bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Numbers 16
Numbers 16
Zande
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 17 →
1
Kora nangia wiri Yisara, na Datana na Abirama awiri Eriaba, na Ono wiri Perete, i arogo akumba fuo yo. Ono Yisara ba Kora angia wiri Koata, Koata ki ngia wiri Revi. Eriaba ba Datana na Abirama, na Perete ba Ono angia awiri Rubena.
2
I biama ki guari ku ari bara bangiri Mose, na agu awiri aYisaraere, na abazogo 250 nga ga dungurati yo, i ayambu yo sa gbuu, nga abaworimo;
3
i ki vo gbuu wa sa kuti Mose na kuti Arona, ki ya fu yo, “Oni di pai ku ri roni ki susi! Wa du he nga rimbasa aboro ni kparakpara yo ziazia dunduko, i ni ba sa sa dunduko, Yekova du dagba yo; tipagine tie oni atumba tironi ti ni ku ri gu gbuu nga ga Yekova?”
4
Ho Mose agi he ni, ko ki ti ni kpakpuko ku sande;
5
ko ki gumba pai fu Kora na gako rika, ki ya, “Wiso Yekova ayúgo gu ni nga gako ni, na da du ni kparakpara ni ziazia, ki ya fu ni ni ye mbembedi koyo du ko ni; kina gu ni ko ka sia ni, ni ko ka mbedisa ni koyo du ko ni.
6
Oni mángi gere: Kora na gako rika dunduko oni rógodi aũzokingire;
7
ki moi we ku rogo ho, ki moi fuõngua ku auru he bara bangiri Yekova gba, gu boro Yekova ka sia ni, ni nikadu ni kparakpara ni ziazia. Oni di Dai ku rironi ki susi, oni nga awiri Revi!”
8
Mose ki ya fu Kora, “Mo gí he awere, oni nga awiri Revi:
9
si bangironi ni wiri toni pai? wa Mbori nga ga aYisaraere ko nakpara roni ti gu rimbasa nga ga awiri aYisaraere, ka ye na oni mbembedi koyo du ko ni, oni nimangi sunge banye nga ga Yekova, ka ru barangba rimbasa nga ga awiri aYisaraere ka manga pa yo;
10
ko ye na mo mbembedi a, na awirinamo dunduko nga awiri Revi. Oni nagbata pa sunge boromotumo a?
11
Si du mo na ga rika dunduko dungura oni tironi ti ni wa sa kuti Yekova; na Arona, gini he nga ko oni agumba rimoko?”
12
Mose ki kedi sunge i yambu Datana na Abirama, awiri Eriaba; i ki ya, “Ani ayé nga koyo te.
13
Si nga wiri tom pai wa mo aye na ani rogo gu ringara du adu na mamuanya na nzeme anyege kpaima, ka imo rani ngbakungba no, mo nakpi nyemu ka sa tiro ni bazogo a ka du ku ri rani?
14
Ku ri agi apai re mo aye nga na ani ku rogo gu ringara du adu na mamuanya na nzeme anyege kpaima te, mo afú nga ringara fu rani a nga aati na aati bakakue te. Mo nakpi nyemu ka roga bangiri agi aboro aroga re ku sa yo? Ani ayé nga koyo te.”
15
Mose ki zingi gbe, ki ya fu Yekova, “Ka mo ídi nga pa gayo motumo ya. Mi adia nga dongi sa be yo te, mi aimisa nga gu ni sa dagba yo yo a te.”
16
Mose ki ya fu Kora, “Mo gúari na ga rika ki ru bara bangiri Yekova gba, oni na yo, na Arona a;
17
oni ki rogodi gaoni aũzokingire ni ba sa sa, ki moi fuõngua ku rogo ho; oni dunduko ki ye na gaoni aũzokingire ku bara bangiri Yekova, aũzokingire ki du 250; mo a wo, na Arona, oni ni ba sa sa na gaoni aũzokingire.”
18
Si du aboro ni ba sa sa ki rogo gayo aũzokingire, ki moi we ku rogo ho, ki moi fuõngua ku auru he, ki ru pangbadimo bamburoko dungurati na Mose na Arona.
19
Kora ki dungura gbuu rimbasa dunduko kuti yo ku pangbadimo bamburoko dungurati yo. Ga Yekova taarimo ki kuru fu rimbasa dungurati dunduko.
20
Yekova ki ya fu Mose na fu Arona.
21
“Oni kpára tironi pati gi rimbasa re, mi ba tungayo tipa kina wiri guru rago.”
22
I ki ti ni kpakpuyo ku sande, ki ya, “Ako Mbori, nga Mbori nga ga toro aboro dunduko, ka boro ingi sa, mo ki zingi azinga na rimbasa dungurati dunduko?”
23
Yekova ki ya fu Mose,
24
“Mo gúmba pai fu rimbasa, ki ya, Oni gúari pati ga aKora baraka, na ga Datana, na ga Abirama.”
25
Mose ki guari ki ndu koyo du aDatana ni na Abirama; ga awiri aYisaraere abaakumba ki nipeke ko.
26
Ko ki ya fu rimbasa, “Mi nakpara fu roni, oni gúari pati gu bamburoko nga ga gi gbegberẽ aboro re, ka oni zádi nga he nga gayo ya, i ka roga roni ku sa yo wa sa na gayo ingapai.”
27
Si du i ki gbandaka yo pati ga Kora baraka, na ga Datana, na ga Abirama; aDatana na Abirama ki kuru ku zegi, ki ru pangbadimo gayo abamburoko, na adiayo, na awiriyo nga akumba, na gayo rukutu agude.
28
Mose ki ya, “Gere oni akaina ti ni ya Yekova nakedi re mi mangi gi sunge re; bambiko mi amanga nga ha kuti sangba gi berã te.
29
Ka agi akumba re kpi gu kungba kpio nga ga aboro dunduko, watadu ka pai mangi yo wa si namanga aboro, ka si adu nga, nga Yekova nakedi re ya.
30
Ono ka Yekova mangi vovo pai, sende ki za ngbaha, ki mbiri yo du na agu ahe dunduko nga gayo, i ki ndu ni ungayo ku Baatoro kpikpi aboro yo; oni ki rugu tironi na ni tie ya agi akumba re payasi Yekova.”
31
Si ki ta du wa gere, wa ko adigisi gumba agi apai dunduko re, gu sende nadu tii yo ki sari asara kpaa;
32
sende ki za ngbaha, ki mbiri yo ambira dunduko, na gayo aborokporo, na agu aboro dunduko nangia ga Kora yo, na gayo ahe dunduko.
33
Si du i na agu ahe dunduko nangia gayo arinda ku sende yo ni ungayo ku Baatoro kpikpi aboro yo; sende ki kisi tihe ku auru yo, i ki kpiki dagba rimbasa aboro gbuu yo.
34
Ono agu aYisaraere dunduko nadu pati kpuyo kirikiri aoro aora be kpe yo; bambiko i aya, “Sende ka mbira rani dũ!”
35
We ki kuru yo du Yekova ni, ki riti gu 250 akumba naye na fuõngua.
36
Yekova ki ya fu Mose,
37
“Mo gúmba pai fu Erazara wiri Arona nga boromotumo, ko kusi aũzokingire ba we yo; mo ki gbandaka we yo, bambiko kparakpara he du,
38
nga agu aũzokingire nga ga agi aboro ingapai re naingi kuti ungayo; oni táki he ni asaani tipa dada bamotumo na ni, bambiko wa i aye na ni ku bara bangiri Yekova, si ni kparakpara he. Si adú ni yuguyugupai fu awiri aYisaraere.”
39
Erazara ki rogo agu aũzokingire re du ni sirigi, nga gu agu yo aye na ni nagbi; i ki taki he tipa dada bamotumo na ni,
40
si du ni tingidapai fu awiri aYisaraere, ya ka kungba boro angia nga ngbatunga Arona ya, ye nga mbembedi ka zo fuõngua bara bangiri Yekova ya; ni ka du wa Kora, na wa gako rika wa Yekova agumba ha fu Erazara ku ngba Mose.
41
Ono fuo girarago awiri aYisaraere dunduko agumba rimo Mose na rimo Arona, ki ya, “Oni imi ga Yekova aboro.”
42
Ho rimbasa avo gbuu ni ka dungura tiyo kuti Mose na kuti Arona, i ki ya ngere koyo du bamburoko dungurati ni; oni ngére, dubo ki dadi he adada dũ, ga Yekova taarimo ki kuru.
43
AMose na Arona ki ye ku barangba bamburoko dungurati,
44
Yekova ki gumba pai fu Mose ki ya,
45
“Mo gúari dagba gi rimbasa re, mi ba tungayo tipa wiri guru rago.” I ki ti ni kpakpuyo ku sande.
46
Mose ki ya fu Arona, “Mo dí ga aũzokingire, ki moi we ku rogo ho gu du bamotumo yo, ki moi fuõngua ku auru he, ki oro na ni ni ipo koyo du rimbasa ni, ki mangi pa dada ingapai tipa yo: bambiko zinga guari yo du Yekova ni, kaza gberãngbi tona.”
47
Arona ki di he wa Mose agumba ha, ki oro na ni ku dagba gbuu yo; oni ngére; kaza gberãngbi aima tona dagba aboro; ko ki moi fuõngua ku auru we, ki mangi pa dada ingapai tipa aboro.
48
Ko ki ru dagba kangba aboro na unga yo; kaza gberãngbi ki digi ku ho.
49
Agu yo nakpiki be kaza gberãngbi adu wa aboro 14,700, gbiakuti agu yo nakpiki tipa gu pai nangia ga Kora.
50
Arona ki karaga tiko koyo du Mose ni ku ngbadimo bamburoko dungurati yo, ho kaza gberãngbi anyasi ni.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36