Isaiah 54

Hausa Arabic 2020 (أَتَّوْرَتْ دَ أَنَّبَاوَا)

← Chapter 53 Jump to: Chapter 55 →

1إِنْجِ يَهْوٜىٰهْ ، «يِوَاڧَا، يَا كٜىٰ عُرُوشَلِيمَ، كٜىٰ دَ دَا كِكٜىٰ كَمَرْ مَثٜىٰ مَرَرْ حَيْڢُوَ! كِٻَرْكٜىٰ دَ وَاڧَا كِنَ إِيهٌ ڢَضٍ ثِكِ، كٜىٰ دَ بَاكِ تَٻَ نَڧُدَ بَ! غَمَا یَیَنْ مَثٜىٰ مَيْ بَڧِنْ ثِكِنْ رَشِنْ حَيْڢُوَ، ذَاسُيِيَوَ ڢِيٜىٰدَ نَمَاتَرْ عَوْرٜىٰ؞

2كِڧَارَ ڢَاطِنْ تٜىٰنْتِنْكِ، كِبُوطٜىٰ لَبُلٜىٰنْ تٜىٰنْتِنْكِ دَ ڢَاطِ، كِبَادَ كَنْكِ طُنْ‌غُمْ؞ كِڧَارَ ڟَوُانْ إِغِيُواْيِنْكِ، كِڧَارَ ڧَرْڢِنْ ڧُوسَرْ كَڢَ تٜىٰنْتِنْكِ؞

3غَمَا ذَاكِ يَطُ أَغٜىٰڢٜىٰنْ دَامَ دَ نَهَغُ، ذُرِيَرْكِ ذَاسُ غَاجِ ڧَسَاشٜىٰنْ أَلْعُمَّيْ، ذَاسُثِكَ غَرُضُوً دَ دَا بَا كُواْوَ؞

4«كَدَ كِجِڟُواْرُواْ، غَمَا بَذَاكِ كُنْيَاتَبَ، كَدَ كِيِ ڢَرْغَبَ، بَذَاعَ ڧَسْڧَنْتَرْ دَكٜىٰبَ؞ ذَاكِ مَنْتَادَ كُنْيَرْ دَ كِكَ شَا أَ لُواْكَثِنْ دَ عَكَ ڧِيكِ عَڧُرُثِيَرْكِ، ذَاكِ مَنْتَادَ كُنْيَرْ ذَمَنْ كَطَيْثِنْكِ، إِرِنْ نَمَثٜىٰنْ دَ مِجِنْتَ يَمُتُ؞

5غَمَا مَحَلِثِّنْكِ شِينٜىٰ مِجِنْكِ، سُونَنْسَ يَهْوٜىٰهْ مَيْ ضُنْدُنَا! مَيْ ڟَرْكِے نَ إِسْرَٰٓءِيلَ شِينٜىٰ مَيْ ڢَنْسَرْكِے، شِينٜىٰ عَكٜىٰ ثٜىٰ دَشِ اللَّهْ نَدُكَنْ دُونِيَا؞

6غَمَا يَهْوٜىٰهْ يَاكِرَكِ كِدَاوُاْ كَمَرْ مَثٜىٰنْ دَ دَا أَنْيَاشٜىٰتَ، أَنْبَرْ تَثِكِنْ بَڧِنْ ثِكِ، كَمَرْ مَاتَرْ دَ مِجِنْتَ يَڧِتَ عَڧُرُثِيَرْتَ،» إِنْجِ اللَّهْ نْكِ؞

7«أَ طَنْ ڧَرَمِنْ لُواْكَثِ نَيَاشٜىٰكِ، عَمَّا ثِكِنْ تَوْسَيِ مَيْ يَوَ، ذَنْ دَاوُاْ دَكٜىٰ؞

8عَثِكِنْ ڟَنَنِنْ ڢُشِے نَطَنْ لُواْكَثِ نَٻُواْيٜىٰ ڢُسْكَتَ دَغَ غَرٜىٰكِ، عَمَّا ثِكِنْ ڧَوْنَ مَرَرْ ثَنْجَاوَا ذَنْ نُونَ مِكِ تَوْسَيِ حَرْ أَبَدَا؞ نِے يَهْوٜىٰهْ مَيْ ڢَنْسَرْكِے نَا ڢَطَا؞

9«أَ زَامَانِنْ نُوحُ، نَيِ ضَنْڟُوَا ثٜىٰوَ بَذَاعَ ڧَارَ رُڢٜىٰ دُونِيَا دُكَ دَ ضُوَيٜىٰبَ، بَذَاعَ كُمَ ڧَارَ يِنْ أَمْبَلِيَرْ ضُوَبَ؞ أَغَرٜىٰنِ، وَنَّنْ كَمَرْ زَامَانِنْ ثَنْ نٜىٰ؞ دَ حَكَ، نَيِ ضَنْڟُوَا ثٜىٰوَ بَذَنْ سَاكٜىٰيِنْ ڢُشِے دَكٜىٰبَ، كُواْ إِنْ ڟَاوَتَا مِكِ؞

10غَمَا مَنْيَنْ تُدَّيْ ذَاسُ عِيَ ٻَثٜىٰوَ ذَاعَ عِيَ كَوَرْدَ تُدَّيْ، عَمَّا ڧَوْنَتَ مَرَرْ ثَنْجَاوَا بَذَاتَ رَبُ دَكٜىٰبَ، يَرْجٜىٰجٜىٰنِيَتَ تَسَلَمَ مَا بَذَاعَ كَوَرْدَ عِتَبَ، إِنْجِنِ يَهْوٜىٰهْ وَنْدَ يَكٜىٰ نُونَ مِكِ تَوْسَيِ؞»

11يَهْوٜىٰهْ يَاثٜىٰ، «يَا كٜىٰ عُرُوشَلِيمَ، مَيْ شَنْ وَهَلَ، بِرْنِنْ دَ هَدَرِ دَ غُوغُوَ سُكٜىٰ جُويٜىٰوَ، بِرْنِنْ دَ بَابُ مَيْيِ مَتَ تَعَظِيَّ، بَابُ شَكَّ ذَنْ كَڢَ تُوشٜىٰنْكِ دَ دُوَڟُو، دَ دُوَڟُو مَاسُ دَرَجَ كَمَرْ سَڢَّيَ؞

12ذَنْ غِنَا كَتَنْ‌غَرْكِ دَ جَجَّيٜىٰنْ دُوَڟُو مَاسُ دَرَجَ، ڧُواْڢُواْڢِنْكِ كُمَ دَ دُوَڟُو مَاسُ حَصْكٜىٰنْ وُتَا، بَنْ‌غُوانْ غِدَاجٜىٰنْكِ مَا دَ دُوَڟُو مَاسُ ڨَلِّ؞

13دُكَنْ یَیَنْكِ كُوَ، نِے يَهْوٜىٰهْ نٜىٰ ذَنْ كُواْيَرْ دَسُو، ذَاسُ كُوَ يَلْوَتَ ثِكِنْ سَلَمَ؞

14ثِكِنْ يِنْ أَدَلْثِے دَ غَسْكِيَ ذَاكِ كَڢُ؞ دَنِّيَ ذَاتَ يِنٜىٰسَ دَكٜىٰ، بَذَاكِ جِڟُواْرُوانْ كُواْمٜىٰبَ، بَرَظَنَ ذَاتَ يِنٜىٰسَ دَكٜىٰ؞

15بَاشَكَّ عِدَنْ وَنِ يَكَٰوُاْ مِكِ ڢَطَ، بَ دَغَ وُرِينَ بَنٜىٰ؞ دُكْ وَطَنْدَ سُكَ تَارُ دُواْمِنْ سُيَاڧٜىٰكِ، بَذَاسُيِ نَصَرَبَ؞

16غَاشِ، نِے نَا حَلِثِّ مَڧٜىٰرِ وَنْدَ يَكَنْ هُورَ وُتَا يَڧٜىٰرَ كَايَنْ يَاڧِ دُواْمِنْ عَيْكِنْسُ؞ نِے كُمَ نَحَلِثِّ سُواْجَ يَيِ أَمْڢَانِ دَ كَايَنْ يَاڧِنْ دُواْمِنْ كَشٜىٰوَ؞

17عَمَّا بَابُ كَايَنْ يَاڧِنْ دَ عَكَ ڧٜىٰرَ دُواْمِنْ عَيَاڧٜىٰكِ وَنْدَ ذَيْ يِنَصَرَا، بَابُ ڧَارَرْ دَ عَكَيِ عَكَنْكِ وَدَّ بَذَاكِ عِيَ ثِنْ نَصَرَا عَكَنْتَبَ؞ وَنَّنْ رَبُوانْ غَادُواْ نٜىٰ نَبَيِنَ، ݣَوْتَثٜىٰ تَذَمَنْ مَرَرْ لَيْڢِے دَغَ وُرِينَ؞ نِے يَهْوٜىٰهْ نَا ڢَطَا؞»

← Chapter 53 Jump to: Chapter 55 →