bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Numbers 10
Numbers 10
Zande
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
1
Yekova ki ya fu Mose,
2
“Mo mángi ambanya ue rogo feda; mo amánga ha rogo tata marã; ono gaha sunge nikangia yamba dungurati, na tipa guari aboro bataya sa nunguro.
3
Ho i ka nivudi he ue ni, aboro dungurati dunduko ki nitiria koyo du mo ni ku ngbadimo bamburoko dungurati yo.
4
Ono ka i vu gu sa, kina abazogo nga agu yo du ku ri agu arimbasa nga ga aYisaraere yo, i ki nidungura tiyo koyo du mo ni.
5
Ho i ka nivu he ni ni fugapai, gu bataya du ku uroyo ki nitona gaha nunguro.
6
Ho i ka nivu he ni ni fugapai ni uehe, gu bataya du ku sudiyo ki nitona gaha nunguro. I anivu mbanya avu ni fugapai tipa gayo nunguro dunduko.
7
Ono ho gbuu ka nidungura tihe ni wa sa, oni ki nivu he, ka oni avú nga ha ni ga fugapai ya.
8
Ono awiri Arona nga aboromotumo, nikangia abavudi agu ambanva re. Pa ambanya adú wa ndika fu roni dagba arika ngbatungaroni ku mbata yo kindi.
9
Ono ho oni ka nindu ni ka so vura rogo gaoni ringara kuti avuraroni nga agu yo narungosi roni, oni anivudi agu ambanya re ni fugapai, Yekova ki tingidi pa roni nga gaoni Mbori, oni anibati abata be avuraroni.
10
Si anidu a wo ti gu uru du oni pusiapusia, na rago manga oni gaoni ringbisiringbisi apumbo, na rago tonatona gaoni adiwi, oni anivudi ambanya ku ri gaoni zozo amotumo, na ku ri agu amotumo nga ga amotumo zereda; si anidu tipa tingidapai fu roni bara bangiri gaoni Mbori: Mi nga Yekova nga gaoni Mbori.”
11
Rogo ue garã, ti ue diwi, ti ue bawe rame rogo gu diwi ue, Yekova ki di dubo ku ari yo ri banye nga ga dezirepai,
12
awiri aYisaraere ki guari ka ndu gayo nunguro ku mbata yo kuti pa gayo nunguro ngbakungba Sinai yo; dubo ki nye ngbakungba Parana yo.
13
Ono i ki guari na gayo bambata nunguro kina kuti sangba Yekova wa ko aringbisi he fu Mose.
14
Gu rika nga ga gu bataya nga ga awiri Yuda angbe ku mbata yo a wa pa gayo rimbasa aborosovura adu; Nasona nadu ku ri gayo rimbasa aborosovura nangia wiri Aminadaba.
15
Netanere wiri Sua ki du ku ri gu rimbasa nga ga ngbatunga awiri Yisasakara.
16
Eriaba wiri Erono ki du ku ri gu rimbasa nga ga ngbatunga awiri Zeburuna.
17
I ki zaki banye, awiri Gerusona na awiri Merari nanatinda banye, ki ngbe ku mbata yo.
18
Gu rika nga ga gu bataya nga ga Rubena ki ngbe ku mbata yo a wa arimbasayo adu; Erisura wiri Sedeura ki du ku ri gayo rimbasa.
19
Serumiere wiri Surisadai ki du ku ri gu rimbasa nga ga ngbatunga awiri Simona.
20
Ereyasafa wiri Duere ki du ku ri gu rimbasa nga ga ngbatunga awiri Gada.
21
AKoata ki ngbe ku mbata yo, ki aka kparakpara ba; ono akura yo adua banye nisungudi pa da yo.
22
Gu rika nga ga gu bataya nga ga awiri Efuraima ki ngbe ku mbata yo a wa pa gayo rimbasa aborosovura adu; Erisama wiri Amiuda ki du ku ri gayo rimbasa.
23
Gamariere wiri Pedasura ki du ku ri gu rimbasa nga ga ngbatunga awiri Manase.
24
Abidana wiri Gidoni ki du ku ri gu rimbasa nga ga ngbatunga Benyamina.
25
Gu rika nga ga gu bataya nga ga awiri Dana, nga gu nadu ti mburu sa abataya yo dunduko, ki guari ka ndu ku mbata yo a wa pa gayo rimbasa aborosovura adu; Aiyezere wiri Amisadai ki du ku ri gayo rimbasa.
26
Pagiere wiri Okerana ki du ku ri gu rimbasa nga ga ngbatunga awiri Asera.
27
Aira wiri Enana ki du ku ri gu rimbasa nga ga ngbatunga awiri Nafatari.
28
Were pa anunguro nga ga awiri aYisaraere adu, a wa pa gayo arimbasa aborosovura adu, ho i aguari ni ka ndu ku mbata yo.
29
Mose ki ya fu Obaba wiri Ruere boro Midiana, nangia bagbio Mose, “Ani nandu nunguro sa gu rago nga gu Yekova aya, ‘Mi atu he fu roni’; mo yé ani ndu na mo, ani amánga wenepai foro; bambiko Yekova gumba wenepai tipa aYisaraere.”
30
Ono ko ki ya fu ko, “Mi andú nga te, ono mi agá kina ku rogo gi ringara, koyo du ngbatungare ni.”
31
Mose ki ya, “Mi nakpara foro, ka mo mbú nga rani ya, bambiko wa ini mo ho waĩ ani akazia bataya ngbakungba no, mo ki nidu fu rani ku ba bangirise.
32
Si du, ka mo ndu na ani, gu wenepai Yekova ka manga ha fu rani, kina ha ani ka manga foro a.”
33
I ki guari ri ga Yekova bagangara yo ka ndu ku mbata yo, na nunguro tipa uru biata; sanduki mokido nga ga Yekova ki nindu ku mbata yo fu yo tipa uru nunguro biata, ka gbata baongoda fu yo.
34
Ga Yekova dubo ki du ku ri yo uru, ho i aniguari ni bataya yo.
35
Si ki ta du wa gere, ho sanduki aningbe ni ku mbata yo, Mose ki niya, “Ako Yekova, mo gúari ku ari, avuraro gbándaka; agu yo nasoga ro óro barangba ro.”
36
Ho si aniru ni, ko ki niya, “Ako Yekova, mo káraga tiro fuo gu bawe kutu akutu nga ga aYisaraere yo.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36