bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Judges 1
Judges 1
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 2 →
1
Aur Yashú‘ kí maut ke ba‘d yúṉ húá, ki baní Isráíl ne Ḳhudáwand se púchhá, ki Hamárí taraf se Kan‘áníoṉ se jang karne ko pahle kaun chaṛháí kare?
2
Ḳhudáwand ne kahá, ki Yahúdáh chaṛháí kare: aur dekho, maiṉ ne yih mulk us ke háth meṉ kar diyá hai.
3
Tab Yahúdáh ne apne bháí Shama‘ún se kahá, ki Tú mere sáth mere qur‘e ke hisse meṉ chal, táki ham Kan‘áníoṉ se laṛeṉ; aur isí tarah maiṉ bhí tere qur‘e ke hisse meṉ tere sáth chalúṉgá. So Shama‘ún us ke sáth gayá.
4
Aur Yahúdáh ne chaṛháí kí, aur Ḳhudáwand ne Kan‘áníoṉ aur Farizzíoṉ ko un ke háth meṉ kar diyá: aur unhoṉ ne Bazaq meṉ un meṉ se das hazár mard qatl kiye.
5
Aur Adúní Bazaq ko Bazaq meṉ pákar wuh us se laṛe, aur Kan‘áníoṉ aur Farizzíoṉ ko márá.
6
Par Adúní Bazaq bhágá, aur unhoṉ ne us ká píchhá karke use pakaṛ liyá, aur us ke háth aur páṉwoṉ ke angúṭhe káṭ ḍále.
7
Tab Adúní Bazaq ne kahá, ki Háth aur páṉwoṉ ke angúṭhe kaṭe húe sattar bádsháh merí mez ke níche rezachíní karte the; so jaisá maiṉ ne kiyá, waisá hí Ḳhudá ne mujhe badla diyá. Phir wuh use Yarúshalem meṉ láe, aur wuh waháṉ mar gayá.
8
Aur baní Yahúdáh ne Yarúshalem se laṛkar use le liyá, aur use tah i teg̣ karke shahr ko ág se phúṉk diyá.
9
Is ke ba‘d baní Yahúdáh un Kan‘áníoṉ se jo kohistání mulk aur junúbí hissa aur nasheb kí zamín meṉ rahte the laṛne ko gaye.
10
Aur Yahúdáh ne un Kan‘áníoṉ par jo Habrún meṉ rahte the chaṛháí kí, aur Habrún ká nám pahle Qaryat Arba‘ thá. Waháṉ unhoṉ ne Sísí, aur Aḳhímán, aur Talmí ko márá.
11
Waháṉ se wuh Dabír ke báshindoṉ par chaṛháí karne ko gayá. Dabír ká nám pahle Qaryat Sifar thá.
12
Tab Kálib ne kahá Jo koí Qaryat Sifar ko márkar use le le maiṉ use apní beṭí ‘Aksah biyáh dúṉgá.
13
Aur Kálib ke chhoṭe bháí Qanaz ke beṭe G̣utníel ne use le liyá. Pas us ne apní beṭí ‘Aksah use biyáh dí.
14
Aur jab wuh us ke pás gayí, to us ne use targ̣íb dí, ki wuh us ke báp se ek khet máṉge: phir wuh apne gadhe par se utar paṛí; tab Kálib ne us se kahá, Tú kyá cháhtí hai?
15
Us ne us se kahá, Mujhe barakat de; chúṉki tú ne mujhe junúb ke mulk meṉ rakkhá hai, is liye pání ke chashme bhí mujhe de. Tab Kálib ne úpar ke chashme aur níche ke chashme use diye.
16
Aur Músá ke sále Qíní kí aulád khajúroṉ ke shahr se baní Yahúdáh ke sáth Yahúdáh ke biyábán ko jo ‘Arád ke junúb meṉ hai chalí gayí; aur jákar logoṉ ke sáth rahne lagí.
17
Aur Yahúdáh apne bháí Shama‘ún ke sáth gayá; aur unhoṉ ne un Kan‘áníoṉ ko jo Safat meṉ rahte the márá, aur shahr ko nest o nábúd kar diyá. So us shahr ká nám Hurmah kahláyá.
18
Aur Yahúdáh ne G̣azzah aur us kí nawáhí, aur ‘Asqalon aur us kí nawáhí, aur ‘Aqrún aur us kí nawáhí ko bhí le liyá.
19
Aur Ḳhudáwand Yahúdáh ke sáth thá; so us ne kohistáníoṉ ko nikál diyá, par wádí ke báshindoṉ ko nikál na saká, kyúṉki un ke pás lohe ke rath the.
20
Tab unhoṉ ne Músá ke kahne ke mutábiq Habrún Kálib ko diyá: aur us ne waháṉ se ‘Anáq ke tínoṉ beṭoṉ ko nikál diyá.
21
Aur baní Binyamín ne un Yabúsíoṉ ko jo Yarúshalem meṉ rahte the nahíṉ nikálá. So Yabúsí baní Binyamín ke sáth áj tak Yarúshalem meṉ rahte haiṉ.
22
Aur Yúsuf ke gharáne ne bhí Baitel par chaṛháí kí, aur Ḳhudáwand un ke sáth thá.
23
Aur Yúsuf ke gharáne ne Baitel ká hál daryáft karne ko jásús bheje, aur us shahr ká nám pahle Lúz thá.
24
Aur jásúsoṉ ne ek shaḳhs ko us shahr se nikalte dekhá; aur us se kahá, ki Shahr meṉ dáḳhil hone kí ráh ham ko dikhá de, to ham tujh se mihrbání se pesh áeṉge.
25
So us ne shahr meṉ dáḳhil hone kí ráh un ko dikhá dí. Unhoṉ ne shahr ko tah i teg̣ kiyá, par us shaḳhs aur us ke sáre gharáne ko chhoṛ diyá.
26
Aur wuh shaḳhs Hittíoṉ ke mulk meṉ gayá, aur us ne waháṉ ek shahr banáyá, aur us ká nám Lúz rakkhá: chunáṉchi áj tak us ká yihí nám hai.
27
Aur Munassí ne bhí Bait Shán aur us ke qasboṉ, aur Ta‘nák aur us ke qasboṉ, aur Dor aur us ke qasboṉ ke báshindoṉ aur Iblí‘ám aur us ke qasboṉ ke báshindoṉ, aur Majiddo aur us ke qasboṉ ke báshindoṉ ko na nikálá, balki Kan‘ání us mulk meṉ base hí rahe.
28
Par jab Isráílíoṉ ne zor pakṛá, to wuh Kan‘áníoṉ se begár ká kám lene lage, par un ko bi’lkull nikál na diyá.
29
Aur Ifráím ne un Kan‘áníoṉ ko jo Jazar meṉ rahte the na nikálá; so Kan‘ání un ke darmiyán Jazar meṉ base rahe.
30
Aur Zabúlún ne Qitron aur Nahalál ke logoṉ ko na nikálá; so Kan‘ání un meṉ búdobásh karte rahe, aur un ke mutí‘ ho gaye.
31
Aur Áshar ne ‘Akko, aur Saidá, aur Ahláb, aur Akzíb, aur Hilbah, aur Afíq, aur Rahob ke báshindoṉ ko na nikálá.
32
Balki Ásharí un Kan‘áníoṉ ke darmiyán jo us mulk ke báshinde the bas gaye, kyúṉki unhoṉ ne un ko nikálá na thá.
33
Aur Naftálí ne Bait Shams aur Bait ‘Anát ke báshindoṉ ko na nikálá, balki wuh un Kan‘áníoṉ meṉ jo waháṉ rahte the bas gayá, taubhí Bait Shams aur Bait ‘Anát ke báshinde un ke mutí‘ ho gaye.
34
Aur Amoríoṉ ne baní Dán ko kohistání mulk meṉ bhagá diyá, kyúṉki unhoṉ ne un ko wádí meṉ áne na diyá.
35
Balki Amorí koh i Haris par Aiyálon aur Sa‘labím meṉ base hí rahe; taubhí baní Yúsuf ká háth g̣álib húá, aisá ki yih mutí‘ ho gaye.
36
Aur Amoríoṉ kí sarhadd ‘Aqrábbím kí chaṛháí se, ya‘ní chaṭán se, shurú‘ karke úpar úpar thí.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21