1 Chronicles 7

Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))

← Chapter 6 Jump to: Chapter 8 →

1Aur baní Ishkár yih haiṉ: Tola‘, aur Fúáh, aur Yasúb, aur Simron, yih chároṉ.

2Aur baní Tola‘: ‘Uzzí, aur Rifáyáh, aur Yaríel, aur Yahmí, aur Ibsám, aur Samúel jo Tola‘; ya‘ní apne ábáí ḳhándánoṉ ke sardár the; wuh apne zamáne meṉ zabardast súrmá the; aur Dáúd ke aiyám meṉ un ká shumár báís hazár chha sau thá.

3Aur ‘Uzzí ká beṭá, Izráḳhiyáh thá. Aur Izráḳhiyáh ke beṭe yih haiṉ: Míkáel, aur ‘Abadiyáh, aur Yúel, aur Yissiyáh, yih páṉchoṉ; yih sab ke sab sardár the.

4Aur un ke sáth apní apní pushtoṉ aur apne apne ábáí ḳhándánoṉ ke mutábiq jangí lashkar ke dal the, jin meṉ chhattís hazár jawán the; kyúṉki un ke háṉ bahut sí bíwiyáṉ aur beṭe the.

5Aur un ke bháí Ishkár ke sab gharánoṉ meṉ zabardast súrmá the, aur nasabnáme ke hisáb ke mutábiq kull sattásí hazár the.

6Baní Binyamín yih haiṉ: Bála‘, aur Bakr, aur Yadí‘el, yih tínoṉ.

7Aur baní Bála‘: Isbún, aur ‘Uzzí, aur ‘Uzzíel, aur Yarímot, aur ‘Írí, yih páṉchoṉ; yih apne ábáí ḳhándánoṉ ke sardár aur zabardast súrmá the, aur nasabnáme ke hisáb ke mutábiq báís hazár chauṉtís the.

8Aur baní Bakr yih haiṉ: Zamírah, aur Yúás, aur Ilí‘azar, aur Ilayú‘ainí, aur ‘Umrí, aur Yarímot, aur Abiyáh, aur ‘Anatot, aur ‘Alámat. Yih sab Bakr ke beṭe the.

9Un kí nasl ke log nasabnáme ke mutábiq bís hazár do sau zabardast súrmá aur apne ábáí ḳhándánoṉ ke sardár the.

10Aur Yada‘el ká beṭá Bilhán thá. Aur baní Bilhán yih haiṉ: Ya‘os aur Binyamín, aur Ahúd, aur Kan‘ánah, aur Zaitán, aur Tarsís, aur Aḳhísahar.

11Yih sab Yada‘el ke beṭe, jo apne ábáí ḳhándánoṉ ke sardár aur zabardast súrmá the, sattrah hazár do sau the jo lashkar ke sáth jang par jáne ke láiq the.

12Aur Suffím, aur Huffím, ‘Ír ke beṭe, aur Hashím, Aḳhír ká beṭá thá.

13Baní Naftálí yih haiṉ: Yahasíel, aur Júní, aur Yasar, aur Salúm, baní Bilhah.

14Baní Munassí yih haiṉ: Asríel jo us kí bíwí ke batn se thá (us kí Arámí haram se Jili‘ád ká báp Makír paidá húá,

15aur Makír ne Huffím aur Suffím kí bahin ko jis ká nám Ma‘kah thá biyáh liyá) aur dúsre ká nám Siláfihád thá; aur Siláfihád ke pás beṭiyáṉ thíṉ.

16Aur Makír kí bíwí Ma‘kah ke ek beṭá húá, aur us ne us ká nám Faras rakkhá, aur us ke bháí ká nám Sharas thá; aur us ke beṭe Aulám, aur Raqam the.

17Aur Aulám ká beṭá Bidán thá. Yih Jili‘ád bin Makír bin Munassí ke beṭe the.

18Aur us kí bahin Hammúlikat se Ishhúd, aur Abí‘azar, aur Mahalah paidá húe.

19Aur baní Simída‘ yih haiṉ: Aḳhyán, aur Sikm, aur Liqhí, aur Ani‘ám.

20Aur baní Ifráím yih haiṉ: Sútalah, Sútalah ká beṭá Barad, Barad ká beṭá Tahat, Tahat ká beṭá Ilí‘adah, Ilí‘adah ká beṭá Tahat.

21Tahat ká beṭá Zabad, Zabad ká beṭá Sútalah thá, aur ‘Azar, aur Ilí‘ad bhí jin ko Ját ke logoṉ ne, jo us mulk meṉ paidá húe the, már ḍálá; kyúṉki wuh un kí mawáshí le jáne ko utar áe the.

22Aur un ká báp Ifráím bahut dinoṉ tak mátam kartá rahá, aur us ke bháí use tasallí dene ko áe.

23Aur wuh apní bíwí ke pás gayá, aur wuh hámila húí, aur us ke ek beṭá húá, aur Ifráím ne us ká nám Barí‘ah rakkhá; kyúṉki us ke ghar par áfat áí thí.

24(Aur us kí beṭí Saráh thí jis ne nasheb aur firáz ke Bait Haurún, aur ‘Uzzan Saráh ko banáyá.)

25Aur us ká beṭá Rafah, aur Rasaf bhí, aur us ká beṭá Tiláh, aur Tiláh ká beṭá Tahan,

26Tahan ká beṭá La‘dán, La‘dán ká beṭá ‘Ammíhúd, ‘Ammíhúd ká beṭá Ilísama‘,

27Ilísama‘ ká beṭá Nún, Nún ká beṭá Yahúsú‘a.

28Aur un kí milkíyat aur bastiyán yih thíṉ: Baitel aur us ke díhát, aur mashriq kí taraf Na‘rán, aur mag̣rib kí taraf Jazar aur us ke díhát, aur Sikm bhí aur us ke díhát, ‘Azzah aur us ke díhát tak;

29aur baní Munassí kí hudúd ke pás Bait Shán aur us ke díhát, Ta‘nák aur us ke díhát, Majiddo aur us ke díhát, Dor aur us ke díhát the. In meṉ Yúsuf bin Isráíl ke beṭe rahte the.

30Baní Áshar yih haiṉ: Yimnáh, aur Iswáh, aur Iswí, aur Barí‘ah, aur un kí bahin Sirah.

31Aur Barí‘ah ke beṭe Hibar, aur Birzávít ká báp Malkíel the.

32Aur Hibar se Yaflít, aur Somir, aur Ḳhútám, aur un kí bahin Sú‘a paidá húe.

33Aur baní Yaflít: Fásák, aur Bimhál, aur ‘Aswát. Yih baní Yaflít haiṉ.

34Aur baní Sámir: Aḳhí, aur Rúhjah, aur Yahubbah, aur Arám the,

35aur us ke bháí Hílam ke beṭe: Súfah, aur Imna‘, aur Salas, aur ‘Amal the.

36Aur baní Súfah: Súah, aur Harnafar, aur Sú‘al, aur Baírí, aur Imráh,

37Basar, aur Húd, aur Sammá, aur Silsah, aur Itrán, aur Baírá the.

38Aur baní Yatar: Yafunnah, aur Fisfáh, aur Árá the.

39Aur baní ‘Ulla: Araḳh, aur Haníel, aur Riziyáh the.

40Yih sab baní Áshar apne ábáí ḳhándánoṉ ke raís, chída aur zabardast súrmá, aur amíroṉ ke sardár the. Un meṉ se jo apne nasabnáme ke mutábiq jang karne ke láiq the, wuh shumár meṉ chhabbís hazár jawán the.

← Chapter 6 Jump to: Chapter 8 →