bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Judges 3
Judges 3
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
1
Aur yih wuh qaumeṉ haiṉ jin ko Ḳhudáwand ne rahne diyá, táki un ke wasíle se Isráílíoṉ meṉ se un sab ko jo Kan‘án kí sab laṛáiyoṉ se wáqif na the ázmáe.
2
Faqat maqsúd yih thá, ki baní Isráíl kí nasl ko ḳhásskar un logoṉ ko jo pahle laṛná nahíṉ jánte the laṛáí sikháí jáe, táki wuh wáqif ho jáeṉ;
3
ya‘ní Filistíoṉ ke páṉchoṉ sardár, aur sab Kan‘ání, aur Saidání, aur koh i Ba‘l Harmún se Hamát ke madḳhal tak ke sab Hawwí jo koh i Lubnán meṉ baste the.
4
Yih is liye the ki in ke wasíle se Isráílí ázmáe jáeṉ, táki ma‘lúm ho jáe ki wuh Ḳhudáwand ke hukmoṉ ko jo us ne Músá kí ma‘rifat un ke bápdádá ko diye the suneṉge, yá nahíṉ.
5
So baní Isráíl Kan‘áníoṉ, aur Hittíoṉ, aur Amoríoṉ, aur Farizzíoṉ, aur Hawwíoṉ, aur Yabúsíoṉ ke darmiyán bas gaye,
6
aur un kí beṭiyoṉ se áp nikáh karne, aur apní beṭiyáṉ un ke beṭoṉ ko dene, aur un ke deotáoṉ kí parastish karne lage.
7
Aur baní Isráíl ne Ḳhudáwand ke áge badí kí, aur Ḳhudáwand apne Ḳhudá ko bhúlkar Ba‘lím aur Yasíratoṉ kí parastish karne lage.
8
Is liye Ḳhudáwand ká qahr Isráílíoṉ par bhaṛká, aur us ne un ko Masopatámiya ke bádsháh Kúshan Risa‘tím ke háth bech ḍálá. So wuh áṭh baras tak Kúshan Risa‘tím ke mutí‘ rahe.
9
Aur jab baní Isráíl ne Ḳhudáwand se faryád kí, to Ḳhudáwand ne baní Isráíl ke liye ek riháí denewále ko barpá kiyá: aur Kálib ke chhoṭe bháí Qanaz ke beṭe G̣utníel ne un ko chhuṛáyá.
10
Aur Ḳhudáwand kí rúh us par utrí, aur wuh Isráíl ká qází húá, aur jang ke liye niklá. Tab Ḳhudáwand ne Masopatámiya ke bádsháh Kúshan Risa‘tím ko us ke háth meṉ kar diyá. So us ká háth Kúshan Risa‘tím par g̣álib húá.
11
Aur us mulk meṉ chálís baras tak chain rahá, aur Qanaz ke beṭe G̣utníel ne wafát páí.
12
Aur baní Isráíl ne phir Ḳhudáwand ke áge badí kí. Tab Ḳhudáwand ne Moáb ke bádsháh ‘Ijlún ko Isráílíoṉ ke ḳhiláf zor baḳhshá, is liye ki unhoṉ ne Ḳhudáwand ke áge badí kí thí.
13
Aur us ne baní ‘Ammon aur baní ‘Amálíq ko apne háṉ jama‘ kiyá, aur jákar Isráíl ko márá; aur unhoṉ ne khajúroṉ ká shahr le liyá.
14
So baní Isráíl aṭhárah baras tak Moáb ke bádsháh ‘Ijlún ke mutí‘ rahe.
15
Lekin jab baní Isráíl ne Ḳhudáwand se faryád kí, to Ḳhudáwand ne Binyamíní, Jirá ke beṭe Ahúd ko jo báeṉhatthá thá un ká chhuṛánewálá muqarrar kiyá; aur baní Isráíl ne us kí ma‘rifat Moáb ke bádsháh ‘Ijlún ke liye hadya bhejá.
16
Aur Ahúd ne apne liye ek dodhárí talwár ek háth lambí banwáí, aur use apne jáme ke níche dahiní rán par báṉdh liyá.
17
Phir us ne Moáb ke bádsháh ‘Ijlún ke huzúr wuh hadya pesh kiyá: aur ‘Ijlún baṛá moṭá ádmí thá.
18
Aur jab wuh hadya pesh kar chuká, to un logoṉ ko jo hadya láe the ruḳhsat kiyá.
19
Aur wuh áp us patthar kí kán ke pás se jo Jiljál meṉ hai lauṭkar kahne lagá, ki Ai bádsháh, mere pás tere liye ek ḳhufiya paig̣ám hai. Us ne kahá, Ḳhámosh rah. Tab wuh sab jo us ke gird khaṛe the us ke pás se báhar chale gaye.
20
Phir Ahúd us ke pás áyá. Us waqt wuh apne hawádár báláḳháne meṉ akelá baiṭhá thá. Tab Ahúd ne kahá, Tere liye mere pás Ḳhudáwand kí taraf se ek paig̣ám hai. Tab wuh kursí par se uṭh khaṛá húá.
21
Aur Ahúd ne apná báyáṉ háth baṛhákar apní dahiní rán par se wuh talwár lí, aur us kí tond meṉ ghuseṛ dí;
22
aur phal qabze samet dáḳhil ho gayá; aur charbí phal ke úpar lipaṭ gayí, kyúṉki us ne talwár ko us kí tond se na nikálá balki wuh pár ho gayí.
23
Tab Ahúd ne barámade meṉ ákar aur báláḳháne ke darwázoṉ ke andar use band karke qufl lagá diyá.
24
Aur jab wuh chaltá baná, to us ke ḳhádim áe; aur unhoṉ ne dekhá, ki báláḳháne ke darwázoṉ meṉ qufl lagá hai, wuh kahne lage, ki Wuh zarúr hawádár kamre meṉ farág̣at kar rahá hai.
25
Aur wuh ṭhahre ṭhahre sharmá bhí gaye, aur jab dekhá, ki wuh báláḳháne ke darwáze nahíṉ kholtá, to unhoṉ ne kunjí lí, aur darwáze khole, aur dekhá, ki un ká áqá zamín par mará paṛá hai.
26
Aur wuh ṭhahre hí húe the, ki Ahúd itne meṉ bhág niklá, aur patthar kí kán se áge baṛhkar Sa‘írat meṉ já panáh lí.
27
Aur waháṉ pahuṉchkar, us ne Ifráím ke kohistání mulk meṉ narsingá phúṉká. Tab baní Isráíl us ke sáth kohistání mulk se utre, aur wuh un ke áge áge ho liyá.
28
Us ne un ko kahá, Mere píchhe píchhe chale chalo; kyúṉki Ḳhudáwand ne tumháre dushmanoṉ ya‘ní Moábíoṉ ko tumháre háth meṉ kar diyá hai. So unhoṉ ne us ke píchhe píchhe jákar Yardan ke gháṭoṉ ko jo Moáb kí taraf the apne qabze meṉ kar liyá, aur ek ko bhí pár utarne na diyá.
29
Us waqt unhoṉ ne Moáb ke das hazár mard ke qaríb jo sab ke sab moṭe táza aur bahádur the qatl kiye; aur un meṉ se ek bhí na bachá.
30
So Moáb us din Isráílíoṉ ke háth ke níche dab gayá. Aur us mulk meṉ assí baras chain rahá.
31
Is ke ba‘d ‘Anát ká beṭá Shamjar khaṛá húá, aur us ne Filistíoṉ meṉ se chha sau mard bail ke paine se máre: aur us ne bhí Isráíl ko riháí dí.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21