bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Judges 20
Judges 20
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 21 →
1
Tab sab baní Isráíl nikle, aur sárí jamá‘at Jili‘ád ke mulk samet, Dán se Baír Saba‘ yaktan hokar Ḳhudáwand ke huzúr Misfáh meṉ ikaṭṭhí húí.
2
Aur tamám qaum ke sardár, balki baní Isráíl ke sab qabíloṉ ke log jo chár lákh shamsherzan piyáde the, Ḳhudá ke logoṉ ke majma‘ meṉ házir húe.
3
(Aur baní Binyamín ne suná, ki baní Isráíl Misfáh meṉ áe haiṉ,) aur baní Isráíl púchhne lage, ki Batáo to sahí, yih sharárat kyúṉkar húí?
4
Tab us Láwí ne jo us maqtúl ‘aurat ká shauhar thá jawáb diyá, ki Maiṉ apní haram ko sáth lekar Binyamín ke Jibi‘ah meṉ ṭikne ko gayá thá:
5
aur Jibi‘ah ke log mujh par chaṛh áe, aur rát ke waqt us ghar ko, jis ke andar maiṉ thá, chároṉ taraf se gher liyá, aur mujhe to wuh már ḍálná cháhte the; aur merí haram ko jabran aisá behurmat kiyá, ki wuh mar gayí.
6
So maiṉ ne apní haram ko lekar use ṭukṛe ṭukṛe kiyá, aur un ko Isráíl kí mírás ke sáre mulk meṉ bhejá; kyúṉki Isráíl ke darmiyán unhoṉ ne shuhdápan aur makrúh kám kiyá hai.
7
Ai baní Isráíl, tum sab ke sab dekho, aur yahíṉ apní saláh o mashwarat do.
8
Aur sab log yaktan hokar uṭhe, aur kahne lage, Ham meṉ se koí apne ḍere ko nahíṉ jáegá, aur na ham meṉ se koí apne ghar kí taraf ruḳh karegá.
9
Balki ham Jibi‘ah se yih kareṉge ki qur‘a ḍálkar us par cháṛháí kareṉge;
10
aur ham Isráíl ke sab qabíloṉ meṉ se sau píchhe das, aur hazár píchhe sau, aur das hazár píchhe ek hazár mard, logoṉ ke liye rasad lene ko judá kareṉ, táki wuh log jab Binyamín ke Jibi‘ah meṉ pahuṉcheṉ, to jaisá makrúh kám unhoṉ ne Isráíl meṉ kiyá hai, us ke mutábiq us se kárrawáí kar sakeṉ.
11
So sab baní Isráíl us shahr ke muqábil gaṭhe húe yaktan hokar jama‘ húe.
12
Aur baní Isráíl ke qabíloṉ ne Binyamín ke sáre qabíle meṉ log rawána kiye, aur kahlá bhejá, ki Yih kyá sharárat hai jo tumháre darmiyán húí?
13
Is liye ab un mardoṉ ya‘ní un ḳhabísoṉ ko jo Jibi‘ah meṉ haiṉ, hamáre hawále karo, ki ham un ko qatl kareṉ, aur Isráíl meṉ se badí ko dúr kar ḍáleṉ. Lekin baní Binyamín ne apne bháiyoṉ baní Isráíl ká kahá na máná:
14
balki baní Binyamín shahroṉ meṉ se Jibi‘ah meṉ jama‘ húe, táki baní Isráíl se laṛne ko jáeṉ.
15
Aur baní Binyamín jo shahroṉ men se us waqt jama‘ húe wuh shumár meṉ chhabbís hazár shamsherzan mard the, siwá Jibi‘ah ke báshindoṉ ke jo shumár meṉ sát sau chune húe jawán the.
16
In sab logoṉ meṉ se sát sau chune húe báeṉhathe jawán the, jin meṉ se har ek faláḳhun se bál ke nisháne par bag̣air ḳhatá kiye patthar már saktá thá.
17
Aur Isráíl ke log, Binyamín ke ‘aláwa, chár lákh shamsherzan mard the: yih sab sáhib i jang the.
18
Aur baní Isráíl uṭhkar Baitel ko gaye, aur Ḳhudá se mashwarat cháhí, aur kahne lage, ki Ham meṉ se kaun baní Binyamín se laṛne ko pahle jáe? Ḳhudáwand ne farmáyá, Pahle Yahúdáh jáe.
19
So baní Isráíl subh sawere uṭhe, aur Jibi‘ah ke sámne ḍere khaṛe kiye.
20
Aur Isráíl ke log Binyamín se laṛne ko nikle; aur Isráíl ke logoṉ ne Jibi‘ah meṉ un ke muqábil saffáráí kí.
21
Tab baní Binyamín ne Jibi‘ah se nikalkar us din báís hazár Isráílíoṉ ko qatl karke ḳhák meṉ milá diyá.
22
Par baní Isráíl ke log hausala karke dúsre din usí maqám par, jaháṉ pahle din saff báṉdhí thí, phir saffárá húe.
23
Aur baní Isráíl jákar shám tak Ḳhudáwand ke áge rote rahe, aur unhoṉ ne Ḳhudáwand se púchhá, ki Ham apne bháí Binyamín kí aulád se laṛne ke liye phir baṛheṉ, yá nahíṉ? Ḳhudáwand ne farmáyá, Us par chaṛháí karo.
24
So baní Isráíl dúsre din baní Binyamín ke muqábale ke liye nazdík áe.
25
Aur us dúsre din baní Binyamín un ke muqábil Jibi‘ah se nikle, aur aṭhárah hazár Isráílíoṉ ko qatl karke ḳhák meṉ milá diyá; yih sab shamsherzan the.
26
Tab sab baní Isráíl aur sab log uṭhe, aur Baitel meṉ áe, aur waháṉ Ḳhudáwand ke huzúr baiṭhe rote rahe, aur us din shám tak roza rakkhá, aur soḳhtaní qurbáníáṉ aur salámatí kí qurbáníáṉ Ḳhudáwand ke áge guzráníṉ.
27
Aur baní Isráíl ne is sabab se ki Ḳhudá ke ‘ahd ká sandúq un dinoṉ wahíṉ thá,
28
aur Hárún ke beṭe Ilí‘azar ká beṭá Fínihás un dinoṉ us ke áge khaṛá rahtá thá, Ḳhudáwand se púchhá, ki Maiṉ apne bháí Binyamín kí aulád se ek daf‘a âur laṛne ko jáúṉ, yá rahne dúṉ? Ḳhudáwand ne farmáyá, Já, maiṉ kal us ko tere háth meṉ kar dúṉgá.
29
So baní Isráíl ne Jibi‘ah ke girdágird logoṉ ko ghát meṉ biṭhá diyá.
30
Aur baní Isráíl tísre din baní Binyamín ke muqábale ko chaṛh gaye, aur pahle kí tarah Jibi‘ah ke muqábil phir saffárá húe.
31
Aur baní Binyamín in logoṉ ká sámná karne ko nikle, aur shahr se dúr khiṉche chale gaye; aur un sháhráhoṉ par, jin meṉ se ek Baitel ko aur dúsrí maidán meṉ se Jibi‘ah ko játí thí, pahle kí tarah logoṉ ko márná aur qatl karná shurú‘ kiyá, aur Isráíl ke tís ádmí ke qaríb már ḍále.
32
Aur baní Binyamín kahne lage, ki Wuh pahle kí tarah ham se mag̣lúb húe. Lekin baní Isráíl ne kahá, Áo, bhágeṉ, aur un ko shahr se dúr sháhráhoṉ par kheṉch láeṉ.
33
Tab sab Isráílí mard apní apní jagah se uṭh khaṛe húe, aur Ba‘l Tamar meṉ saffárá húe. Us waqt wuh Isráílí jo kamín meṉ baiṭhe the, Ma‘re Jibi‘ah se jo un kí jagah thí nikle.
34
Aur sáre Isráíl meṉ se das hazár chída mard Jibi‘ah ke sámne áe, aur laṛáí saḳht hone lagí; par unhoṉ ne na jáná, ki un par áfat ánewálí hai.
35
Aur Ḳhudáwand ne Binyamín ko Isráíl ke áge márá: aur baní Isráíl ne us din pachchís hazár ek sau Binyamíníoṉ ko qatl kiyá: yih sab shamsherzan the.
36
Pas baní Binyamín ne dekhá, ki wuh mag̣lúb húe; kyúṉki Isráílí mard un logoṉ ká bharosá karke jin ko unhoṉ ne Jibi‘ah ke ḳhiláf ghát meṉ biṭháyá thá, Binyamín ke sámne se haṭ gaye.
37
Tab kamínwáloṉ ne jaldí kí, aur Jibi‘ah par jhapṭe; aur in kamínwáloṉ ne áge baṛhkar sáre shahr ko tah i teg̣ kiyá.
38
Aur Isráílí mardoṉ aur un kamínwáloṉ meṉ yih nishán muqarrar húá thá, ki wuh aisá kareṉ ki dhuweṉ ká bahut baṛá bádal shahr se uṭháeṉ.
39
So Isráílí mard laṛáí meṉ haṭne lage, aur Binyamín ne un meṉ se qaríb tís ke ádmí qatl kar diye: kyúṉki unhoṉ ne kahá, ki Wuh yaqínan hamáre sámne mag̣lúb húe jaise pahlí laṛáí meṉ.
40
Par jab dhuweṉ ke sutún meṉ bádal sá us shahr se uṭhá, to baní Binyamín ne apne píchhe nigáh kí, aur kyá dekhá, ki shahr ká shahr dhuweṉ meṉ ásmán ko uṛá játá hai.
41
Phir to Isráílí mard palṭe, aur Binyamín ke log hakká bakká ho gaye, kyúṉki unhoṉ ne dekhá, ki un par áfat á paṛí.
42
So unhoṉ ne Isráílí mardoṉ ke áge píṭh pherkar biyábán kí ráh lí; par laṛáí ne un ká píchhá na chhoṛá; aur un logoṉ ne jo âur shahroṉ se áte the un ko un ke bích meṉ faná kar diyá.
43
Yúṉ unhoṉ ne Binyamíníoṉ ko gher liyá, aur un ko ragedá, aur mashriq meṉ Jibi‘ah ke muqábil un kí árámgáhoṉ meṉ un ko latáṛá.
44
So aṭhárah hazár Binyamíní khet áe: yih sab súrmá the.
45
Aur wuh phirkar Rimmon kí chaṭán kí taraf biyábán meṉ bhág gaye, par unhoṉ ne sháhráhoṉ meṉ chun chunkar un ke páṉch hazár âur máre, aur Jidom tak un ko ḳhúb ragedkar un meṉ se do hazár mard âur már ḍále.
46
So sab baní Binyamín jo us din khet áe pachchís hazár shamsherzan mard the; aur yih sab ke sab súrmá the.
47
Par chha sau ádmí phirkar aur biyábán kí taraf bhágkar Rimmon kí chaṭán ko chal diye, aur Rimmon kí chaṭán meṉ chár mahíne rahe.
48
Aur Isráílí mard lauṭkar phir baní Binyamín par ṭúṭ paṛe, aur un ko tah i teg̣ kiyá, ya‘ní sáre shahr aur chaupáyoṉ aur un sab ko jo un ke háth áe: aur jo jo shahr un ko mile unhoṉ ne un sab ko phúṉk diyá.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21