bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Numbers 4
Numbers 4
Zande
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
1
Yekova ki ya fu aMose na Arona,
2
“Oni gédi bange awiri Koata dagba awiri Revi yo, wa du arikayo, wa du ku abayo,
3
tona u agu yo du garãyo 30 ki da ti agu yo du garãyo 50, nga agu yo dunduko rengbe ka rima ku rogo sunge, ka amanga pa sunge rogo bamburoko dungurati yo.
4
Gere nikangia gu sunge nga ga awiri Koata bamburoko dungurati yo; tipa agu ahe du ziazia ki susi.
5
Ho bataya ka niguari ni, Arona ki rimi, na awiriko ki rogo roko kparaba ki dadi sanduki dezirepai na ni;
6
i amáa gu kpoto dadahe du wa kpoto agbodi ku ri he, ki gbaragi gu roko auru he du ni gbaya ha, ki moi angbongboho ku rogo ho.
7
Ono i agbáraga roko ni gbaya ha auru mnisa nga ga kpokuta yugopai, ki moi akurungbu ku auru he, na abaarikare, na akambu na ainga tipa uka ahe ku rogo; gu kpokuta i ka amaa ha na uru kindi nikadu auru he;
8
i agbáraga zamba roko auru he, ki nidadi he na kpoto dãdahe du wa kpoto agbodi, fuo gure i ki nimoi angbongboho ku rogo ho.
9
I adía roko ni gbaya ha, ki dadi baduawe na ni nga gu nikahasa rago, na ggha awe, na gaha awaza, gaha asaani kingiriwe, na gaha apere nzeme dunduko, nga gu i namanga sunge he na ni:
10
i amáa ha na agu aũsunge dunduko nga gaha ku vuru kooto dadahe yo du wa kpoto agbodi, ki moi he ku auru gbaraga ka tinda ha ti ni.
11
Ono auru bamotumo dahabu i agbáraga roko ni gbaya ha, ki dadi he na kpoto dadahe du wa kpoto agbodi, ki moi angbongboho ku rogo ho;
12
i aróga aũsunge dunduko nga ga manga paha, nga gu i namanga sunge rogo ho rogo kparakpara ba, ki momoi he ku rogo roko ni gbaya ha, ki dadi he na kpoto du wa kpoto agbodi, ki moi he ku auru gbaraga ka tinda ha ti ni.
13
I andúkuda gu kuke nga ga bamotumo ku sa yo, ki gbaragi roko ni ngungungu he auru he;
14
i ki moi aũsunge dunduko nga gaha ku auru he, nga gu i namanga sunge he rogo ho, auzokingire, angorã tipa pasio, aũndukuda ahe na akurungbu, na agu aũsunge dunduko nga ga bamotumo; i adáda ha na kpoto dadahe du wa kpoto agbodi, ki moi angbongboho ku rogo ho.
15
Ho aArona na awiriko ka nidigisi pa dada kparakpara ba ni, na aũkparakpara ba dunduko, wa bataya ka aguari ku mbata yo, fuo gure awiri Koata nikaniye ka aka ha, ono i azáda nga kparakpara ahe te, i ka kpika. Agi ahe re nga ga bamburoko dungurati awiri Koata ka atinda ha.
16
“Gu sunge nga ga Erazara wiri Arona nga boromotumo nikangia pa gu nzeme du tipa we, na wene fuõngua, na gu motumo riahe du adu kindi, na nzeme mbeda; gu sunge nga ga banye dunduko, na agu ahe dunduko du vuru he yo, kparakpara ba na aũhe dunduko.”
17
Yekova ki ya fu aMose na Arona,
18
“Ka oni kpára nga agu arika nga ngbatunga Koata ku sa yo ti aRevi ya;
19
ono were oni ka manga fu yo, ya i nye ni ungayo, ka i akpika nga ya, ho i ka nimbedi ni na agu ahe du ziazia ki susi: AArona na awiriko nikanirimi ku dimoyo, ka ringbisa pa gayo asunge fu yo ni ba sa sa na gayo atindiro,
20
ono i anirimi nga ku dimoyo ka bi kparakpara ziazia ahe te zavura tipa guru rago vurũ, i ka kpika.”
21
Yekova ki ya fu Mose,
22
“Mo gédi bange awiri Gerusona a, wa du ku abayo, wa du arikayo;
23
tona ti agu yo du garãyo 30 ki da ti agu yo du garãyo 50, i mo ka geda yo, nga agu yo dunduko rengbe ka rima ku rogo sunge a, ka amanga pa sunge rogo bamburoko dungurati yo.
24
Gere nga gu sunge nga ga arika Gerusona yo, rogo manga sunge na rogo pa tinda atindiro:
25
i nikatinda agu aroko nga ga banye, na bamburoko dungurati, na agu ahe nadada ha, na gu kpoto dadahe du wa kpoto agbodi nga gu nidu ku auru he, na asiasi roko kparaba tipa ngbadimo bamburoko dungurati,
26
na gu asiasi roko i naasa ha vurukporo ho, na asiasi roko kparaba tipa ngbadimo vurukporo, nga gu du pati banye na pati bamotumo kirikiri, na agiri he, na agu ahe du tipa sunge he dunduko; i ka manga agu asunge dunduko du tipa manga pa agu ahe dunduko re.
27
Gu sunge awiri Gerusona ka manga ha si adú dunduko kuti sangba Arona na awiriko; rogo pa gayo tinda atindiro, na rogo gayo sunge, oni aríngbisa pa gayo atindiro fu yo dunduko nga gu i ka atinda.
28
Gere nga gu sunge nga ga agu arika nga ga awiri Gerusona yo rogo bamburoko dungurati yo, gayo sunge adú tii be Itamara nga wiri Arona nga boromotumo.
29
“Ono tipa awiri Merari, mo agéda yo wa du pa arikayo, wa du ku abayo;
30
tona ti agu yo du garãyo 30, ki da ti agu yo du garãyo 50, i mo ka geda yo, nga agu yo rengbe ka rima ku rogo sunge, ka amanga pa sunge rogo bamburoko dungurati.
31
Gere nikangia gayo sunge tindiro, kuti pa gayo asunge dunduko bamburoko dungurati yo: agu agbaraga nga ga banye, na angbongboho, na adangbaha, na andu mburuhe;
32
na agu adangba du pangba vurukporo kirikiri, na andu mburuhe, na anerihe, na agirihe na aũhe dunduko, na aũsungehe dunduko; oni aríngbisa agu aũsunge re kina ti rimoho fu yo nga gu i ka atinda ha.
33
Gere nga gu sunge nga ga agu arika nga ga Merari yo, kuti pa gayo asunge dunduko rogo bamburoko dungurati yo, ku tii be Itamara nga wiri Arona nga boromotumo.”
34
AMose na Arona na agu abazogo nga ga rimbasa yo ki gedi awiri Koata wa du arikayo, wa du ku abayo,
35
tona ti agu yo du garãyo 30 ki da ti agu yo du garãyo 50, nga agu yo rengbe ka rima ku rogo sunge, ka amanga pa sunge rogo bamburoko dungurati;
36
agu yo i agedi yo dagba yo wa du arikayo i adu wa aboro 2,750.
37
Agi yo re i agedi yo dagba ga Koata arika, nga agu yo dunduko namanga sunge bamburoko dungurati yo, aMose na Arona agedi yo kuti sangba Yekova ku ngba Mose.
38
Agi yo re i agedi yo dagba awiri Gerusona yo, wa du arikayo, na wa du ku abayo,
39
tona ti agu yo du garãyo 30 ki da ti agu yo du garãyo 50, nga agu yo dunduko rengbe ka rima ku rogo sunge ka amanga pa sunge bamburoko dungurati―
40
agu yo i agedi yo dagba yo, wa du arikayo, wa du ku abayo, i adu wa aboro 2,630.
41
Agi yo re i agedi yo dagba ga awiri Gerusona arika, nga agu yo dunduko namanga sunge bamburoko dungurati yo, nga agu yo aMose na Arona agedi yo kuti sangba Yekova.
42
Agu yo i agedi yo dagba ga awiri Merari arika, wa du ku abayo,
43
tona ti agu yo du garãyo 30 ki da ti agu yo du garãyo 50, nga agu yo rengbe ka rima ku rogo sunge, ka amanga pa sunge bamburoko dungurati―
44
agu yo i agedi yo dagba yo wa du pa arikayo, i adu wa aboro 3,200.
45
Agi yo re i agedi yo dagba ga awiri Merari, arika, nga agu yo aMose na Arona agedi yo kuti sangba Yekova ku ngba Mose.
46
Agu yo dunduko i agedi yo dagba aRevi yo, nga agu yo aMose na Arona na agu abazogo nangia ga awiri aYisaraere yo agedi yo, wa du arikayo, wa du ku abayo,
47
tona ti agu yo du garãyo 30 ki da ti agu yo du garãyo 50, nga agu yo rengbe ka rima ku rogo sunge, na gu sunge nga sunge tinda tindiro bamburoko dungurati yo,
48
agu yo i agedi yo, i adu wa aboro 8,580.
49
Mose agedi yo kuti sangba Yekova, aboro ni ba sa sa wa du pa gayo sunge, na wa gayo atindiro adu; were Mose agedi yo, wa Yekova arugu ko na ni.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36