Numbers 1

Zande

Jump to: Chapter 2 →

1Yekova ki gumba pai fu Mose ngbakungba Sinai yo, rogo bamburoko dungurati, ti bambata uru nga ga ue diwi, rogo ue garã fuo kura yo ringara Ezipeta yo, ki ya,

2“Oni gédi bange rimbasa awiri aYisaraere dunduko, na rikayo wa du yo ku abayo, kuti gedigedi rimoyo, akumba ni ba sa sa;

3tona ti agu yo du garãyo 20 ka ndu ku mbata yo, agu yo dagba aYisaraere rengbe ka ndu sa sovura, mo na Arona agéda yo wa du yo ni rimbasa aborosovura ngba rikayo.

4Ono tipa ro aboro adú na mo sa dagba angbatungayo yo, boro sa ni ri ga bani kporo.

5Gere nga rimo agu aboro nikadu na mo nga ga Rubena yo, Erisura wiri Sedeura;

6ga Simona, Serumiere wiri Surisadai;

7ga Yuda, Nasona wiri Aminadaba;

8ga Yisasakara, Netanere wiri Sua;

9ga Zeburuna, Eriaba wiri Erono;

10dagba awiri Yosefa yo, ga Efuraima, Erisama wiri Amiuda, ga Manase, Gamariere wiri Pedasura;

11ga Benyamina, Abidana wiri Gidoni;

12ga Dana, Aiyezere wiri Amisadai;

13ga Asera, Pagiere wiri Okerana;

14ga Gada, Eriyasafa wiri Ruere;

15ga Nafatari, Aira wiri Enana.”

16Agi yo re i asia yo rogo rimbasa yo nangia agu abazogo nga ga ngbatunga abayo, i nadu ku ri agu arimbasa nangia ga aYisaraere.

17AMose na Arona ki rogo agi aboro i akusi rimoyo re,

18ki dungura rimbasa gayo gbuu sa ti bambata uru nga ga ue diwi, i ki yugu angbatungayo wa i aenge na rikayo, na ku abayo, kuti gedigedi rimo aboro, tona ti agu yo du garãyo 20 ka ndu ku mbata yo, wa du pa aboro ni ba sa sa,

19a wa Yekova arugu Mose na ni. Si du ko agedi yo ti ni ngbakungba Sinai yo.

20Dagba awiri Rubena yo, nga bambata wiri Yisaraere, i agedi yo ni angbatungayo, na arikayo, na ku abayo, kuti gedigedi rimoyo, ni ba sa sa, akumba dunduko tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

21agu yo i agedi yo dagba ngbatunga Rubena, i adu wa aboro 46,500.

22Dagba awiri Simona yo i agedi yo ti angbatungayo na arikayo, na ku abayo, kuti gedigedi rimoyo ni ba sa sa, akumba dunduko tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

23agu yo i agedi yo dagba ngbatunga Simona, i adu wa aboro 59,300.

24Dagba awiri Gada yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

25agu yo i agedi yo dagba ngbatunga Gada, i adu wa aboro 45,650.

26Dagba awiri Yuda yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

27agu yo i agedi yo dagba ngbatunga Yuda, i adu wa aboro 74,600.

28Dagba awiri Yisasakara yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

29agu yo i agedi yo dagba ngbatunga Yisasakara, i adu wa aboro 54,400.

30Dagba awiri Zeburuna yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

31agu yo i agedi yo dagba ngbatunga Zeburuna, i adu wa aboro 57,400.

32Dagba awiri Yosefa yo, dagba agu awiri Efuraima i agedi yo, ti angbatungayo, na arikayo, na ku abayo, kuti gedigedi rimoyo, tona ti agu yo du garayo 20 na ka ndu ku mbata yo, nga agu yo dunduko rengbe ka ndu sa vura:

33agu yo i agedi yo dagba ngbatunga Efuraima, i adu wa aboro 40,500.

34Dagba awiri Manase yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

35agu yo i agedi yo dagba ngbatunga Manase, i adu wa aboro 32,200.

36Dagba awiri Benyamina yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

37agu yo i agedi yo dagba ngbatunga Benyamina, i adu wa aboro 35,400.

38Dagba awiri Dana yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

39agu yo i agedi yo dagba ngbatunga Dana, i adu wa aboro 62,700.

40Dagba awiri Asera yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

41agu yo i agedi yo dagba ngbatunga Asera, i adu wa aboro 41,500.

42Dagba awiri Nafatari yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

43agu yo i agedi yo dagba ngbatunga Nafatari, i adu wa aboro 53,400.

44Agi aboro re nga agu yo i agedi yo, aMose na Arona agedi yo, wa sa na agu abazogo nangia ga aYisaraere yo, nadu wa aboro 12, i adu ni ba sa sa ku ri ga abayo kporo.

45Si du agu yo i agedi yo dagba awiri aYisaraere yo, wa ku abayo adu, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura dagba aYisaraere―

46agu yo i agedi yo dunduko adu wa aboro 603,550.

47Ono i ageda nga aRevi wa du ngbatunga abayo ku dagba yo yo te

48Bambiko Yekova agumba ha fu Mose, ki ya,

49“Kina ngbatunga Revi mo ka agéda nga ha ya, mo adúngura nga yo ku dagba gedigedi awiri aYisaraere yo a te;

50ono mo ríngbisi aRevi tipa gu banye nga ga dezirepai, na ku ri agu ahe dunduko nga gaha, na agu apai dunduko du tipa ha; i nikatinda banye tigayo, na agu ahe dunduko nga gaha, i amánga sunge he a, i adúa gayo bamburoko pati he kirikiri.

51Ho i ka niguari ni ka ndu na banye, aRevi nikazaka ha; ho i ka nidua banye ni, kina aRevi ki nidua ha a. Gu kungba boro nikaniye ku pati he mbembedi, i ki niimi ni aimo.

52Awiri aYisaraere ki nidudua gayo abamburoko, aboro ni ba sa sa kina rogo gayo bataya, wa du gayo arika ni ba sa sa, kina ho gayo bendere ka nidu ni;

53ono kina aRevi nikanidudua gayo abamburoko kirikiri pati banye nga ga dezirepai, ya ka zinga du nga ku ri gu rimbasa nga ga awiri aYisaraere ya; ono aRevi nikaruga pa banda banye nga ga dezirepai.”

54Were awiri aYisaraere amangi; kuti agu apai dunduko Yekova arugu Mose na ni, wo i amangi he.

Jump to: Chapter 2 →