Isaiah 64

Hausa Arabic 2020 (أَتَّوْرَتْ دَ أَنَّبَاوَا)

← Chapter 63 Jump to: Chapter 65 →

1يَا يَهْوٜىٰهْ ، كَڟَٰغَ سَرَرِنْ سَمَّيْ! كَسَوْكُواْ كَسَا مَنْيَنْ تُدَّيْ سُغِرْغِظَ سَبُواْدَ ڟُواْرُوانْ كَسَنْثٜىٰوَرْكَ؞

2كَمَرْ يَدَّ وُتَا تَكَنْ كَمَ ثِيَوَ، بَرِ كَسَا أَلْعُمَّيْ سُيِ ضَوَرْ جِكِے سَبُواْدَ ڟُواْرُوانْ كَسَنْثٜىٰوَرْكَ! كَمَرْ يَدَّ وُتَا تَكَنْ سَا ضُوَ يَتَڢَسَ، بَرِ كَسَا مَاسُ ڧِنْكَ سُسَنْ إِيكُوانْ سُونَنْكَ!

3سَعَدَّ كَسَوْكُواْ أَ زَامَانِنْ دَا، كَيِ أَيُّكَنْ بَنْ مَامَاكِ، مَنْيَنْ تُدَّيْ سُنْيِ ضَوَرْ جِكِے سَبُواْدَ ڟُواْرُوانْ كَسَنْثٜىٰوَرْكَ، لُواْكَثِنْدَ كَيِ أَبُبُوَنْ دَ بَمُسَا ڟَمَّنِبَ؞

4غَمَا تُنْدَغَ زَامَانِنْ دَا، بَاوَنْدَ يَتَٻَ غَنِ، كُواْ يَتَٻَ جِنْ لَابَرِنْ وَنِ اللَّهْ كَمَرْكَ، وَنْدَ يَكٜىٰ عَيْكَتَ أَيُّكَنْ بَنْ مَامَاكِ سَبُواْدَ وَطَنْدَ سُكٜىٰ سَا ذُوثِيَا غَرٜىٰشِ؞

5كَكَنْ كَرْٻِ وَنْدَ يَكٜىٰ جِنْ دَاطِنْ عَيْكَتَ أَدَلْثِے، وَنْدَ يَكٜىٰ تُنَ دَ يَدَّ ذَيْبِے حَنْيَرْكَ؞ غَاشِ، كَيِ ڢُشِے سَبُواْدَ مُنْيِ ذُنُوبِ، مُنْ دَطٜىٰ مُنَ عَيْكَتَ ذُنُوبِ؞ تُواْ، يَيَ ذَاعَ ثٜىٰثٜىٰمُ؟

6دُكَنْمُ كَمَرْ وَنْدَ يَڧَظَنْتُ، دُكَنْ أَيُّكَنْمُ نَأَدَلْثِے سُنْ ذَمَ كَمَرْ ڟُمَّ مَيْ ڧَظَنْتَا؞ مُنْ بُوشٜىٰ كَمَرْ بُوسَشّٜىٰنْ غَنْيٜىٰ، لَيْڢُواْڢِنْمُ سُنْ ذَمَ كَمَرْ إِسْكَ مَيْ ڧَرْڢِے وَدَّ تَݣُوشٜىٰمُ تَتَڢِے دَمُو؞

7غَاشِ، بَاوَنْدَ يَكٜىٰ كِرَا غَ سُونَنْكَ، كُواْ يَمِيڧَ حَنُّنْسَ نٜىٰمَنْ تَيْمَكُوانْكَ؞ غَمَا كَا ٻُواْيٜىٰ ڢُسْكَرْكَ دَغَ غَرٜىٰمُ، كَا بَرْ لَيْڢُواْڢِنْمُ سُثِنْيٜىٰمُ؞

8دُكْدَهَكَ كَيْنٜىٰ بَابَنْمُ، يَا يَهْوٜىٰهْ ؞ كَيْ كَمَرْ مَيْ غِنِنْ تُݣُونٜىٰنٜىٰ، مُو نٜىٰ لَكَرْ؞ دُكَنْمُ عَيْكِنْ حَنُّنْكَ نٜىٰ؞

9يَا يَهْوٜىٰهْ ، كَدَ كَيِ ڢُشِے مَيْ ڟَنَنِ دَمُو، كَدَ كَتُنَ دَ لَيْڢُواْڢِنْمُ حَرْ أَبَدَا؞ دُوبٜىٰمُ دَڢُسْكَرْ تَوْسَيِ غَمَا دُكَنْمُ مُتَنٜىٰنْكَنٜىٰ؞

10بِرَنٜىٰنْكَ مَاسُ ڟَرْكِے سُنْ ذَمَ هَمَادَ، سِهِيُواْنَ تَذَمَ دَاجِ، عُرُوشَلِيمَ كُمَ تَذَمَ كُڢَيْ؞

11هَيْكَلِنْمُ مَيْ ڟَرْكِے مَيْ دَرَجَ عِنْدَ كَاكَنِّنْمُ سُكَيِ مَكَ سُجَّدَ، أَنْڧُواْنٜىٰشِ دَ وُتَا ڧُرْمُسْ؞ دُكَنْ وُرَارٜىٰنْمُ مَاسُ بَنْ شَعَوَ سُنْ ذَمَ كُڢَيْ؞

12يَا يَهْوٜىٰهْ ، بَايَنْ دُكَنْ وَنَّنْ، يَيَ ذَاكَ ذَوْنَ عَثَنْ، كَنَ يِنْ شِضُ، كَنَ تَبَامُ وَهَلَ مَيْ ذَاڢِ حَكَ؟

← Chapter 63 Jump to: Chapter 65 →