1 Chronicles 27

Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))

← Chapter 26 Jump to: Chapter 28 →

1Aur baní Isráíl, apne shumár ke muwáfiq, ya‘ní ábáí ḳhándánoṉ ke raís, aur hazároṉ aur saikṛoṉ ke sardár, aur un ke mansabdár jo un faríqoṉ ke har amr meṉ bádsháh kí ḳhidmat karte the, jo sál ke sab mahínoṉ meṉ máh ba máh áte aur ruḳhsat hote the, har faríq meṉ chaubís hazár the.

2Pahle mahíne ke pahle faríq par Yasúbi‘ám bin Zabdíel thá, aur us ke faríq meṉ chaubís hazár the.

3Wuh baní Paras meṉ se thá, aur pahle mahíne ke lashkar ke sab sardároṉ ká raís thá.

4Aur dúsre mahíne ke faríq par Dúdai Aḳhúhí thá, aur us ke faríq meṉ Miqlot bhí sardár thá, aur us ke faríq meṉ chaubís hazár the.

5Tísre mahíne ke lashkar ká ḳháss tísrá sardár Yahoyada‘ káhin ká beṭá Bináyáh thá, aur us ke faríq meṉ chaubís hazár the.

6Yih wuh Bináyáh hai jo tísoṉ meṉ zabardast, aur un tísoṉ ke úpar thá; usí ke faríq meṉ us ká beṭá ‘Ammízabád bhí shámil thá.

7Chauthe mahíne ke liye Yoáb ká bháí ‘Asáhel thá, aur us ke píchhe us ká beṭá Zabadiyáh thá, aur us ke faríq meṉ chaubís hazár the.

8Páṉchweṉ mahíne ke liye páṉchwáṉ sardár Samhút Ishráḳhí thá, aur us ke faríq meṉ chaubís hazár the.

9Chhaṭe mahíne ke liye chhaṭá sardár Taqú‘í Aqqís ká beṭá ‘Írá thá, aur us ke faríq meṉ chaubís hazár the.

10Sátweṉ mahíne ke liye sátwáṉ sardár baní Ifráím meṉ se Falúní Ḳhalas thá, aur us ke faríq meṉ chaubís hazár the.

11Áṭhweṉ mahíne ke liye áṭhwáṉ sardár Zárhíoṉ meṉ se Húsátí Sibbakí thá, aur us ke faríq meṉ chaubís hazár the.

12Naweṉ mahíne ke liye nawáṉ sardár Binyamíníoṉ meṉ se ‘Anatotí Abí‘azar thá, aur us ke faríq meṉ chaubís hazár the.

13Dasweṉ mahíne ke liye daswáṉ sardár Zárhíoṉ meṉ se Natúfátí Maharí thá, aur us ke faríq meṉ chaubís hazár the.

14Gyárahweṉ mahíne ke liye gyárahwáṉ sardár baní Ifráím meṉ se Fir‘átoní Bináyáh thá, aur us ke faríq meṉ chaubís hazár the.

15Bárahweṉ mahíne ke liye bárahwáṉ sardár G̣utníelíoṉ meṉ se Natúfátí Ḳhaldí thá, aur us ke faríq meṉ chaubís hazár the.

16Aur Isráíl ke qabíloṉ par Rúbíníoṉ ká sardár Ilí‘azar bin Zikrí thá; Shama‘úníoṉ ká Safatiyáh bin Ma‘kah;

17Láwíoṉ ká Hasabiyáh bin Qamúel; Hárúníoṉ ká Sadoq;

18Yahúdáh ká Ilíhú jo Dáúd ke bháiyoṉ meṉ se thá; Ishkár ká ‘Umrí bin Míkáel;

19Zabúlún ká Ismá‘iyáh bin ‘Abadiyáh; Naftálí ká Yarímot bin ‘Azríel;

20baní Ifráím ká Húsí‘a bin ‘Azáziyáh; Munassí ke ádhe qabíle ká Yúel bin Fidáyáh;

21Jili‘ád meṉ Munassí ke ádhe qabíle ká ‘Ídú bin Zakariyáh; Binyamín ká Ya‘síel bin Abinaiyir;

22Dán ká ‘Azarel bin Yarohám. Yih Isráíl ke qabíloṉ ke sardár the.

23Par Dáúd ne un ká shumár nahíṉ kiyá thá jo bís baras yá kam ‘umr ke the, kyúṉki Ḳhudáwand ne kahá thá, ki Maiṉ Isráíl ko ásmán ke tároṉ kí mánind baṛháúṉgá.

24Zarúyáh ke beṭe Yoáb ne ginná to shurú‘ kiyá, par ḳhatm nahíṉ kiyá thá, ki itne meṉ Isráíl par qahr názil húá; aur na wuh ta‘dád Dáúd bádsháh kí tawáríḳhí ta‘dádoṉ meṉ darj húí.

25Aur sháhí ḳhazánoṉ par ‘Azmávat bin ‘Adíel muqarrar thá: aur khetoṉ, aur shahroṉ, aur gáṉwoṉ, aur qil‘oṉ ke ḳhazánoṉ par Yahúnatan bin ‘Uzziyáh thá:

26aur káshtkárí ke liye khetoṉ meṉ kám karnewáloṉ par ‘Azrí bin Kalúb thá:

27aur angúristánoṉ par Sima‘í Rámátí thá: aur mai ke zaḳhíroṉ ke liye angúristánoṉ kí paidáwár par Zabadí Shifmí thá:

28aur zaitún ke bág̣oṉ aur gúlar ke daraḳhtoṉ par jo nasheb ke maidánoṉ meṉ the Ba‘l Hanán Jadirí thá: aur Yúás tel ke godámoṉ par:

29aur gáe bail ke galloṉ par jo Shárún meṉ charte the Sitrí Shárúní thá: aur Sáfat bin ‘Adlí gáe bail ke un galloṉ par thá jo wádíoṉ meṉ the:

30aur úṉṭoṉ par Ismá‘ílí Obil thá: aur gadhoṉ par Yahdaiyáh Marúnotí thá:

31aur bheṛ bakrí ke rewaṛoṉ par Yázíz Hájirí thá. Yih sab Dáúd bádsháh ke mál par muqarrar the.

32Aur Dáúd ká chachá Yúnatan, mushír aur dánishmand aur munshí thá: aur Yahíel bin Hakmúní shahzádoṉ ke sáth rahtá thá:

33aur Aḳhítuffal bádsháh ká mushír thá: aur Húsí Arkí bádsháh ká dost thá:

34aur Aḳhítuffal se níche Yahoyada‘ bin Bináyáh aur Abíyátar the: aur sháhí fauj ká sipahsálár Yoáb thá.

← Chapter 26 Jump to: Chapter 28 →