bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Judges 13
Judges 13
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
Aur baní Isráíl ne phir Ḳhudáwand ke áge badí kí; aur Ḳhudáwand ne un ko chálís baras tak Filistíoṉ ke háth meṉ kar rakkhá.
2
Aur Dáníoṉ ke gharáne meṉ Sur‘ah ká ek shaḳhs thá, jis ká nám Manoha thá. Us kí bíwí báṉjh thí, so us ke koí bachcha na húá.
3
Aur Ḳhudáwand ke firishte ne us ‘aurat ko dikháí dekar us se kahá, Dekh, tú báṉjh hai, aur tere bachcha nahíṉ hotá: par tú hámila hogí, aur tere beṭá hogá.
4
So ḳhabardár, mai yá nashe kí chíz na píná, aur na koí nápák chíz kháná.
5
Kyúṉki dekh, tú hámila hogí, aur tere beṭá hogá; us ke sir par kabhí ustura na phire; is liye ki wuh laṛká peṭ hí se Ḳhudá ká nazír hogá; aur wuh Isráílíoṉ ko Filistíoṉ ke háth se riháí dená shurú‘ karegá.
6
Us ‘aurat ne jákar apne shauhar se kahá, ki Ek mard i Ḳhudá mere pás áyá. Us kí súrat Ḳhudá ke firishte kí súrat kí tarah niháyat muhíb thí: aur maiṉ ne us se nahíṉ púchhá, ki Tú kaháṉ ká hai? aur na us ne mujhe apná nám batáyá.
7
Par us ne mujh se kahá, Dekh, tú hámila hogí aur tere beṭá hogá. So tú mai yá nashe kí chíz na píná, aur na koí nápák chíz kháná; kyúṉki wuh laṛká peṭ hí se, apne marne ke din tak, Ḳhudá ká nazír rahegá.
8
Tab Manoha ne Ḳhudáwand se darḳhwást kí, aur kahá, Ai mere Málik, maiṉ terí minnat kartá húṉ, ki wuh mard i Ḳhudá jise tú ne bhejá thá hamáre pás phir áe, aur ham ko sikháe, ki ham us laṛke se jo paidá hone ko hai, kyá kareṉ.
9
Aur Ḳhudá ne Manoha kí ‘arz suní; aur Ḳhudá ká firishta us ‘aurat ke pás, jab wuh khet meṉ baiṭhí thí, phir áyá: par us ká shauhar Manoha us ke sáth nahíṉ thá.
10
So us ‘aurat ne jaldí kí, aur dauṛkar apne shauhar ko ḳhabar dí, aur us se kahá, ki Dekh, wuhí mard jo us din mere pás áyá thá ab phir mujhe dikháí diyá.
11
Tab Manoha uṭhkar apní bíwí ke píchhe píchhe chalá, aur us mard ke pás ákar us se kahá, Kyá tú wuhí mard hai, jis ne is ‘aurat se báteṉ kí thíṉ? Us ne kahá, Maiṉ wuhí húṉ.
12
Tab Manoha ne kahá, Terí báteṉ púrí hoṉ. Par us laṛke ká kaisá taur o taríq aur kyá kám hogá?
13
Ḳhudáwand ke firishte ne Manoha se kahá, Un sab chízoṉ se jin ká zikr maiṉ ne is ‘aurat se kiyá yih parhez kare.
14
Wuh aisí koí chíz jo ták se paidá hotí hai na kháe, aur mai yá nashe kí chíz na piye, aur na koí nápák chíz kháe; aur jo kuchh maiṉ ne use hukm diyá yih use máne.
15
Manoha ne Ḳhudáwand ke firishte se kahá, ki Ijázat ho, to ham tujh ko rok leṉ, aur bakrí ká ek bachcha tere liye taiyár kareṉ.
16
Tab Ḳhudáwand ke firishte ne Manoha ko jawáb diyá, Agar tú mujhe rok bhí le, taubhí maiṉ terí roṭí nahíṉ kháne ká: par agar tú soḳhtaní qurbání taiyár karná cháhe, to tujhe lázim hai ki use Ḳhudáwand ke liye guzráne. Kyúṉki Manoha nahíṉ jántá thá, ki wuh Ḳhudáwand ká firishta hai.
17
Phir Manoha ne Ḳhudáwand ke firishte se kahá, ki Terá nám kyá hai, táki jab terí báteṉ púrí hoṉ to ham terá ikrám kar sakeṉ?
18
Ḳhudáwand ke firishte ne us se kahá, Tú kyúṉ merá nám púchhtá hai, kyúṉki wuh to ‘ajíb hai?
19
Tab Manoha ne bakrí ká wuh bachcha ma‘ us kí nazr kí qurbání ke lekar ek chaṭán par Ḳhudáwand ke liye un ko guzráná: aur firishte ne Manoha aur us kí bíwí ke dekhte dekhte ‘ajíb kám kiyá.
20
Kyúṉki aisá húá, ki jab shu‘la mazbah par se ásmán kí taraf uṭhá, to Ḳhudáwand ká firishta mazbah ke shu‘le meṉ hokar úpar chalá gayá. Aur Manoha aur us kí bíwí dekhkar auṉdhe muṉh zamín par gire.
21
Par Ḳhudáwand ká firishta na phir Manoha ko dikháí diyá, na us kí bíwí ko. Tab Manoha ne jáná, ki wuh Ḳhudáwand ká firishta thá.
22
Aur Manoha ne apní bíwí se kahá, ki Ham ab zarúr mar jáeṉge, kyúṉki ham ne Ḳhudá ko dekhá.
23
Us kí bíwí ne us se kahá, Agar Ḳhudáwand yihí cháhtá, ki ham ko már de, to soḳhtaní aur nazr kí qurbání hamáre háth se qubúl na kartá, aur na ham ko yih wáqi‘át dikhátá, aur na ham se aisí báteṉ kahtá.
24
Aur us ‘aurat ke ek beṭá húá, aur us ne us ká nám Samsún rakkhá; aur wuh laṛká baṛhá, aur Ḳhudáwand ne use barakat dí.
25
Aur Ḳhudáwand kí rúh use Mahane Dán meṉ jo Sur‘ah aur Istál ke darmiyán hai tahrík dene lagí.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21