John 14

Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))

← Chapter 13 Jump to: Chapter 15 →

1MAINGAKATAZEKI intliziyo yenu: niyakolwa kutixo; kolwani nakum.

2Endlwini kabawo kuko intlalo ezininzi: ukuba bekungenjalo, ngendinixelele. Ndiyemka ukuya kunilungisela indawo.

3Nokuba nditi ndimke ndiye ndinilungisele indawo, ndiyeza kanjako, ndandiya kunamkela kwa kum; ukuze niti, apo ndikona mna, nibe kwa kona nani.

4Kanjalo apo ndiya kona niyakwazi, nendlela niyayazi.

5Wati u‐Tomasi kuye: Nkosi! asazi ukuba uya pina; singati nina ke indlela ukuyazi?

6Wati u‐Yesu kuye: Mna ndiyiyo indlela, ndiyiyo nenyaniso, ndibubo nobomi: akuko mntu ozayo kubawo, engezi ngam.

7Ukuba benindazile mna, ngeniba nimazile nobawo: nasemveni kwoku niyamazi, nimbonile kanjalo.

8Wati u‐Filipi kuye: Nkosi! sibonise uyihlo, kuti oko kusikolise.

9Wati u‐Yesu kuye: Kukade kangaka ndinani nje, akundazile na noko, Filipi? lowo undibonileyo mna, umbonile ubawo; uti nina ke wena ukuti: Sibonise uyihlo?

10Akukolwa na ukuba ndikuye ubawo, nokuba ubawo ukum? lomazwi enditeta wona kuni, andiwateti ngokwam; kodwa ubawo ohlala kum, nguye oyenzayo imisebenzi.

11Kolwani ndim ukuba ndikuye ubawo, nokuba ubawo ukum; okanye, kolwani ndim ngenxa yemisebenzi ngokwayo.

12Ngokwenene, ngokwenene, nditi kuni: Okolwayo kum, lomisebenzi endiyenzayo mna uya kuyenza naye; nemikulu kulé uya kuyenza; ngokuba ndimka ukuya kubawo.

13Nento enisukuba niyicela egameni lam, yona le ndiya kuyenza; ukuze uyise enzelwe ubungcwalisa kuye unyana.

14Xeshekweni into niyicela egameni lam, ndiya kuyenza.

15Ukuba niyanditanda, gcinani imiyalelo yam.

16Ndandiya kumtandaza ubawo, oya kuninika umonwabisi omnye, ukuze ahlale nani kude kube ngunapakade,

17kwa umoya wenyaniso, lowo ilizwe lingemamkele, ngokuba lingamboni, lingamazi nokumazi; kodwa nina niyamazi, ngokuba ehlala kuni, waeya kuba pakati kwenu kanjalo.

18Andiyi kunishiya nizinkedama; ndoza kuni.

19Kuselixesha elincinane, landule ilizwe lingabi sandibona; kodwa nina niyandibona: ngokuba ndisidla ubomi mna, niya kudla ubomi nani.

20Kulowamhla niya kukwazi ukuba ndikuye ubawo, nokuba nina nikum, nokuba mna ndikuni.

21Onayo imiyalelo yam, eyigcina nokuyigcina, nguye onditandayo; nalow̔o utanda mna, uya kutandwa ngubawo; ndoti nam ndimtande, ndizityile kuye.

22Wati kuye u‐Jude, (engenguye u‐Sikariyoti:) Nkosi! kuhla nganina ukuba uza kuzityila kuti, ungenje njalo kanti kwilizwe?

23Wapendula u‐Yesu wati kuye: Ukuba umntu uyanditanda, woligcina ilizwi lam; kanjalo ubawo uya kumtanda, sasiya kuza kuye, senze nentlalo yetu naye.

24Lowo unganditandiyo, amazwi am akawagcini: nelizwi enilivayo, asi lelam, le likabawo owanditumayo.

25Ezizinto ndizitetile kuni, ndi sa hlala nani.

26Kodwa umonwabisi, kwa umoya oyingcwele, oya kutunywa ngubawo egameni lam, yena uya kunifundisa zonke izinto, anikumbuze zonke izinto endazitetayo kuni.

27Uxolo ndiyalushiya kuni, olwam uxolo ndiyalunika kuni: akunjengokuba linika ilizwe endinika njalo kuni. Maingakatazeki intliziyo yenu, maingabi nabugwala kanjalo.

28Nivile okokuba ndati kuni: Ndiyemka, ndibuye ndize kuni. Ukuba nanditanda, ngenivuyele okokuba ndati: Ndiyemka ukuya kubawo; ngokuba ubawo emkulu kum.

29Nakaloku ndinixelele oku kungekehli; ukuze niti, xeshekweni kuhlayo, nikolwe.

30Andiyi kuba sateta kakulu nani; ngokuba isiza inkosi yelilizwe, kanti ayinanto kum.

31Koko kunje ke ukuze lazi ilizwe okokuba ndiyatanda ubawo; nokuba nditi, njengokuba endiyalele ubawo, ndenje njalo. Sukani, simke apa.

← Chapter 13 Jump to: Chapter 15 →