Isaiah 65

Hausa Arabic 2020 (أَتَّوْرَتْ دَ أَنَّبَاوَا)

← Chapter 64 Jump to: Chapter 66 →

1يَهْوٜىٰهْ يَثٜىٰ، «غَ وَطَنْدَ بَسُ تَمْبَيٜىٰنِبَ، نَبَيَّنَ كَيْنَ؞ وَطَنْدَ بَسُ نٜىٰمٜىٰنِبَ، نَسَاسُ سُكَ سَامٜىٰنِ؞ غَ أَلْعُمَّرْ دَ بَتَكِرَا غَ سُونَنَبَ، سَيْ نَثٜىٰ، ‹غَا نِے نَنْ، غَا نِے نَنْ!›

2دُكَنْ يِنِ نَمِيڧَ حَنُّوَنْ ثٜىٰتُواْنَ غَ مُتَنٜىٰ مَاسُ تَاوَيٜىٰ، غَ مُتَنٜىٰنْ دَسُكٜىٰ تَڢِيَ عَكَنْ حَنْيَرْ دَ بَاتَ دَݣَوْ، سُنَ تَڢِيَ أَ حَنْيَرْ رَعَيِنْ كَنْسُ؞

3نَمِيڧَ حَنُّوَنْ ثٜىٰتُواْنَ غَ مُتَنٜىٰنْ دَ سُكَ ڟُواْكَنٜىٰنِ كُلُّمْ، سُنَيِنْ هَدَايَ إِرِ تَأَرْنَ أَغُواْنَكِنٜىٰ، سُنَ ڧُواْنَ تُرَارٜىٰ عَكَنْ بَغَدٜىٰنْ أَرْنَ،

4غَ مُتَنٜىٰنْ دَ سُكَ شِغَ كُواْغُواْ دَ كَبَرِ دُواْمِنْ يِنْ مَغَنَ دَ رُوحُواْحِنْ مَتَتُّو، غَ مُتَنٜىٰنْ دَسُكٜىٰ ثِنْ نَامَنْ أَلَدٜىٰ، مَاسُ دَڢَ ڧَظَامَنْ نَامَ عَتُݣُونٜىٰنْسُ،

5غَ مُتَنٜىٰنْ دَسُكٜىٰثٜىٰوَ ‹كَدَ كَذُواْ كُسَ، كَيِ نٜىٰسَ دَنِے غَمَا أَنْكٜىٰٻٜىٰنِ دَ ڟَرْكِے؞› إِرِنْ مُتَنٜىٰنَّنْ كَمَرْ هَيَاڧِے مَيْ وَرِ نٜىٰ أَهَنْثِنَ، سُنْسَا ڢُشِنَ يَيِتَثِ كَمَرْ وُتَا دُكَنْ يِنِ؞

6غَاشِ، أَرُبُوثٜىٰ يَكٜىٰ أَغَبَنَ، بَذَنْيِ شِضُ بَ، عَمَّا ذَنْ سَاكَ مُسُ؞ ذَنْ كُوَ سَاكَ مُسُ سُواْسَيْ

7سَبُواْدَ لَيْڢُواْڢِنْسُ دَ لَيْڢُواْڢِنْ كَاكَنِّنْسُ؞ نِے يَهْوٜىٰهْ نَا ڢَطَا؞ سُكَ ڧُواْنَ تُرَارٜىٰ عَكَنْ مَنْيَنْ تُدَّيْ، سُكَيِ أَيُّكَنْ كُنْيَا عَكَنْ تُدَّيْ؞ سَبُواْدَ حَكَ ذَنْ سَاكَ مُسُ سُواْسَيْ سَبُواْدَ أَبُبُوَنْ دَ سُكَيِ مِنِ؞

8نِے يَهْوٜىٰهْ نَا ڢَطَا؞ تُنْدَيَكٜىٰ عَثِكِنْ ڧُنْشِنْ یَیَنْ إِنَبِے أَݣَويْ یَیَ مَاسُ ݣَوْ، بَذَاعَ ظُبَرْدَ ڧُنْشِنْ طُنْ‌غُمْبَ، غَمَا أَݣَويْ أَلْبَرْكَ عَثِكِ؞ حَكَكُمَ تُنْدَيَكٜىٰ عَثِكِنْ جَمَعَتَ أَݣَويْ بَايِ مَاسُ أَمِنْثِ، بَذَنْ هَلَّكَ جَمَعَ دُكَبَ؞

9دَغَ ثِكِنْ يَعْڧُوبَ، ذَنْتَادَ ذُرِيَ، دَغَ يَهُودَ كُمَ وَطَنْدَ ذَاسُ غَاجِ ڧَسَرْ تُدَّيْنَ؞ مُتَنٜىٰنْدَ نَذَاٻَا ذَاسُ غَاجِ وُرِنْ، بَايِنَ كُمَ ذَاسُ كَسَنْثٜىٰ عَڧَسَرْ؞

10ڢِيلِنْ شَرُوانْ ذَيْ ذَمَ وُرِنْ كِيوُانْ تُمَكِ، ݣُورِنْ عَكُوارْ ذَيْ ذَمَ وُرِنْ هُوتَوَارْ غَرْكٜىٰ، دُواْمِنْ مُتَنٜىٰنَ وَطَنْدَ سُكٜىٰيِ مِنِ سُجَّدَ؞

11«عَمَّا كُو دَ كُكَڧِ يَهْوٜىٰهْ ، كُكَ مَنْتَادَ بَبَّنْ تُدُنَ مَيْ ڟَرْكِے، كُكَ شِرْيَ تٜىٰبُرْ دُواْمِنْ غُنْكِنَّنْ وَدَتَ، كُكَيِ هَدَايَ تَشَا غَ غُنْكِنَّنْ ڧَدَّرَ، غَ أَبِنْدَ ذَنْيِ مُكُ؞

12ڧَدَّرَرْدَ نَيِ مُكُ عِتَثٜىٰ مُتُوَ تَتَكُواْبِے، دُكَنْكُ ذَاكُ مِيڧَ وُيَ غَ تَكُواْبِے، غَمَا سَعَدَّ نَيِ كِرَا، بَكُ أَمْسَبَ، دَ نَيِ مَغَنَ، بَكُجِبَ؞ عَمَّا كُكَ عَيْكَتَ مُغُنْتَا أَعِدُواْنَ، كُكَ ذَاٻَا كُيِ أَبِنْدَ بَنْجِ دَاطِنْسَبَ؞»

13«سَبُواْدَ حَكَ،» إِنْجِ عُبَنْ‌غِجِ يَهْوٜىٰهْ ، «بَايِنَ ذَاسُثِ، عَمَّا كُو ذَاكُ ذَوْنَ دَ يُنْوَ؞ بَايِنَ ذَاسُ شَا، عَمَّا كُو ذَاكُ ذَوْنَ دَ ڧِشِ؞ بَايِنَ ذَاسُيِ ڢَضٍ ثِكِ، عَمَّا كُو ذَاكُشَا كُنْيَا؞

14بَايِنَ ذَاسُ رٜىٰرَ وَاڧَا دُواْمِنْ ڢَضٍ ثِكِ أَ ذُوثِيَارْسُ، عَمَّا كُو ذَاكُيِ كُوكَا دُواْمِنْ بَڧِنْ ثِكِنْ ذُوثِيَارْكُ دَ كُمَ ٻَثِنْ رَنْكُ؞

15عِ، نِے عُبَنْ‌غِجِ يَهْوٜىٰهْ ذَنْ كَشٜىٰكُ، مُتَنٜىٰنْدَ نَذَاٻَا ذَاسُ مُواْضِ سُونَيٜىٰنْكُ وَجٜىٰنْ لَعَنْتَرْوَ، عَمَّا غَ بَايِنَ ذَاعَ بَاسُ سَابُوانْ سُونَ؞

16دُكْ وَنْدَ يَضُواْڧِ أَلْبَرْكَ عَڧَسَرْ ذَيْسَا أَلْبَرْكَ دَ سُونَنْ اللَّهْ مَيْ أَمِنْثِ؞ وَنْدَ كُمَ يَيِ ضَنْڟُوَا عَڧَسَرْ، ذَيْ يِ ضَنْڟُوَا دَ سُونَنْ اللَّهْ مَيْ أَمِنْثِ؞ غَمَا أَنْمَنْتَادَ دَامُوُاْيِ نَدَا، سُنَ عَٻُواْيٜىٰ دَغَ عِدَنُونَ؞»

17إِنْجِ يَهْوٜىٰهْ ، «غَاشِ، إِنَ حَلِتَّرْ سَابُوَرْ سَمَ دَ سَابُوَرْ ڧَسَا! بَذَاعَ سَاكٜىٰ تُنَاوَا دَ أَبُبُوَنْ دَابَ، تُنَانِنْسُ مَا بَذَيْذُواْ وَمُتَنٜىٰبَ؞

18عَمَّا كُيِ مُرْنَ دَ ڢَضٍ ثِكِ حَرْ أَبَدَا عَكَنْ أَبِنْدَ نَكٜىٰ حَلِتَّرْسَ، غَمَا ذَنْ حَلِثِّ عُرُوشَلِيمَ تَذَمَ أَبِنْ ڢَضٍ ثِكِ، جَمَعَتَ كُمَ سُذَمَ أَبِنْ ڢَرَنْتَ مِنِ رَيْ؞

19ذَنْيِ ڢَضٍ ثِكِ عَكَنْ عُرُوشَلِيمَ، إِنْجِ دَاطِے عَكَنْ مُتَنٜىٰنَ؞ بَذَاعَ سَاكٜىٰ جِنْ مُرْيَرْ كُوكَا أَوُرِنْبَ، كُواْ ڧَارَرْ كُوكَنْ عَذَابَ عَثِكِ؞

20عَݣُونَكِنْنَنْ، بَذَاعَ سَاكٜىٰ سَامُنْ جَرِرِ وَنْدَ ذَيْ رَايُ نَیَنْ ݣُونَكِے كَوَيْبَ، كُواْ أَ سَامِ ڟُواْهُوانْ دَ بَيْ ثِكَ شٜىٰكَرُنْسَبَ؞ غَمَا وَنْدَ يَمُتُ يَنَدَ شٜىٰكَرَا طَرِے، ذَاعَ ثٜىٰ دَشِ مَتَاشِينٜىٰ، وَنْدَ كُمَ يَمُتُ بَيْ كَيْ شٜىٰكَرَا طَرِے بَ، ذَاعَ ثٜىٰ دَشِ لَعَنَنّٜىٰ نٜىٰ؞

21عَݣُونَكِنْنَنْ، مُتَنٜىٰ ذَاسُ غِنَا غِدَاجٜىٰ، سُذَوْنَ عَثِكِنْسُ، ذَاسُ شُوكَ غُواْنَكِنْ إِنَبِے، سُثِ أَمْڢَانِنْسُ؞

22بَذَاسُيِ غِنِ، وَنِ يَذَوْنَ عَثِكِ بَ، بَذَاسُ شُوكَ غُواْنَكِ، وَنِ يَثِ أَمْڢَانِنْ بَ؞ غَمَا كَمَرْ يَدَّ يَوَنْ شٜىٰكَرُنْ إِتَاثٜىٰ سُكٜىٰ، حَكَ يَوَنْ شٜىٰكَرُنْ مُتَنٜىٰنَ ذَاسُ كَسَنْثٜىٰ؞ مُتَنٜىٰنَ دَ نَذَاٻَا ذَاسُ دَطٜىٰ سُنَ جِنْ دَاطِنْ عَيْكِنْ حَنُّوَنْسُ؞

23بَذَاسُيِ عَيْكِ عَبَنْظَ بَ، كُواْ سُحَيْڢِ یَیَ دُواْمِنْ سُشَا عَذَابَبَ؞ غَمَا ذَاسُ ذَمَ ذُرِيَرْ دَ نِے يَهْوٜىٰهْ نَسَا مُسُ أَلْبَرْكَ، سُو دَ جِيكُواْكِنْسُ كُمَ؞

24كَاڢِنْ سُيِ كِرَا، ذَنْ أَمْسَ مُسُ، تُنْ سُنَ ثِكِنْ مَغَنَ، ذَنْجِيسُ؞

25ݣَرْكٜىٰثِ دَ طَنْ ضَغُواْ ذَاسُثِ عَبِنْثِ تَرٜىٰ، ذَاكِ ذَيْثِ ثِيَوَ كَمَرْ سَانِيَ، عَمَّا مَثِيجِ، عَبِنْثِنْسَ ڧُورَرْ ڧَسَا نٜىٰ كَوَيْ؞ بَابُ أَبِنْدَ ذَيْ ثُوتَرْ كُواْ يَهَلَّكَ وَنِ، عَكَنْ دُكَنْ سِهِيُواْنَ تُدُنَ مَيْ ڟَرْكِے؞ نِے يَهْوٜىٰهْ نَا ڢَطَا؞»

← Chapter 64 Jump to: Chapter 66 →