fáras bin Yahúdáh kí aulúd meṉ se thá.

5Aur Sailáníoṉ meṉ se: ‘Asáyáh, jo pahlauṭhá thá, aur us ke beṭe.

6Aur baní Zárah meṉ se: Ya‘úel, aur un ke chha sau nawwe bháí.

7Aur baní Binyamín meṉ se: Sallú bin Masullám, bin Húdáviyáh, bin Hasínúáh;

8aur Ibniyáh bin Yarohám, aur Ailah bin ‘Uzzí, bin Mikrí, aur Masullám bin Safatiyáh, bin Ra‘úel, bin Ibniyáh;

9aur un ke bháí jo apne nasabnámoṉ ke mutábiq nau sau chhappan the. Yih sab mard apne apne ábáí ḳhándánoṉ ke mutábiq ábáí ḳhándánoṉ ke sardár the.

10Aur káhinoṉ meṉ se: Yada‘iyáh, aur Yahúyaríb, aur Yakín,

11aur ‘Azariyáh bin Ḳhilqiyáh, bin Masullám, bin Sadoq, bin Miráyat bin Aḳhítob jo Ḳhudá ke ghar ká názim thá;

12aur ‘Adáyáh bin Yarohám, bin Fashhúr, bin Malkiyáh, aur Ma‘sí bin ‘Adíel, bin Yahzíráh, bin Masullám, bin Musallimít, bin Immer;

13aur un ke bháí apne ábáí ḳhándánoṉ ke raís, ek hazár sát sau sáṭh the jo Ḳhudá ke ghar kí ḳhidmat ke kám ke liye baṛe qábil ádmí the.

14Aur Láwíoṉ meṉ se yih the: Sama‘iyáh bin Hasúb, bin ‘Azríqám, bin Hasabiyáh, baní Mirárí meṉ se;

15aur Baqbaqqar, Haras, aur Jalál, aur Mattaniyáh bin Míkáh, bin Zikrí, bin Ásaf;

16aur ‘Abadiyáh bin Sama‘iyáh, bin Jalál, bin Yadútún, aur Barakiyáh bin Asá, bin Ilqánah jo Natúfátíon ke díhát meṉ bas gaye the.

17Aur darbánoṉ meṉ se: Salúm, aur ‘Aqqúb, aur Talmún, aur Aḳhímán, aur un ke bháí; Salúm sardár thá;

18wuh ab tak sháhí pháṭak par mashriq kí taraf rahe; baní Láwí kí chháoní ke darbán yihí the.

19Aur Salúm bin Qorí, bin Abíásaf, bin Qorah, aur us ke ábáí ḳhándán ke bháí, ya‘ní Qorahí, ḳhidmat kí kárguzárí par ta‘ínát the, aur ḳhaime ke pháṭakoṉ ke nigahbán the; un ke bápdádá Ḳhudáwand kí lashkargáh par ta‘ínát aur madḳhal ke nigahbán the.

20Aur Fínihás bin Ilí‘azar is se peshtar un ká sardár thá, aur Ḳhudáwand us ke sáth thá.

21Zakariyáh bin Musalimiyáh ḳhaima e ijtimá‘ ke darwáze ká nigahbán thá.

22Yih sab jo pháṭakoṉ ke darbán hone ko chune gaye, do sau bárah the. Yih jin ko Dáúd aur Samúel g̣aibbín ne in ke mansab par muqarrar kiyá thá, apne nasabnáme ke mutábiq apne apne gáṉwoṉ meṉ gine gaye the.

23So wuh aur un ke beṭe Ḳhudáwand ke ghar, ya‘ní maskan ke ghar ke pháṭakoṉ kí nigrání bárí bárí se karte the.

24Aur darbán chároṉ taraf the, ya‘ní mashriq, mag̣rib, shimál, aur junúb kí taraf.

25Aur un ke bháí jo apne apne gáṉwoṉ meṉ the, un ko sát sát din ke ba‘d naubat ba naubat un ke sáth rahne ko áná paṛtá thá;

26kyúṉki chároṉ sardár darbán jo Láwí the ḳháss mansab par mámúr the, aur Ḳhudá ke ghar kí koṭhriyoṉ aur ḳhazánoṉ par muqarrar the.

27Aur wuh Ḳhudá ke ghar ke ás pás rahá karte the, kyúṉki us kí nigahbání un ke supurd thí, aur har subh ko use kholná un ke zimme thá.

28Aur un meṉ se ba‘z kí tahwíl meṉ ‘ibádat ke bartan the, kyúṉki wuh un ko ginkar andar láte aur ginkar nikálte the.

29Aur ba‘z un meṉ se asbáb aur maqdis ke sáre zurúf aur maide, aur mai, aut tel, aur lubán, aur ḳhushbúdár masálih par muqarrar the.

30Aur káhinoṉ ke beṭoṉ meṉ se ba‘z ḳhushbúdár masálih ká tel taiyár karte the.

31Aur Láwíoṉ meṉ se ek shaḳhs Matittiyáh, Qorahí Salúm ká pahlauṭhá thá, un chízoṉ par ḳháss taur se muqarrar thá jo tawe par pakáí játí thíṉ.

32Aur un ke ba‘z bháí jo Qihátíoṉ kí aulád meṉ se the, nazr kí roṭí par ta‘ínát the, ki har sabt ko use taiyár kareṉ.

33Aur yih wuh gánewále haiṉ jo Láwíoṉ ke ábáí ḳhandánoṉ ke sardár the, aur koṭhriyoṉ meṉ rahte, aur âur ḳhidmat se ma‘zúr the, kyúṉki wuh din rát apne kám meṉ mashg̣úl rahte the.

34Yih apní apní pusht meṉ Láwíoṉ ke ábáí ḳhándánoṉ ke sardár aur raís the, aur Yarúshalem meṉ rahte the.

35Aur Jiba‘ún meṉ Jiba‘ún ká báp Ya‘íel rahtá thá, jis kí bíwí ká nám Ma‘kah thá:

36aur us ká pahlauṭhá beṭá ‘Abdon, aur Súr, aur Qís, aur Ba‘l, aur Naiyir, aur Nadab,

37aur Jadúr, aur Aḳhyú, aur Zakariyáh, aur Miqlot.

38Aur Miqlot se Simi‘ám paidá húá. Aur wuh bhí apne bháiyoṉ ke sáth Yarúshalem meṉ apne bháiyoṉ ke sámne rahte the.

39Aur Naiyir se Qís paidá húá, aur Qís se Sáúl paidá húá, aur Sáúl se Yúnatan, aur Malikishú‘a, aur Abinadáb, aur Ishba‘l paidá húe.

40Aur Yúnatan ká beṭá Maríbba‘l thá, aur Maríbba‘l se Míkáh paidá húá.

41Aur Míkáh ke beṭe Fítún, aur Malik, aur Tahrí‘a, aur Áḳhaz the.

42Aur Áḳhaz se Ya‘rah paidá húá, aur Ya‘rah se ‘Alamat, aur ‘Azmáwat, aur Zimrí paidá húe: aur Zimrí se Mauzá paidá húá.

43Aur Mauzá se Bin‘a paidá húá; Bin‘a ká beṭá Rifáyáh, Rifáyáh ká beṭá Ilí‘asah, Ilí‘asah ká beṭá Asíl.

44Aur Asíl ke chha beṭe the, aur yih un ke nám haiṉ: ‘Azríqám, Bokirú, aur Ismá‘íl, aur Sag̣ariyáh, aur Abadiyáh, aur Hanán: yih baní Asíl the.

← Chapter 8 Jump to: Chapter 10 →