bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Judges 15
Judges 15
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
1
Lekin kuchh ‘arse ke ba‘d gehúṉ kí fasl ke mausim meṉ Samsún bakrí ká ek bachcha lekar apní bíwí ke háṉ gayá, aur kahne lagá, Maiṉ apní bíwí ke pás koṭhrí meṉ jáúṉgá. Par us ke báp ne use andar jáne na diyá.
2
Aur us ke báp ne kahá, Mujh ko yaqínan yih ḳhayál húá, ki tujhe us se saḳht nafrat ho gayí hai, is liye maiṉ ne use tere rafíq ko de diyá. Kyá us kí chhoṭí bahin us se kahíṉ ḳhúbsúrat nahíṉ hai? so us ke ‘iwaz tú isí ko le le.
3
Samsún ne un se kahá, Is bár maiṉ Filistíoṉ kí taraf se, jab maiṉ un se buráí karúṉ bequsúr ṭhahrúṉgá.
4
Aur Samsún ne jákar tín sau lomṛiyáṉ pakṛíṉ, aur mash‘aleṉ líṉ, aur dum se dum miláí, aur do do dumoṉ ke bích meṉ ek mash‘al báṉdh dí.
5
Aur mash‘aloṉ meṉ ág lagákar us ne lomṛiyoṉ ko Filistíoṉ ke khaṛe khetoṉ meṉ chhoṛ diyá, aur púliyoṉ aur khaṛe khetoṉ donoṉ ko, balki zaitún ke bág̣oṉ ko bhí jalá diyá.
6
Tab Filistíoṉ ne kahá, Kis ne yih kiyá hai? Logoṉ ne batáyá, ki Timnatí ke dámád Samsún ne, is liye ki us ne us kí bíwí chhínkar us ke rafíq ko de dí. Tab Filistíoṉ ne ákar us ‘aurat ko aur us ke báp ko ág meṉ jalá diyá.
7
Samsún ne un se kahá, ki Tum jo aisá kám karte ho, to zarúr hí maiṉ tum se badla lúṉgá; aur is ke ba‘d báz áúṉgá.
8
Aur us ne un ko baṛí ḳhúnrezí ke sáth már márkar un ká kachúmar kar ḍálá; aur waháṉ se jákar Aitám kí chaṭán kí daráṛ meṉ rahne lagá.
9
Tab Filistí jákar Yahúdáh meṉ ḳhaimazan húe, aur Lahí meṉ phail gaye.
10
Aur Yahúdáh ke logoṉ ne un se kahá, Tum ham par kyúṉ chaṛh áe ho? Unhoṉ ne kahá, Ham Samsún ko báṉdhne áe haiṉ, táki jaisá us ne ham se kiyá, ham bhí us se waisá hí kareṉ.
11
Tab Yahúdáh ke tín hazár mard Aitám kí chaṭán kí daráṛ meṉ utar gaye, aur Samsún se kahne lage, Kyá tú nahíṉ jántá, ki Filistí ham par hukmrán haiṉ? so tú ne ham se yih kyá kiyá hai? Us ne un se kahá, Jaisá unhoṉ ne mujh se kiyá, maiṉ ne bhí un se waisá hí kiyá.
12
Unhoṉ ne us se kahá, Ab ham áe haiṉ, ki tujhe báṉdhkar Filistíoṉ ke hawále kar deṉ. Samsún ne un se kahá, Mujh se qasam kháo, ki tum ḳhud mujh par hamla na karoge.
13
Unhoṉ ne use jawáb diyá, Nahíṉ; balki ham tujhe kaskar báṉdheṉge, aur un ke hawále kar deṉge: par ham hargiz tujhe ján se na máreṉge. Phir unhoṉ ne use do nayí rassiyoṉ se báṉdhá, aur chaṭán se use úpar láe.
14
Jab wuh Lahí meṉ pahuṉchá, to Filistí use dekhkar lalkárne lage. Tab Ḳhudáwand kí rúh us par názil húí, aur us ke bázúoṉ par kí rassiyáṉ ág se jale húe san kí mánind ho gayíṉ, aur us ke bandhan us ke háthoṉ par se utar gaye.
15
Aur use ek gadhe ke jabṛe kí nayí haḍḍí mil gayí, so us ne háth baṛhákar use uṭhá liyá, aur us se us ne ek hazár ádmíoṉ ko már ḍálá.
16
Phir Samsún ne kahá, Gadhe ke jabṛe kí haḍḍí se ḍher ke ḍher lag gaye, Gadhe ke jabṛe kí haḍḍí se maiṉ ne ek hazár ádmíoṉ ko márá.
17
Aur jab wuh apní bát ḳhatm kar chuká, to us ne jabṛá apne háth meṉ se pheṉk diyá, aur us jagah ká nám Rámat Lahí paṛ gayá.
18
Aur us ko baṛí piyás lagí; tab us ne Ḳhudáwand ko pukárá, aur kahá, Tú ne apne bande ke háth se aisí baṛí riháí baḳhshí: ab kyá maiṉ piyás se marúṉ, aur námaḳhtúnoṉ ke háth meṉ paṛúṉ?
19
Par Ḳhudá ne us gaṛhe ko jo Lahí meṉ hai chák kar diyá, aur us meṉ se pání niklá; aur jab us ne use pí liyá, to us kí ján meṉ ján áí, aur wuh tázadam húá. Is liye us jagah ká nám ‘Ain Haqqore rakkhá gayá; wuh Lahí meṉ áj tak hai.
20
Aur wuh Filistíoṉ ke aiyám meṉ bís baras tak Isráílíoṉ ká qází rahá.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21