bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Judges 4
Judges 4
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
1
Aur Ahúd kí wafát ke ba‘d, baní Isráíl ne phir Ḳhudáwand ke huzúr badí kí.
2
So Ḳhudáwand ne un ko Kan‘án ke bádsháh Yábín ke háth jo Hasúr meṉ saltanat kartá thá bechá; aur us ke lashkar ke sardár ká nám Sísará thá. Wuh dígar aqwám ke shahr Harúsat meṉ rahtá thá.
3
Tab baní Isráíl ne Ḳhudáwand se faryád kí, kyúṉki us ke pás lohe ke nau sau rath the: aur us ne bís baras tak baní Isráíl ko shiddat se satáyá.
4
Us waqt Lafídot kí bíwí Daborah nabíya baní Isráíl ká insáf kiyá kartí thí.
5
Aur wuh Ifráím ke kohistání mulk meṉ Rámah aur Baitel ke darmiyán Daborah ke khajúr ke daraḳht ke níche rahtí thí: aur baní Isráíl us ke pás insáf ke liye áte the.
6
Aur us ne Qádis Naftálí se Abínú‘am ke beṭe Baraq ko bulá bhejá, aur us se kahá, ki Kyá Ḳhudáwand Isráíl ke Ḳhudá ne hukm nahíṉ kiyá, ki Tú Tabúr ke paháṛ par chaṛh já, aur baní Naftálí aur baní Zabúlún meṉ se das hazár ádmí apne sáth le le?
7
Aur maiṉ nahr i Qaison par Yábín ke lashkar ke sardár Sísará ko, aur us ke rathoṉ, aur fauj ko tere pás kheṉch láúṉgá; aur use tere háth meṉ kar dúṉgá.
8
Aur Baraq ne us se kahá, Agar tú mere sáth chalegí, to maiṉ jáúṉgá; par agar tú mere sáth nahíṉ chalegí, to maiṉ nahíṉ jáúṉgá.
9
Us ne kahá, Maiṉ zarúr tere sáth chalúṉgí: lekin is safar se jo tú kartá hai tujhe kuchh ‘izzat hásil na hogí; kyúṉki Ḳhudáwand Sísará ko ek ‘aurat ke háth bech ḍálegá. Aur Daborah uṭhkar Baraq ke sáth Qádis ko gayí.
10
Aur Baraq ne Zabúlún aur Naftálí ko Qádis meṉ buláyá; aur das hazár mard apne hamráh lekar chaṛhá, aur Daborah bhí us ke sáth chaṛhí.
11
Aur Hibr Qíní ne jo Músá ke sále Hubáb kí nasl se thá Qíníoṉ se alag hokar Qádis ke qaríb Za‘nanním meṉ balút ke daraḳht ke pás apná ḍerá ḍál liyá thá.
12
Tab unhoṉ ne Sísará ko ḳhabar pahuṉcháí, ki Baraq bin Abínú‘am koh i Tabúr par chaṛh gayá hai.
13
Aur Sísará ne apne sab rathoṉ ko, ya‘ní lohe ke nau sau rathoṉ aur apne sáth ke sab logoṉ ko dígar aqwám ke shahr Hasúrat se Qaison kí nadí par jama‘ kiyá.
14
Tab Daborah ne Baraq se kahá, ki Uṭh, kyúṉki yihí wuh din hai, jis meṉ Ḳhudáwand ne Sísará ko tere háth meṉ kar diyá hai: kyá Ḳhudáwand tere áge nahíṉ gayá hai? Tab Baraq aur wuh das hazár mard us ke píchhe píchhe koh i Tabúr se utre.
15
Aur Ḳhudáwand ne Sísará ko, aur us ke sab rathoṉ aur sab lashkar ko talwár kí dhár se Baraq ke sámne shikast dí, aur Sísará rath par se utarkar paidal bhágá.
16
Aur Baraq rathoṉ aur lashkar ko qaumoṉ ke Harúsat shahr tak ragedtá gayá; chunáṉchi Sísará ká sárá lashkar talwár se nábúd húá; aur ek bhí na bachá.
17
Par Sísará Hibr Qíní kí bíwí Yá‘el ke ḍere ko paidal bhág gayá; is liye ki Hasúr ke bádsháh Yábín aur Hibr Qíní ke gharáne meṉ sulh thí.
18
Tab Yá‘el Sísará se milne ko niklí, aur us se kahne lagí, Ai mere ḳhudáwand, á, mere pás á; aur hirásán na ho. So wuh us ke pás ḍere meṉ chalá gayá, aur us ne us ko kammal uṛhá diyá.
19
Tab Sísará ne us se kahá, ki Zará mujhe thoṛá sá pání píne ko de, kyúṉki maiṉ piyásá húṉ. So us ne dúdh ká mashkíza kholkar use piláyá aur phir use uṛhá diyá.
20
Tab us ne us se kahá, ki Tú ḍere ke darwáze par khaṛí rahná, aur agar koí shaḳhs ákar tujh se púchhe, ki Yaháṉ koí mard hai? to tú kah dená, ki Nahíṉ.
21
Tab Hibr kí bíwí Yá‘el ḍere kí ek meḳh, aur ek meḳhchú ko háth meṉ le, dabe páṉw us ke pás gayí, aur meḳh us kí kanpaṭiyoṉ par rakhkar aisí ṭhoṉkí, ki wuh pár hokar zamín meṉ já dhasí; kyúṉki wuh gahrí nínd meṉ thá; pas wuh behosh hokar mar gayá.
22
Aur jab Baraq Sísará ko ragedtá áyá, to Yá‘el us se milne ko niklí, aur us se kahá, Á já, aur maiṉ tujhe wuhí shaḳhs jise tú ḍhúṉḍhtá hai dikhá dúṉgí. Pas us ne us ke pás ákar dekhá, ki Sísará mará paṛá hai, aur meḳh us kí kanpaṭiyoṉ meṉ hai.
23
So Ḳhudá ne us din Kan‘án ke bádsháh Yábín ko baní Isráíl ke sámne níchá dikháyá.
24
Aur baní Isráíl ká háth Kan‘án ke bádsháh Yábín par ziyáda g̣álib hí hotá gayá, yaháṉ tak ki unhoṉ ne sháh i Kan‘án Yábín ko nest kar ḍálá.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21