Numbers 2

Zande

← Chapter 1 Jump to: Chapter 3 →

1Yekova ki ya fu aMose na Arona,

2“Awiri aYisaraere dunduko adúdua gayo abamburoko wa du gayo arika ni ba sa sa, na gu bendere nga ga ga abayo akporo; i adúdua gayo abamburoko kirikiri sa kpakpuhe sa bamburoko dungurati.

3Agu yo ka dudua gayo abamburoko ku uroyo, yo uru naakura ni, i nikadu nga gu rika nga ga gu bataya nga ga Yuda, wa du pa gayo arimbasa aborosovura. Gu bazogo nga ga awiri Yuda nikangia Nasona wiri Aminadaba,

4gako rimbasa i agedi yo dagba yo nadu wa aboro 74,600.

5Gu kura yo ka dua gayo pati ko nikangia ngbatunga Yisasakara, gu bazogo nga ga awiri Yisasakara nikangia Natanaere wiri Sua,

6gako rimbasa i agedi yo dagba yo, nadu wa aboro 54,400.

7Fuo yo ngbatunga Zeburuna ki du, gu bazogo nga ga awiri Zeburuna nikangia Eriaba wiri Erono,

8gako rimbasa i agedi yo dagba yo nadu wa aboro 57,400.

9Agu yo dunduko i agedi yo rogo gu bataya nga ga Yuda adu wa aboro 186,400, wa du pa gayo arimbasa aborosovura. I nikangbe ku mbata yo fu yo.

10“Ku sudiyo gu rika nga ga Rubena bataya nikadu ku ho ni, wa du pa gayo arimbasa aborosovura, gu bazogo nga ga awiri Rubena nikangia Erisura wiri Sedeura,

11gako rimbasa i agedi yo dagba yo nadu wa aboro 46,500.

12Agu yo nikadua gayo pati ko nikangia ngbatunga Simona, gu bazogo nga ga awiri Simona nikangia Sarumiere wiri Surisadai,

13gako rimbasa i agedi yo dagba yo nadu wa aboro 59,300.

14Fuo yo ngbatunga Gada ki du, gu bazogo nga ga awiri Gada nikangia Ereyasafa wiri Ruere,

15gako rimbasa i agedi yo dagba yo nadu wa aboro 45,650.

16Agu yo dunduko i agedi yo rogo ga Rubena bataya adu wa aboro 151,450, wa du pa gayo arimbasa aborosovura. I nikandu ni ue aboro.

17“Fuo agu yo re bamburoko dungurati ni ngbe fuo yo, na gu bataya nga ga aRevi bebere abataya yo; wa i nasunga rogo gayo abataya, kina wo i ka ndu ku mbata yo, aboro kina rogo gayo aba ni ba sa sa, wa du pa ga arikayo bendere.

18“Ku dioyo gu rika nga ga gu bataya nga ga Efuraima nikadu ku ho ni, wa du pa gayo arimbasa aborosovura, gu bazogo nga ga awiri Efuraima nikangia Erisama wiri Amiuda,

19gako rimbasa i agedi yo dagba yo, nadu wa aboro 40,500.

20Gu kura yo nikadu fuo Efuraima nikangia ngbatunga Manase, gu bazogo nga ga awiri Manase nikangia Gamariere wiri Pedasura,

21gako rimbasa i agedi yo dagba yo, i adu wa aboro 32,200.

22Fuo yo ngbatunga Benyamina ki du, gu bazogo nga ga awiri Benyamina nikangia Abidana wiri Gidoni,

23gako rimbasa i agedi yo dagba yo, nadu wa aboro 35,400.

24Agu yo dunduko i agedi yo rogo gu bataya nangia ga Efuraima adu wa aboro 108,100 wa du pa gayo arimbasa aborosovura. I nikandu ni biata aboro.

25“Ku nodiyo gu rika bataya nikadu ku ho ni nga ga Dana wa du pa gayo arimbasa aborosovura, gu bazogo nga ga awiri Dana nikangia Aiyezere wiri Amisadai,

26gako rimbasa i agedi yo dagba yo, nadu wa aboro 62,700.

27Agu yo nikadua gayo bataya pati ko nikangia ngbatunga Asera, gu bazogo nga ga awir Asera nikangia Pagiere wiri Okerana,

28gako rimbasa i agedi yo dagba yo adu wa aboro 41,500.

29Fuo yo ngbatunga Nafatari ki du, gu bazogo nga ga awiri Nafatari nikangia Aira wiri Enana,

30gako rimbasa i agedi yo dagba yo, nadu wa aboro 53,400.

31Agu yo i agedi yo rogo ga Dana bataya adu wa aboro 157,600. I nikandu ku mburu sa no wa du arika abendere.”

32Agi yo re i agedi yo dagba awiri aYisaraere yo wa pa ku abayo adu; agu yo dunduko i agedi yo rogo abataya wa du pa gayo rimbasa aborosovura, i adu wa aboro 603,550.

33Ono i ageda nga aRevi ku dagba awiri aYisaraere yo te, a wa Yekova arugu Mose na ni.

34Were awiri aYisaraere amangi agu apai dunduko Yekova arugu Mose na ni, si du i ki dudua gayo abamburoko wa gayo arika adu, si du i ki guari ka ndu, aboro ni ba sa sa na kina rikayo, wa ku abayo adu.

← Chapter 1 Jump to: Chapter 3 →