Isaiah 41

Hausa Arabic 2020 (أَتَّوْرَتْ دَ أَنَّبَاوَا)

← Chapter 40 Jump to: Chapter 42 →

1يَهْوٜىٰهْ يَثٜىٰ، «كُيِ شِضُ كُسَوْرَرَتَ، يَا كُو ڟِبِرَيْ! بَرِ ڧَبِيلُ سُسَابُنْتَ ڧَرْڢِنْسُ، بَرِ سُمَڟُواْ كُسَ سُيِ مَغَنَ، بَرِ مُتَارُ مُذُواْ وُرِنْ يَنْكٜىٰ شَرِيعَ؞

2«وَنٜىٰنٜىٰ يَتَادَ مَيْ نَصَرَرْ نَنْ دَغَ غَبَسْ؟ وَنٜىٰنٜىٰ يَكِرَا شِ يَيِ مَسَ حِدِمَ؟ وَنٜىٰنٜىٰ يَبَا شِ نَصَرَا عَكَنْ أَلْعُمَّيْ، يَكُمَ بَاشِ نَصَرَرْ يَاڧِ عَكَنْ سَرَاكُنَ؟ تَكُواْبِنْ مَيْ نَصَرَرْ نَنْ يَسَسَّرٜىٰسُ سُنْ ذَمَ كَمَرْ ڧُورَا! كِبِيُواْيِنْسَ سُنْ وَرْوَاڟَرْ دَسُو كَمَرْ دُوسَ عَ إِسْكَ؞

3يَنَ بِنْسُ يَنَ كُواْرَ، يَنَ وُثٜىٰوَ لَاڢِيَ، دَ سَوْرِ سُواْسَيْ حَرْ دَݣَرْ ڧَڢَاڢُنْسَ سُكٜىٰ تَٻَ ڧَسَا!

4وَنٜىٰنٜىٰ يَسَا وَنَّنْ يَڢَرُ؟ وَنٜىٰنٜىٰ يَكٜىٰبِدَ تَارِيحِنْ یَنْ أَدَمْ، وَنْدَ يَكِرَا كُواْوَثٜىٰ ڟَارَا تُنْدَغَ ڢَرْكُواْ؟ أَيْ، نِے يَهْوٜىٰهْ نٜىٰ نَيِ؞ نِے دَ نَكٜىٰ نَڢَرْكُواْ، ذَنْ كَسَنْثٜىٰ تَرٜىٰدَ ڟَارَا تَڧَرْشٜىٰ؞

5يَنْكُنَنْ بَاكِنْ تٜىٰكُ سُنْ غَنِ سُنْ جِڟُواْرُواْ، ڧَسَاشٜىٰنْ إِيَاكَرْ دُونِيَا سُنْيِ ضَوَرْ جِكِے؞ دُكَنْسُ سُنْ تَتَّارُ سُنْ مَڟُواْ كُسَ؞

6سُكَ ڧَرْڢَڢَ جُونَ، مَڨُوبْتَ دَ یَنْعُوَ سُنَ ثٜىٰ وَجُونَ، ‹يِ ڧَرْڢِنْ حَلِ!›

7مَيْ سَسَّڧَ غُمَكَ يَكَنْثٜىٰ وَمَيْ ڧٜىٰرَ ظِينَارِيَ، ‹أَغَيْشٜىٰكَ!› مَيْ ڠَرَ ظِينَارِيَ تَيِ سُمُلْ يَكَنْ ڧَرْڢَڢَ مَيْ هَرْهَطَسُ، يَثٜىٰ، ‹حَطِنْ يَيِݣَوْ؞› سُكَنْ كَڢَ عَيْكِنْسُ دَ ڧُوسُواْشِ دُواْمِنْ كَدَ يَڢَاطِ؞

8«عَمَّا يَا كَيْ إِسْرَٰٓءِيلَ بَاوَنَ، يَا كَيْ يَعْڧُوبَ، ذُرِيَرْدَ نَذَاٻَا، ذُرِيَرْ إِبْرَٰهِيمْ وَنْدَ يَڧَوْنَثٜىٰنِ،

9كَيْ دَ نَكَٰوُاْ دَغَ إِيَاكَرْ دُونِيَا، نَكِرَاكَ دَغَ لُنْ‌غُنْتَ؞ نَثٜىٰمَكَ، ‹كَيْ بَاوَنَ نٜىٰ وَنْدَ نَذَاٻَا، حَرْ يَنْذُ بَنْڧِيكَبَ؞›

10كَدَ ڢَا كَجِڟُواْرُواْ، غَمَا إِنَ تَرٜىٰدَكَيْ، كَدَ كَدَامُ، غَمَا نِنٜىٰ اللَّهْ نْكَ؞ ذَنْسَا كَيِ ڧَرْڢِے، إِنْكُمَ تَيْمَكٜىٰكَ، ذَنْ رِڧٜىٰكَ دَ حَنُّنْ دَامَنَ مَيْ نَصَرَا؞

11عِ، دُكْ مَاسُ ڢُشِے دَكَيْ، ذَاسُشَا كُنْيَا، عَكُمَ ڧَسْڧَنْتَرْ دَسُو؞ دُكْ مَاسُ غَابَادَكَيْ ذَاسُ مُتُ سُٻَثٜىٰ؞

12مَاسُ غَابَادَكَيْ، ذَاكَ نٜىٰمٜىٰسُ عَمَّا بَذَاكَ سَامٜىٰسُبَ، مَاسُ يَاڧِ دَكَيْ، ذَاسُ ٻَثٜىٰ دَغَ ڢُسْكَرْ دُونِيَا؞

13غَمَا نِے يَهْوٜىٰهْ اللَّهْ نْكَ نٜىٰ، إِنَ رِڧٜىٰ دَ حَنُّنْ دَامَنْكَ؞ نِنٜىٰ كُمَ نَكٜىٰثٜىٰمَكَ، ‹كَدَ كَجِڟُواْرُواْ، نِنٜىٰ مَيْ تَيْمَكُوانْكَ؞›

14يَا كُو ذُرِيَرْ يَعْڧُوبَ، كُواْدَيَكٜىٰ كُو مَرَسَ ڧَرْڢِے نٜىٰ كَمَرْ ڟُڟَ، كَدَ كُجِڟُواْرُواْ، يَا كُو مُتَنٜىٰنْ إِسْرَٰٓءِيلَ، نِنٜىٰ مَيْ تَيْمَكُوانْكُ، نِے مَيْ ڟَرْكِے نَ إِسْرَٰٓءِيلَ، نِنٜىٰ مَيْ ڢَنْسَرْكُ؞

15غَاشِ، ذَنْسَا كُذَمَ كَمَرْ سَنْدَنْ بُغُنْ حَڟِ، وَنْدَ يَكٜىٰ سَابُواْ، مَيْ كَيْڢِ، مَيْ هَڧُواْرَ؞ ذَاكُ بُغِ مَنْيَنْ تُدَّيْ كُلَلَتَرْ دَسُو، ذَاكُ مَيْدَ تُدَّيْ كَمَرْ دُوسَ؞

16ذَاكُ طَغَسُ سَمَ ثِكِنْ إِسْكَ، إِسْكَرْ كُوَ تَهُورَسُ، غُوغُوَ كُمَ ذَاتَ وَرْوَاڟَرْ دَسُو؞ عَمَّا كُو ذَاكُيِ ڢَضٍ ثِكِ سَبُواْدَ نِے يَهْوٜىٰهْ ، ذَاكُيِ تَاڧَمَ سَبُواْدَ نِے مَيْ ڟَرْكِے نَ إِسْرَٰٓءِيلَ؞

17سَعَدَّ مَتَلَوْتَ دَ مَاسُ بُڧَاتَ سُكَ نٜىٰمِ ضُوَ سُرَسَ، مَڧُواْڠُورُوانْسُ يَبُوشٜىٰ سَبُواْدَ ڧِشِنْ ضُوَ، نِے يَهْوٜىٰهْ ذَنْ أَمْسَ ضُواْڧُوانْسُ، نِے اللَّهْ نَ إِسْرَٰٓءِيلَ بَذَنْ يَاشٜىٰسُبَ؞

18ذَنْ بُوطٜىٰ رَاڢُڢُّكَ عَكَنْ تُدَّيْ، دَ مَٻُٻُّغَ عَثِكِنْ ݣُورِ؞ ذَنْ مَيْدَ هَمَادَ تَڢْكِنْ ضُوَ، بُوسَشِّيَرْ ڧَسَا كُمَ مَٻُٻُّغَرْ ضُوَ؞

19ذَنْسَا عِتَتُوَنْ سٜىٰدَ دَ نَأَكَشِيَ، دَ نَمُرْتِلْ دَ نَظَيْتُنْ، سُيِ غِرْمَ أَدَاجِ مَرَرْ كُواْمٜىٰ؞ ذَنْ كُمَسَا إِتَاثٜىٰنْ سَيِڢِرِسْ دَ نَڢِرْ، دَ نَدَبِينُواْ سُذَمَ كُرْمِ أَ هَمَادَ؞

20ذَنْيِ حَكَ دُواْمِنْ مُتَنٜىٰ سُغَنِ سُسَنِ، دُوانْ دُكَنْسُ سُيِ تُنَانِ سُڢَهِمْتَ ثٜىٰوَ دَ هَنُّونَ نِے يَهْوٜىٰهْ نَيِ وَنَّنْ، نِے مَيْ ڟَرْكِے نَ إِسْرَٰٓءِيلَ نَيِ وَنَّنْ دُكَ؞»

21«كُكَٰوُاْ ڧَارَرْكُ، يَا كُو أَلُّواْلِ،» إِنْجِ يَهْوٜىٰهْ ، «كُغَبَتَرْ دَ غَرْدَمَرْكُ،» إِنْجِ سَرْكِنْ ذُرِيَرْ يَعْڧُوبَ؞

22«كُذُواْ كُڢَطَا مَنَ أَبِنْدَ ذَيْ ڢَرُ نَنْ غَبَ؞ كُكُمَ بَيَّنَ مَنَ أَبُبُوَنْ دَ سُكَ وُثٜىٰ، دُواْمِنْ مُسَا تُنَانِ عَكَنْسُ؞ كُڢَطَا مَنَ أَبِنْدَ ذَيْ ڢَرُ نَنْ غَبَ دُواْمِنْ مُسَنْ مَعَنَرْسُ؞

23عِ، كُڢَطَا مَنَ أَبِنْدَ ذَيْ ڢَرُ نَنْ غَبَ، دُواْمِنْ مُسَنِ ثٜىٰوَ كُو أَلُّواْلِنٜىٰ! كُعَيْكَتَ وَنِ أَبُ مَيْݣَوْ كُواْ مُوغُ، دُواْمِنْ مُيِ مَامَاكِ كُواْ مُڟُواْرَتَ!

24حَڧِيڧَ، كُو بَكُواْمٜىٰبَنٜىٰ، عَيْكِنْكُ مَا بَنْظَنٜىٰ؞ دُكْ مَيْبِنْكُ مَا أَبِنْ ڨَمَ نٜىٰ؞

25«نَذَاٻِ وَنِ مَيْ ذَمَ أَغَبَسْ، يَنَ كُوَ ذُوَا، نَتَادَ وَنِ مَيْ كِرَا غَ سُونَنَ، يَنَ كَٰوُاْ يَاڧِ دَغَ أَرٜىٰوَ؞ يَنَ تَتَّاكٜىٰ سَرَاكُنَ كَمَرْ لَاكَ، كَمَرْ يَدَّ مَيْ غِنِنْ تُݣُونٜىٰ يَكٜىٰ تَتَّاكٜىٰ لَكَرْ غِنِ؞

26وَنٜىٰنٜىٰ عَثِكِنْكُ تُنْدَغَ ڢَرْكُواْ يَسَنَرْدَ وَنَّنْ دُواْمِنْ مُسَنِ؟ وَيَيِ أَنَّبْثِ ثٜىٰوَ حَكَ ذَيْ ڢَرُ، دُواْمِنْ مُإِيَ ثٜىٰوَ أَبِنْدَ يَڢَطَا دَيْدَيْنٜىٰ؟ أَيْ، بَابُوَنِنْكُ دَ يَسَنَرْدَ وَنَّنْ، بَابُوَنْدَ يَجِ كُواْمٜىٰ دَغَ بَاكِنْكُ!

27أَبِنْدَ نَسَنَرْوَ سِهِيُواْنَ دَ ڢَرْكُواْ، دُوبَ، غَاسُنَنْ ذُوَا! نَكُمَ عَيْكَ وَ عُرُوشَلِيمَ دَ طَنْ عَيْكَ مَيْ كَٰوُاْ لَابَرِ مَيْ دَاطِے؞

28عَمَّا سَعَدَّ نَدُوبَ عَثِكِنْ أَلُّواْلِ، بَنْ‌غَا وَنْدَ يَ عِيَ بَادَ شَوَرَابَ، بَابُ كُواْ طَيَنْسُ وَنْدَ يَ عِيَ بَادَ أَمْسَ سَعَدَّ نَيِ مُسُ تَمْبَيَ؞

29غَاشِ، دُكَنْ أَلُّواْلِنَّنْ بَ كُواْمٜىٰبَنٜىٰ، أَيُّكَنَّنْ إِسْكَنٜىٰ كَوَيْ، صِڢُّواْڢِنَّنْ أَبِنْ وُاْڢِنٜىٰ؞»

← Chapter 40 Jump to: Chapter 42 →