Numbers 7 — Zande

1Si ki ta du wa gere ti gu uru nga gu Mose adigisi pa dua banye ti ni, ko ki mbedi he ki kpara ha ziazia, na aũhe dunduko, ki mbedi bamotumo ki kpara ha ziazia na agu aũsunge nga gaha dunduko,

2agu abazogo ki ye na ahe nga ga aYisaraere yo du ku ri ga abayo akporo, nga agu yo nangia abazogo angbatungayo, nga agu yo nadu ku ri agu yo i agedi yo.

3I ki ye na gayo gamunihe mbedisatise ku bara bangiri Yekova, nga angbagida ni dadidadi he sita na abaabagara 12; ngbagida sa tipa abazogo ni ba ue, ono babagara sa tipa yo ni ba sa sa; i ki ye na ni ki moi he barangba banye.

4Yekova ki ya fu Mose,

5“Mo rógo gamahe be yo, si du tipa manga pa sunge nga ga bamburoko dungurati, mo ki fu he fu aRevi, fu aboro ni ba sa sa wa du pa gayo sunge.”

6Mose ki di angbagida na abaabagara, ki fu ra fu aRevi.

7Ko afu angbagida ue na abaabagara biama fu awiri Gerusona, rengbe na pa gayo sunge;

8ko ki fu angbagida biama na abaabagara muambi fu awiri Merari, rengbe na pa gayo sunge, ku tii be Itamara nga wiri Arona nga boromotumo.

9Ono ko afu nga he fu awiri Koata wa sa te, bambiko gu sunge nangia ga kparakpara ahe angia gayo, nga gu i anatinda ha pagorõyo.

10Abazogo ki niye na ahe tipa kpara bamotumo rogo gu uru i ambedi he; abazogo aye na gayo gamunihe mbedisatise a ku barangba bamotumo.

11Yekova ki ya fu Mose, “I ayé na gayo gamunihe mbedisatise, bazogo sa ti gani uru, tipa kpara bamotumo.”

12Gu ni naye na gani gamunihe mbedisatise ti bambata ha nangia Nasona wiri Aminadaba, nga ngbatunga Yuda;

13gako gamunihe mbedisatise adu ni kurungbu feda, barõa asekerehe adu wa akiro ue na agarama 100, na badungu sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

14barikare dahabu sa barõa asekerehe adu wa agarama 163, hi ahi be fuõnuua:

15paranga babagara sa, baka ndoro sa, wiri kandoro ni bara sa du garãru sa, tipa zozo motumo;

16bameme sa tipa motumo ingapai;

17na tipa amotumo zereda, abaabagara ki du ue, abaakandoro bisue, abaameme bisue, na wiri akandoro ni abara bisue a du garãra sa. Gere nangia gu gamunihe mbedisatise nga ga Nasona wiri Aminadaba.

18Ti ue uru Netanere wiri Sua, bazogo nga ga Yisasakara ko, ki fu he;

19ko afu he tipa gako gamunihe mbedisatise nga kurungbu feda sa, barõa asekerehe adu wa akiro ue na agarama 100, badungu sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

20barikare dahabu sa barõa asekerehe adu wa agarama 163, hi ahi be fuõngua;

21paranga babagara sa, bakandoro sa, wiri kandoro ni bara sa du garãru sa, tipa zozo motumo;

22bameme sa tipa motumo ingapai;

23na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Netanere wiri Sua.

24Ti biata uru Eriaba wiri Erono bazogo nga ga awiri Zeburuna ko ki fu he:

25gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufuru ngungo ni kodikodi he na nzeme tipa motumo riahe;

26barikare dahabu sa barõa asekerehe adu wa agarama 163, hi ahi be fuõngua;

27paranga babagara sa, bakandoro sa, wiri kandoro ni bara sa du garãru sa, tipa zozo motumo;

28bameme sa tipa motumo ingapai;

29na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Eriaba wiri Erono.

30Ti biama uru Erisura wiri Sedeura, bazogo nga ga awiri Rubena ko ki fu he:

31gako gamunihe mbedisatise mangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo du ni kodikodi he na nzeme tipa motumo riahe;

32barikare dahabu sa barõa asekerehe adu wa agarama 163, hi ahi be fuõngua;

33paranga babagara sa, bakandoro sa, wiri kandoro ni bara sa du garãru sa, tipa zozo motumo;

34bameme sa tipa motumo ingapai;

35na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Erisura wiri Sedeura.

36Ti bisue uru Serumiere wiri Surisadai, bazogo nga ga awiri Simona ko ki fu he:

37gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

38barikare dahabu sa barõa asekerehe adu wa agarama 163, hi ahi be fuõngua;

39paranga babagara sa, bakandoro sa, wiri kandoro ni bara sa du garãru sa, tipa zozo motumo;

40bameme sa tipa motumo ingapai;

41na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Serumiere wiri Surisadai.

42Ti sita uru Ereyasafa wiri Duere, bazogo nga ga awiri Gada ko ki fu he:

43gako gamunihe mbedisatise nangia kurungbu feda sa barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufuru ngungo ni kodikodi he na nzeme tipa motumo riahe;

44barikare dahabu sa barõa asekerehe adu wa agarama 163, hi ahi be fuõngua;

45paranga babagara sa, bakandoro sa, wiri kandoro ni bara sa du garãru sa, tipa zozo motumo;

46bameme sa tipa motumo ingapai;

47na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Ereyasafa wiri Duere.

48Ti saba uru Erisama wiri Amiuda, bazogo nga ga awiri Efuraima ko ki fu he:

49gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba; wa du he ue tu ahi be fufurũ ngungo ni kodikodi he na nzeme tipa motumo riahe,

50barikare dahabu barõa asekerehe adu wa agarama 163, hi ahi be fuõngua;

51paranga babagara sa, bakandoro sa, wiri kandoro ni bara sa, du garãru sa, tipa zozo motumo;

52bameme sa tipa motumo ingapai;

53na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Erisama wiri Amiuda.

54Ti muambi uru Gamariere wiri Pedasura, bazogo nga ga awiri Manase ko ki fu he:

55gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

56barikare dahabu sa barõa asekerehe adu wa agarama 163, hi ahi be fuõngua;

57paranga babagara sa, bakandoro sa, wiri kandoro ni bara sa du garãru sa, tipa zozo motumo;

58bameme sa tipa motumo ingapai;

59na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Gamariere wiri Pedasura.

60Ti ribua uru Abidana wiri Gidoni bazogo nga ga Benyamina ko ki fu he:

61gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

62barikare dahabu sa barõa asekerehe adu wa agarama 163, hi ahi be fuõngua,

63paranga babagara sa, bakandoro sa, wiri kandoro ni bara sa du garãru sa, tipa zozo motumo;

64bameme sa tipa motumo ingapai;

65na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Abidana wiri Gidoni.

66Ti bawe uru Aiyezere wiri Amisadai, bazogo nga ga awiri Dana ko ki fu he:

67gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

68barikare dahabu sa barõa asekerehe adu wa agarama 163, hi ahi be fuõngua;

69paranga babagara sa, bakandoro sa, wiri kandoro ni bara sa du garãru sa, tipa zozo motumo;

70bameme sa tipa motumo ingapai;

71na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Aiyezere wiri Amisadai.

72Ti 11 uru Pagiere wiri Okerana, bazogo nga ga awiri Asera ko ki fu he:

73gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufuru ngungo ni kodikodi he na nzeme tipa motumo riahe;

74barikare dahabu sa barõa asekerehe adu wa agarama 163, hi ahi be fuõngua;

75paranga babagara sa, bakandoro sa, wiri kandoro sa ni bara du garãru sa, tipa zozo motumo;

76bameme sa tipa motumo ingapai;

77na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Pagiere wiri Okerana.

78Ti 12 uru Aira wiri Enana, bazogo nga ga Nafatari ko ki fu he:

79gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

80barikare dahabu sa barõa asekerehe adu wa agarama 163, hi ahi be fuõngua;

81paranga babagara sa, bakandoro sa, wiri kandoro ni bara sa du garãru sa, tipa zozo motumo;

82bameme sa tipa motumo ingapai;

83na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Aira wiri Enana.

84Gere nga gu gamunihe naadu tipa kpara bamotumo, be agu abazogo nga ga awiri aYisaraere yo, ni gu uru ho i ambedi he ni: akurungbu feda 12, abadungu feda 12,

85akurungbu feda ni ba sa sa barõa asekerehe adu wa akiro ue na agarama 100, ga abadungu ni ba sa sa barõa asekerehe adu wa kiro sa na agarama 150, barõa asekere feda dunduko nga ga agu ahe re adu mbembedi wa akiro 40, ringbisi he na gu sekere nga ga kparakpara ziazia ba,

86agu abaarikare dahabu 12, hi ahi be fuõngua, barõa asekerehe gu sa adu wa agarama 163, ringbisi he na gu sekere nga ga kparakpara ziazia ba, barõa asekere dahabu dunduko nga ga abaarikare adu mbembedi wa akiro ue;

87gu zogozogo anya dunduko du tipa zozo motumo adu wa abaabagara 12, abaakandoro 12, wiri akandoro ni abara 12 du garãra sa, na gaami motumo riahe; agu abaameme du tipa motumo ingapai ki du 12;

88gu zogozogo anya dunduko du tipa amotumo zereda ki du wa abaabagara 24, abaakandoro 60, abaameme 60, wiri akandoro ni abara 60 a du garãra sa. Gere nangia gu gamunihe naadu tipa kpara bamotumo, fuo mbeda yo ho.

89Ono ho Mose anindu ni ku bamburoko dungurati yo ka fura na Yekova, ko ki nigi fugo si nifura koyo du ko ni ari ba ri bainapai nga gu nadu ku ri sanduki dezirepai, dagba agu akeruba nadu ue; Yekova ki nifura koyo du ko ni.