bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Judges 2
Judges 2
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
1
Aur Ḳhudáwand ká firishta Jiljál se Bokím ko áyá, aur kahne lagá, Maiṉ tum ko Misr se nikálkar us mulk meṉ jis kí bábat maiṉ ne tumhare bápdádá se qasam kháí thí, le áyá; aur maiṉ ne kahá, ki Maiṉ hargiz tum se ‘ahdshikaní nahíṉ karúṉgá:
2
aur tum us mulk ke báshindoṉ ke sáth ‘ahd na báṉdhná, balki tum un ke mazbahoṉ ko ḍhá dená: par tum ne merí bát nahíṉ mání: tum ne kyúṉ aisá kiyá?
3
Isí liye maiṉ ne bhí kahá ki Maiṉ un ko tumháre áge se dafa‘ na karúṉgá; balki wuh tumháre pahlúoṉ ke káṉṭe, aur un ke deotá tumháre liye phandá hoṉge.
4
Jab Ḳhudáwand ke firishte ne sab baní Isráíl se yih báteṉ kahíṉ, to wuh chillá chillákar rone lage.
5
Aur unhoṉ ne us jagah ká nám Bokím rakkhá, aur waháṉ unhoṉ ne Ḳhudáwand ke liye qurbání chaṛháí.
6
Aur jis waqt Yashú‘ ne jamá‘at ko ruḳhsat kiyá thá, tab baní Isráíl meṉ se har ek apní mírás ko lauṭ gayá thá, táki us mulk par qabza kare.
7
Aur wuh log Ḳhudáwand kí parastish Yashú‘ ke jíte jí, aur un buzurgoṉ ke jíte jí karte rahe jo Yashú‘ ke ba‘d zinda rahe aur jinhoṉ ne Ḳhudáwand ke sab baṛe kám jo us ne Isráíl ke liye kiye dekhe the.
8
Aur Nún ká beṭá Yashú‘, Ḳhudáwand ká banda, ek sau das baras ká hokar rihlat kar gayá.
9
Aur unhoṉ ne usí kí mírás kí hadd par Timnat Haris meṉ, Ifráím ke kohistání mulk meṉ jo koh i Ja‘s ke shimál kí taraf hai us ko dafn kiyá.
10
Aur wuh sárí pusht bhí apne bápdádá se já milí, aur un ke ba‘d ek âur pusht paidá húí jo na Ḳhudáwand ko, aur na us kám ko jo us ne Isráíl ke liye kiyá jántí thí.
11
Aur baní Isráíl ne Ḳhudáwand ke áge badí kí, aur Ba‘lím kí parastish karne lage.
12
Aur unhoṉ ne Ḳhudáwand apne bápdádá ke Ḳhudá ko jo un ko mulk i Misr se nikál láyá thá chhoṛ diyá, aur dúsre ma‘búdoṉ kí jo un ke chaugird kí qaumoṉ ke deotáoṉ meṉ se the pairawí karne aur un ko sijda karne lage, aur Ḳhudáwand ko g̣ussa diláyá.
13
Aur wuh Ḳhudáwand ko chhoṛkar Ba‘l aur ‘Istárát kí parastish karne lage.
14
Aur Ḳhudáwand ká qahr Isráíl par bhaṛká, aur us ne un ko g̣áratgaroṉ ke háth meṉ kar diyá jo un ko lúṭne lage, aur us ne un ko un ke dushmanoṉ ke háth jo ás pás the bechá; so wuh phir apne dushmanoṉ ke sámne khaṛe na ho sake.
15
Aur wuh jaháṉ kahíṉ játe, Ḳhudáwand ká háth un kí azíyat hí par tulá rahtá thá, jaisá Ḳhudáwand ne kah diyá thá, aur un se qasam kháí thí. So wuh niháyat tang á gaye.
16
Phir Ḳhudáwand ne un ke liye aise qází barpá kiye jinhoṉ ne un ko un ke g̣áratgaroṉ ke háth se chhuṛáyá.
17
Lekin unhoṉ ne apne qázíoṉ kí bhí na suní, balki âur ma‘búdoṉ kí pairawí meṉ ziná karte, aur un ko sijda karte the: aur wuh us ráh se, jis par un ke bápdádá chalte aur Ḳhudáwand kí farmánbardárí karte the, bahut jald phir gaye, aur unhoṉ ne un ke se kám na kiye.
18
Aur jab Ḳhudáwand un ke liye qázíoṉ ko barpá kartá, to Ḳhudáwand us qází ke sáth hotá aur us qází ke jíte jí un ko un ke dushmanoṉ ke háth se chhuṛáyá kartá thá: is liye ki jab wuh apne satánewáloṉ aur dukh denewáloṉ ke bá‘is kuṛhte the, to Ḳhudáwand malúl hotá thá.
19
Lekin jab wuh qází mar játá, to wuh bargashta hokar âur ma‘búdoṉ kí pairawí meṉ apne bápdádá se bhí ziyáda bigaṛ játe aur un kí parastish karte aur un ko sijda karte the. Wuh na to apne kámoṉ se aur na apní ḳhudsarí kí rawish se báz áe.
20
So Ḳhudáwand ká g̣azab Isráíl par bhaṛká; aur us ne kahá, Chúṉki in logoṉ ne mere us ‘ahd ko, jis ká hukm maiṉ ne un ke bápdádá ko diyá thá, toṛ ḍálá, aur merí bát nahíṉ suní,
21
is liye maiṉ bhí ab un qaumoṉ meṉ se jin ko Yashú‘ chhoṛkar mará hai kisí ko bhí in ke áge se dafa‘ nahíṉ karúṉgá:
22
táki maiṉ Isráíl ko un hí ke zarí‘e se ázmáúṉ, ki wuh Ḳhudáwand kí ráh par chalne ke liye apne bápdádá kí tarah qáim raheṉge yá nahíṉ.
23
So Ḳhudáwand ne un qaumoṉ ko rahne diyá, aur un ko jald na nikál diyá, aur Yashú‘ ke háth meṉ bhí un ko hawála na kiyá.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21