bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
1 Chronicles 16
1 Chronicles 16
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
1
So wuh Ḳhudá ke sandúq ko le áe, aur use us ḳhaime ke bích meṉ jo Dáúd ne us ke liye khaṛá kiyá thá rakkhá, aur soḳhtaní qurbáníáṉ, aur salámatí kí qurbáníáṉ Ḳhudá ke huzúr chaṛháíṉ.
2
Aur jab Dáúd soḳhtaní qurbání, aur salámatí kí qurbáníáṉ chaṛhá chuká, to us ne Ḳhudáwand ke nám se logoṉ ko barakat dí.
3
Aur us ne sáre Isráílí logoṉ ko, kyá mard, kyá ‘aurat, ek ek roṭí, aur ek ek ṭukṛá gosht, aur kishmish kí ek ek ṭikkiyá dí.
4
Aur us ne Láwíoṉ meṉ se ba‘zon ko muqarrar kiyá, ki Ḳhudáwand ke sandúq ke áge ḳhidmat kareṉ, aur Ḳhudáwand Isráíl ke Ḳhudá ká zikr, aur shukr, aur us kí hamd kareṉ;
5
awwal Ásaf, aur us ke ba‘d Zakariyáh, aur Ya‘íel, aur Simírámot, aur Yahíel, aur Mattitiyáh, aur Ilíáb, aur Bináyáh, aur ‘Obed Adom, aur Ya‘íel sitár aur barbat ke sáth; aur Ásaf jháṉjhoṉ ko zor se bajátá húá;
6
aur Bináyáh aur Yahazíel káhin sadá turhiyoṉ ke sáth Ḳhudá ke ‘ahd ke sandúq ke áge rahá kareṉ.
7
Pahle usí din Dáúd ne yih ṭhahráyá, ki Ḳhudáwand ká shukr Ásaf aur us ke bháí bajá láyá kareṉ.
8
Ḳhudáwand kí shukrguzárí karo, us se du‘á máṉgo; Qaumoṉ ke darmiyán us ke kámoṉ ká ishtihár do.
9
Us ke huzúr gáo, us kí madhsaráí karo, Us ke ‘ajíb kámoṉ ká charchá karo.
10
Us ke pák nám par faḳhr karo: Jo Ḳhudáwand ke tálib haiṉ un ká dil ḳhush rahe.
11
Tum Ḳhudáwand aur us kí quwwat ke tálib ho; Tum sadá us ke dídár ke tálib raho.
12
Tum us ke ‘ajíb kámoṉ ko jo us ne kiye, Aur us ke mu‘jizoṉ aur muṉh ke áín ko yád rakkho.
13
Ai us ke bande Isráíl kí nasl, Ai baní Ya‘qúb jo us ke barguzída ho.
14
Wuh Ḳhudáwand hamárá Ḳhudá hai: Tamám rú e zamín par us ke áín haiṉ.
15
Sadá us ke ‘ahd ko yád rakkho, Aur hazár pushtoṉ tak us ke kalám ko jo us ne farmáyá;
16
Usí ‘ahd ko jo us ne Abrahám se báṉdhá, Aur us qasam ko jo us ne Izháq se kháí;
17
Jise us ne Ya‘qúb ke liye áín ke taur par Aur Isráíl ke liye abadí ‘ahd ke taur par qáim kiyá:
18
Yih kahkar ki, Maiṉ Kan‘án ká mulk tujh ko dúṉgá, Wuh tumhárá maurúsí hissa hogá.
19
Us waqt tum shumár meṉ thoṛe the; Balki bahut hí thoṛe, aur mulk meṉ pardesí the.
20
Wuh ek qaum se dúsrí qaum meṉ, Aur ek mamlukat se dúsrí mamlukat meṉ phirte rahe.
21
Us ne kisí shaḳhs ko un par zulm karne na diyá; Balki un kí ḳhátir bádsháhoṉ ko tambíh kí,
22
Ki Tum mere mamsúhoṉ ko na chhúo, Aur mere nabíoṉ ko na satáo.
23
Ai sab ahl i zamíṉ, Ḳhudáwand ke huzúr gáo; Roz ba roz us kí naját kí bashárat do.
24
Qaumoṉ meṉ us ke jalál ká, Sab logoṉ meṉ us ke ‘ajáib ká bayán karo.
25
Kyúṉki Ḳhudáwand buzurg, aur niháyat sitáish ke láiq hai: Wuh sab ma‘búdoṉ se ziyáda muhíb hai.
26
Is liye ki âur qaumoṉ ke sab ma‘búd mahz but haiṉ; Lekin Ḳhudáwand ne ásmánoṉ ko banáyá.
27
‘Azmat aur jalál us ke huzúr meṉ haiṉ; Aur us ke háṉ qudrat aur shádmání haiṉ.
28
Ai qaumoṉ ke qabílo, Ḳhudáwand kí, Ḳhudáwand hí kí tamjíd o ta‘zím karo.
29
Ḳhudáwand kí aisí tamjíd karo jo us ke nám ke sháyán hai: Hadya láo, aur us ke huzúr áo: Pák áráish ke sáth Ḳhudáwand ko sijda karo.
30
Ai sab ahl i zamín, us ke huzúr káṉpte raho: Jahán qáim hai aur use jumbish nahíṉ.
31
Ásmán ḳhushí manáe, aur zamín shádmán ho; Wuh qaumoṉ meṉ i‘lán kareṉ, ki Ḳhudáwand saltanat kartá hai.
32
Samundar aur us kí ma‘múrí shor macháe, Maidán aur jo kuchh us meṉ hai bág̣ bág̣ ho.
33
Tab jangal ke daraḳht ḳhushí se Ḳhudáwand ke huzúr gáne lageṉge, Kyúṉki wuh zamín ká insáf karne ko á rahá hai.
34
Ḳhudáwand ká shukr karo; is liye ki wuh nek hai: Kyúṉki us kí shafaqat abadí hai.
35
Tum kaho, Ai hamárí naját ke Ḳhudá, ham ko bachá le; Aur qaumoṉ meṉ se ham ko jama‘ kar, aur un se ham ko riháí de, Táki ham tere quddús nám ká shukr kareṉ, Aur lalkárte húe terí sitáish kareṉ.
36
Ḳhudáwand, Isráíl ká Ḳhudá, Azal se abad tak mubárak ho. Aur sab log bol uṭhe, Ámín, aur unhoṉ ne Ḳhudáwand kí sitáish kí.
37
Aur us ne waháṉ Ḳhudáwand ke ‘ahd ke sandúq ke áge Ásaf aur us ke bháiyoṉ ko har roz ke zarúrí kám ke mutábiq hamesha sandúq ke áge ḳhidmat karne ko chhoṛá;
38
aur ‘Obed Adom aur us ke aṛsaṭh bháiyoṉ ko, aur ‘Obed Adom bin Yadútún, aur Húsáh ko, táki darbán hoṉ;
39
aur Sadoq káhin, aur us ke káhin bháiyoṉ ko, Ḳhudáwand ke maskan ke áge Jiba‘ún ke úṉche maqám par is liye
40
ki wuh Ḳhudáwand kí sharí‘at kí sab likhí húí bátoṉ ke mutábiq, jo us ne Isráíl ko farmáíṉ, har subh aur shám soḳhtaní qurbání ke mazbah par Ḳhudáwand ke liye soḳhtaní qurbáníáṉ chaṛháeṉ;
41
aur un ke sáth Haimán aur Yadútún, aur báqí chune húe ádmíoṉ ko jo nám ba nám mazkúr húe the táki Ḳhudáwand ká shukr kareṉ, kyúṉki us kí shafaqat abadí hai.
42
Un hí ke sáth Haimán aur Yadútún the jo bajánewáloṉ ke liye turhiyáṉ aur jháṉjheṉ aur Ḳhudá ke gítoṉ ke liye báje liye húe the: aur baní Yadútún darbán the.
43
Tab sab log apne apne ghar gaye; aur Dáúd lauṭá ki apne gharáne ko barakat de.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29