Isaiah 59

Hausa Arabic 2020 (أَتَّوْرَتْ دَ أَنَّبَاوَا)

← Chapter 58 Jump to: Chapter 60 →

1غَاشِ، حَنُّنْ يَهْوٜىٰهْ بَيْ كَاسَبَ، حَرْ دَ بَذَيْ عِيَ مِيڧَشِ يَيِ ثٜىٰتُواْبَ؞ كُنّٜىٰنْسَ كُمَ بَيْ تُواْشٜىٰ بَ، حَرْ دَ بَذَيْ عِيَ جِبَ؞

2عَمَّا لَيْڢُواْڢِنْكُ كَمَرْ بَنْ‌غُواْ نٜىٰ ڟَكَانِنْكُ دَ اللَّهْ نْكُ؞ ذُنُبَنْكُ نٜىٰ يَسَا يَٻُواْيٜىٰ ڢُسْكَرْسَ دَغَ غَرٜىٰكُ، دُواْمِنْ كَدَ يَجِيكُ؞

3غَمَا حَنُّوَنْكُ سُنْ ڧَظَنْتُ دَ جِنِ، يَڟُنْكُ كُمَ سُنْ جِڧُ دَ لَيْڢُواْڢِ؞ بَاكِنْكُ يَنَ ڢَطِنْ ڧَضْيَا، هَرْشٜىٰنْكُ كُمَ يَنَ ڢَطِنْ مُغُنْتَا؞

4بَابُ مَيْ نٜىٰمَنْ شَرِيعَرْ غَسْكِيَ، كُواْ مَيْ سُوانْ بِنْ غَسْكِيَ عَكُواْتُ؞ سُنَ دُواْغَضَ عَكَنْ مَغَنْ‌غَنُنْ بَنْظَ، سُنَ ڢَطِنْ ڧَضْيَا، سُنَ طَوْكَرْ ثِكِ نَمُغُنْتَا سُنَ حَيْڢَرْ دَ ذُنُوبِ؞

5سُنَ ڨَنْڨَاشٜىٰ ڨُويْ نَمَثِيجِ، سُنَ سَاڧَ دَ سَاڧَرْ غِذُواْ؞ دُكْ وَنْدَ يَثِ ڨُويْ طِنَّنْ ذَيْ مُتُ، دَ عَكَ ڢَشٜىٰ ڨُويْ، سَيْ مُوغُنْ مَثِيجِ يَڢِتُواْ؞

6سَاڧَرْسُ نَغِذُواْ، بَذَاتَ عِيَ ذَمَ رِغَا بَ، بَذَاسُ عِيَ رُڢٜىٰ جِكِنْسُ دَ أَبِنْدَ سُكَيِبَ؞ أَيُّكَنْسُ أَيُّكَنْ مُغُنْتَا نٜىٰ، عَيْكِنْ حَنُّوَنْسُ، عَيْكِنْ تَاشِنْ حَنْكَلِ نٜىٰ؞

7ڧَڢَاڢُنْسُ سُنَ سَوْرِنْ ذُوَا عَيْكَتَ مُغُنْتَا، سُنَ سَوْرِنْ ظُبْدَ جِنِنْ مَرَسَ لَيْڢِے؞ تُنَانِنْسُ نَذُنُوبِ نٜىٰ كَوَيْ، لَلَتَرْوَ دَ هَلَّكَرْوَ سُنْثِكَ هَنْيُواْيِنْسُ؞

8بَ سُسَنْ حَنْيَرْ سَلَمَ بَ، بَابُ شَرِيعَرْ غَسْكِيَ أَ هَنْيُواْيِنْسُ؞ سُنْ مَيْدَ هَنْيُواْيِنْسُ ݣُونَ ݣُونَ، دُكْ وَنْدَ يَيِ تَڢِيَ أَ هَنْيُواْيِنْسُ، ذَيْ رَبُ دَ سَلَمَ؞

9مُتَنٜىٰ سُنَ ثٜىٰوَ «دُواْمِنْ حَكَ غَسْكِيَ تَيِ نٜىٰسَ دَمُو، أَدَلْثِے بَيْ كَيْ وُرِنْمُبَ؞ مُنَ نٜىٰمَنْ حَصْكٜىٰ، سَيْغَا دُهُ، مُنَ نٜىٰمَنْ حَصْكَكَاوَا، سَيْغَا مُو مُنَ تَڢِيَ ثِكِنْ بَڧِنْ إِنُوَ؞

10مُنَ تَلَلُبَرْ بَنْ‌غُواْ كَمَرْ مَكَڢِ، مُنَ تَڢِيَ كَمَرْ مَرَسَ إِدَانُو؞ مُنَ تُنْتُٻٜىٰ دَ ڟَكَرْ رَانَ سَيْكَثٜىٰ ثِكِنْ دُهُ، عَثِكِنْ مَاسُ ثِكَكّٜىٰنْ ڧَرْڢِے، مُنْ ذَمَ كَمَرْ غَوَوَّكِ؞

11مُنَ كُوكَا كَمَرْ بٜىٰيَرْ دَ يَجِڟُواْرُواْ، مُنَ كُوكَنْ مَكُواْكِ كَمَرْ كُرْثِيُواْيِ؞ مُنَ نٜىٰمَنْ شَرِيعَرْ غَسْكِيَ، عَمَّا بَابُ، مُنَ نٜىٰمَنْ ثٜىٰتُواْ، عَمَّا يَنَ نٜىٰسَ دَمُو؞

12غَمَا ذُنُبَنْمُ نَغَنْ‌غَنْثِ سُنْيِيَوَ أَغَبَنْكَ، عِ، ذُنُبَنْمُ سُنَ بَادَ شَيْدَرْ غَابَادَمُو؞ أَيْ، ذُنُبَنْمُ سُنَ تَرٜىٰدَمُو، مُنَ كُمَ سَنٜىٰ دَ لَيْڢُواْڢِنْمُ؞

13ذُنُبَنْمُ سُونٜىٰ مُسُونْ يَهْوٜىٰهْ ، دَ جُويَا وَ يَهْوٜىٰهْ بَايَ، دَ شِرْيَ دَنِّيَ دَ تَاوَيٜىٰ، دَ ڢَطِنْ ڧَضْيَارْ دَ عَكَ شِرْيَ أَ ذُوثِيَا؞

14يِنْ غَسْكِيَ ثِكِنْ شَرِيعَ، أَنْتُورَ أَغٜىٰڢٜىٰ، أَدَلْثِے كُمَ يَڟَيَ دَنِيسَ؞ غَمَا غَسْكِيَ تَٻَثٜىٰ أَعِدُوانْ جَمَعَ، يِنْ غَسْكِيَ أَ ظُوثِ يَكَاسَ سَامُنْ شِغَ؞

15بَابُ غَسْكِيَ، دُكْ وَنْدَ يَڧِ مُغُنْتَا يَذَمَ كَمَرْ أَبِنْ ثِنْيٜىٰوَ غَ مَڨُوبْتَنْسَ؞» يَهْوٜىٰهْ يَغَنِ، بَيْ كُوَجِ دَاطِے بَ سَبُواْدَ بَابُ غَسْكِيَ؞

16يَهْوٜىٰهْ يَا غَ بَابُ مُتُمِنْ دَ ذَيْبَادَ تَيْمَكُواْ؞ يَيِ بَڧِنْ ثِكِ يَدَّ بَابُ مَيْسَا حَنُّ؞ سَيْ شِ دَ إِيكُوانْ كَنْسَ يَسَا حَنُّ يَكَٰوُاْ نَصَرَا، أَدَلْثِنْسَ كُمَ يَغُواْيِ بَايَنْسَ؞

17يَهْوٜىٰهْ يَا سَنْيَ أَدَلْثِے كَمَرْ رِغَرْ ڧَرْڢٜىٰ تَيَاڧِ، ثٜىٰتُواْ كُمَ يَذَمَ هُولَرْ ݣُونُواْ عَكَنْسَ؞ يَسَ رِيغُنَنْ رَامُوَا نَيَاڧِ، يَرُڢٜىٰ جِكِنْسَ دَ رِغَرْ ڨُوذُواْ؞

18بِسَغَ أَيُّكَنْ أَبُواْكَنْ غَابَنْسَ، حَكَ ذَيْسَاكَ مُسُ؞ دَ ڢُشِے ذَيْ رَامَ عَكَنْ مَاسُ غَابَادَشِ، دَ كُمَ عَكَنْ يَنْكُنَنْ بَاكِنْ تٜىٰكُ؞

19مُتَنٜىٰنْ دَسُكٜىٰ عَڧَسَرْ يَمَّ ذَاسُ جِڟُواْرُوانْ سُونَنْ يَهْوٜىٰهْ ؞ مُتَنٜىٰنْ دَسُكٜىٰ عَڧَسَرْ غَبَسْ ذَاسُ كُمَجِڟُواْرُوانْ طَوْكَكَرْسَ؞ غَمَا ذَيْذُواْ كَمَرْ رَاڢِ مَيْ ڟَنَنِنْ غُدُ، وَنْدَ إِسْكَرْ يَهْوٜىٰهْ تَكٜىٰ هُورَاوَ؞

20ذَيْذُواْ غَ سِهِيُواْنَ أَمَڟَيِنْ مَيْ ڢَنْسَ، يَذُواْ وَ ذُرِيَرْ يَعْڧُوبَ دُواْمِنْ وَطَنْدَ سُكَ جُويُواْ دَغَ ذُنُبَنْسُ؞

21إِنْجِ يَهْوٜىٰهْ «أَغَرٜىٰنِ، وَنَّنْ نٜىٰ يَرْجٜىٰجٜىٰنِيَتَ دَسُو؞ رُوحُنَ وَنْدَ يَكٜىٰ تَرٜىٰدَكُو دَ مَغَنَاتَ وَدَّ نَسَا بَاكِنْكُ، بَذَاسُ رَبُ دَكُوبَ، كُواْ كُوَ سُرَبُ دَغَ بَاكِنْ ذُرِيَرْكُ، كُواْ جِيكُواْكِنْ ذُرِيَرْكُ دَغَ يَنْذُ حَرْ أَبَدَا؞ نِے يَهْوٜىٰهْ نَا ڢَطَا؞»

← Chapter 58 Jump to: Chapter 60 →