bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Judges 16
Judges 16
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
1
Phir Samsún G̣azzah ko gayá; waháṉ us ne ek kasbí dekhí, aur us ke pás gayá.
2
Aur G̣azzah ke logoṉ ko ḳhabar húí, ki Samsún yaháṉ áyá hai. Unhoṉ ne use gher liyá, aur sárí rát shahr ke pháṭak par us kí ghát meṉ baiṭhe rahe; par rát bhar chup cháp rahe, aur kahá, ki Subh ko raushní hote hí ham use már ḍáleṉge.
3
Aur Samsún ádhí rát tak leṭá rahá, aur ádhí rát ko uṭhkar shahr ke pháṭak ke donoṉ palloṉ aur donoṉ bázúoṉ ko pakaṛkar beṉḍe samet ukkáṛ liyá, aur un ko apne kandhoṉ par rakhkar us paháṛ kí choṭí par jo Habrún ke sámne hai le gayá.
4
Is ke ba‘d Súriq kí wádí meṉ ek ‘aurat se jis ká nám Dalílah thá, use ‘ishq ho gayá.
5
Aur Filistíoṉ ke sardároṉ ne us ‘aurat ke pás jákar us se kahá, ki Tú use phuslákar daryáft kar le, ki us kí shahzorí ká bhed kyá hai, aur ham kyúṉkar us par g̣álib áeṉ, táki ham use báṉdhkar us ko azíyat pahuṉcháeṉ: aur ham meṉ se har ek gyárah sau chándí ke sikke tujhe degá.
6
Tab Dalílah ne Samsún se kahá, ki Mujhe to batá de, ki terí shahzorí ká bhed kyá hai aur tujhe azíyat pahuṉcháne ke liye kis chíz se tujhe báṉdhná cháhiye?
7
Samsún ne us se kahá, ki Agar wuh mujh ko sát harí harí bedoṉ se jo sukháí na gayí hoṉ báṉdheṉ, to maiṉ kamzor hokar âur ádmíoṉ kí tarah ho jáúṉgá.
8
Tab Filistíoṉ ke sardár sát harí harí bedeṉ jo sukháí nahíṉ gayí thíṉ us ‘aurat ke pás le áe, aur us ne Samsún ko un se báṉdhá.
9
Aur us ‘aurat ne kuchh ádmí andar kí koṭhr meṉ ghát meṉ biṭhá liye the, so us ne Samsún se kahá, ki Ai Samsún, Filistí tujh par chaṛh áe! Tab ne un bedoṉ ko aisá toṛá, jaise san ká sút ág páte hí ṭúṭ játá hai. So us kí táqat ká bhed na khulá.
10
Tab Dalílah ne Samsún se kahá, Dekh, tú ne mujhe dhoká diyá, aur mujh se jhúṭh bolá. Ab to zará mujh ko batá de, ki tú kis chíz se báṉdhá jáe.
11
Us ne us se kahá, Agar wuh mujhe nayí nayí rassiyoṉ se jo kabhí kám meṉ na áí hoṉ báṉdheṉ, to maiṉ kamzor hokar âur ádmíoṉ kí tarah ho jáúṉgá.
12
Tab Dalílah ne nayí rassiyáṉ lekar us ko un se báṉdhá, aur us se kahá, Ai Samsún, Filistí tujh par chaṛh áe! Aur ghátwále andar kí koṭhrí meṉ ṭhahre hí húe the. Tab us ne apne bázúoṉ par se dháge kí tarah un ko toṛ ḍálá.
13
So Dalílah Samsún se kahne lagí, Ab tak tú ne mujhe dhoká hí diyá, aur mujh se jhúṭh bolá. Ab to batá de, ki tú kis chíz se baṉdh saktá hai? Us ne use kahá, Agar tú mere sir kí sátoṉ laṭeṉ táne ke sáth bun de.
14
Tab us ne khúṉṭe se use kaskar báṉdh diyá, aur us se kahá, Ai Samsún, Filistí tujh par chaṛh áe! Tab wuh níṉd se jág uṭhá, aur ballí ke khúṉṭe ko táne ke sáth ukháṛ ḍálá.
15
Phir wuh us se kahne lagí, Tú kyúṉkar kah saktá hai, ki Maiṉ tujhe cháhtá húṉ, jab ki terá dil mujh se lagá nahíṉ? Tú ne tínoṉ bár mujhe dhoká hí diyá, aur na batáyá, ki terí shahzorí ká bhed kyá hai.
16
Jab wuh use roz apní bátoṉ se tang aur majbúr karne lagí, yaháṉ tak ki us ká dam nák meṉ á gayá;
17
to us ne apná dil kholkar use batá diyá, ki Mere sir par ustura nahíṉ phirá hai, is liye ki maiṉ apní máṉ ke peṭ hí se Ḳhudá ká nazír húṉ: so agar merá sir múṉḍá jáe, to merá zor mujh se játá rahegá, aur maiṉ kamzor hokar âur ádmíoṉ kí tarah ho jáúṉgá.
18
Jab Dalílah ne dekhá, ki us ne dil kholkar sab kuchh batá diyá, to us ne Filistíoṉ ke sardároṉ ko kahlá bhejá, ki Is bár âur áo, kyúṉki us ne dil kholkar mujhe sab kuchh batá diyá hai. Tab Filistíoṉ ke sardár us ke pás áe, aur rupaye apne háth meṉ lete áe.
19
Tab us ne use apne zánúoṉ par sulá liyá, aur ek ádmí ko bulwákar sátoṉ laṭeṉ jo us ke sir par thíṉ muṉḍwá ḍálíṉ; aur use azíyat dene lagí, aur us ká zor us se játá rahá.
20
Phir us ne kahá, Ai Samsún, Filistí tujh par chaṛh áe! Aur wuh níṉd se jágá; aur kahne lagá, ki Maiṉ âur daf‘a kí tarah báhar jákar apne ko jhaṭkúṉgá; lekin use ḳhabar na thí, ki Ḳhudáwand us se alag ho gayá hai.
21
Tab Filistíoṉ ne use pakaṛkar us kí áṉkheṉ nikál ḍálíṉ, aur use G̣azzah meṉ le áe, aur pítal kí beṛiyoṉ se use jakṛá; aur wuh qaidḳháne meṉ chakkí písá kartá thá.
22
Taubhí us ke sir ke bál muṉḍáe jáne ke ba‘d phir baṛhne lage.
23
Aur Filistíoṉ ke sardár faráham húe, táki apne deotá Dajon ke liye baṛí qurbání guzráneṉ, aur ḳhushí kareṉ; kyúṉki wuh kahte the, ki Hamáre deotá ne hamáre dushman Samsún ko hamáre háth meṉ kar diyá hai.
24
Aur jab log us ko dekhte, to apne deotá kí ta‘ríf karte aur kahte the, ki Hamáre deotá ne hamáre dushman aur hamáre mulk ko ujáṛnewále ko, jis ne ham meṉ se bahutoṉ ko halák kiyá, hamáre háth meṉ kar diyá hai.
25
Aur aisá húá, ki jab un ke dil niháyat shád húe, to wuh kahne lage, ki Samsún ko buláo, ki hamáre liye koí khel kare. So unhoṉ ne Samsún ko qaidḳháne se bulwáyá; aur wuh un ke liye khel karne lagá, aur unhoṉ ne us ko do sutúnoṉ ke bích khaṛá kiyá.
26
Tab Samsún ne us laṛke se jo us ká háth pakṛe thá kahá, Mujhe un sutúnoṉ ko, jin par yih ghar qáim hai, thámne de, táki maiṉ un par ṭek lagáúṉ.
27
Aur wuh ghar mardoṉ aur ‘auratoṉ se bhará thá; aur Filistíoṉ ke sab sardár wahíṉ the; aur chhat par qaríban tín hazár mard o zan the jo Samsún ke khel dekh rahe the.
28
Tab Samsún ne Ḳhudáwand se faryád kí, aur kahá, Ai Málik Ḳhudáwand, maiṉ terí minnat kartá húṉ, ki mujhe yád kar; aur maiṉ terí minnat kartá húṉ, ai Ḳhudá, faqat is daf‘a âur tú mujhe zor baḳhsh, táki maiṉ yakbáragí Filistíoṉ se apní donoṉ áṉkhoṉ ká badla lúṉ.
29
Aur Samsún ne donoṉ darmiyání sutúnoṉ ko, jin par ghar qáim thá, pakaṛkar ek par dahine háth se aur dúsre par báeṉ se zor lagáyá.
30
Aur Samsún kahne lagá, ki Filistíon ke sáth mujhe bhí marná hí hai. So wuh apne sáre zor se jhuká, aur wuh ghar un sardároṉ aur sab logoṉ par jo us meṉ the gir paṛá. Pas wuh murde jin ko us ne apne marte dam márá un se bhí ziyáda the jin ko us ne jíte jí qatl kiyá.
31
Tab us ke bháí aur us ke báp ká sárá gharáná áyá, aur wuh use uṭhákar le gaye, aur Sur‘ah aur Istál ke darmiyán us ke báp Manoha ke qabristán meṉ use dafn kiyá. Wuh bís baras tak Isráílíoṉ ká qází rahá.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21