Isaiah 61

Hausa Arabic 2020 (أَتَّوْرَتْ دَ أَنَّبَاوَا)

← Chapter 60 Jump to: Chapter 62 →

1رُوحٌ عُبَنْ‌غِجِ يَهْوٜىٰهْ يَنَ عَكَيْنَ، دُواْمِنْ يَهْوٜىٰهْ يَا كٜىٰٻٜىٰنِ إِنْيِ شٜىٰلَرْ لَابَرِ مَيْ دَاطِے غَ تَلَكَاوَا، إِنْ وَرْكَرْدَ وَطَنْدَ سُكَ ڢِدَّ ذُوثِيَا، إِنْيِ شٜىٰلَرْ یَنْثِ غَ وَطَنْدَ سُكٜىٰ أَطَوْرٜىٰ، دَ شٜىٰلَرْ سَكٜىٰوَ غَ یَنْ كُرْكُكُ؞

2يَعَيْكٜىٰنِ إِنْيِ شٜىٰلَ ثٜىٰوَ لُواْكَثِنْ سَامُنْ ڢَضٍ جِنِ أَوُرِنْ يَهْوٜىٰهْ يَا يِ، رَانَرْ دَ اللَّهْ نْمُ ذَيْ يِ رَامُوَا تَ إِسُواْ؞ يَعَيْكٜىٰنِ إِنْ تَعَظَنْتَرْدَ دُكَنْ مَاسُ بَڧِنْ ثِكِ،

3إِنْ تَعَظَنْتَرْدَ مَاسُ بَڧِنْ ثِكِ أَ سِهِيُواْنَ، إِنْبَاسُ هُولَرْ ڢَضٍ ثِكِ مَيْ أَدُواْ مَيْمَكُوانْ ظُبَ تُواْكَ عَكَيْ، مَنْ نُونَ مُرْنَ مَيْمَكُوانْ بَڧِنْ ثِكِ، رِغَرْ وَاڧَرْ يَبُواْ مَيْمَكُوانْ ڢِدَّ ذُوثِيَا؞ ذَاسُ كَڢُ ثِكِنْ أَدَلْثِے كَمَرْ إِتَاثٜىٰ مَيْ ڧَرْڢِے، شُوكَرْ دَ يَهْوٜىٰهْ يَيِ دُواْمِنْ عَبَيَّنَ دَرَجَرْسَ؞

4ذَاسُ سَاكٜىٰ غِنَا وُرَارٜىٰنْ دَ عَكَ رُرُّشٜىٰ، عَتَادَ وُرَارٜىٰنْدَ دَا سُنْ ذَمَ كُڢَيْ؞ ذَاسُ ڠَغْڠَرَ بِرَنٜىٰنْدَ دَا عَكَ هَلَّكَرْ، وُرَارٜىٰنْ دَ سُكَ دَطٜىٰ سُنْ ذَمَ كُڢَيْ؞

5يَا جَمَعَتَ، بَاڧِ ذَاسُ بَوْتَا مُكُ، ذَاسُ لُورَ دَ غَرْكُنَنْكُ، ذَاسُ نُواْمَ مُكُ غُواْنَكِنْكُ، سُڠَرَ إِتَاثٜىٰنْكُ نَ إِنَبِے؞

6ذَاعَ ثٜىٰ دَكُو ڢِرِسْتُواْثِے نَ يَهْوٜىٰهْ ، دَ مَاسُ حِدِمَرْ اللَّهْ نْمُ؞ ذَاكُ شَنْيٜىٰ أَرْزِڧِنْ أَلْعُمَّيْ، كَايَنْ طَوْكَكَرْسُ ذَيْ ڢَرَنْتَ مُكُ رَيْ؞

7مَيْمَكُوانْ كُنْيَا، ذَاكُ سَامِ دَرَجَ؞ مَيْمَكُوانْ رٜىٰنِ، ذَاكُيِ ڢَضٍ ثِكِنْ غَادُوانْكُ؞ مَلَّكَرْكُ ذَيْ يَلْوَتَ، ڢَضٍ ثِكِنْكُ كُمَ حَرْ أَبَدَا؞

8«غَمَا نِے يَهْوٜىٰهْ إِنَ ڧَوْنَرْ يِنْ غَسْكِيَ، بَانَ سُوانْ سَاتَادَ رَشِنْ غَسْكِيَ؞ عَثِكِنْ أَمِنْثِنَ، ذَنْبَا جَمَعَتَ لَادَ، ذَنْيِ يَرْجٜىٰجٜىٰنِيَ تَهَرْ أَبَدَا دَسُو؞

9ذَاعَ سَنْ دَ ذُرِيَرْسُ ثِكِنْ أَلْعُمَّيْ، ذَاعَ كُمَ سَنْ دَ یَیَنْسُ ثِكِنْ ڧَبِيلُ؞ دُكْ وَطَنْدَ سُكَ غَنْسُ ذَاسُ سَنِ ثٜىٰوَ سُونٜىٰ مُتَنٜىٰنْ دَ يَهْوٜىٰهْ يَ أَلْبَرْكَثٜىٰسُ؞»

10إِنَ يِنْ ڢَضٍ ثِكِ مَيْ يَوَ سَبُواْدَ أَبِنْدَ يَهْوٜىٰهْ يَيِ، ذُوثِيَاتَ تَنَدَ ڢَضٍ ثِكِ سَبُواْدَ اللَّهْ نَا؞ غَمَا يَسَا مِنِ رِغَرْ ثٜىٰتُواْ، يَرُڢٜىٰنِ دَ رِيغُنَنْ أَدَلْثِے، كَمَرْ يَدَّ أَنْ‌غُواْ يَكَنْيِ أَدُواْ دَ هُولَرْ ڢِرِسْتِ، كَمَرْ يَدَّ أَمَرْيَ تَكَنْيِ أَدُواْ دَ كَايَ مَاسُ وَلْڧِيَ؞

11غَمَا كَمَرْ يَدَّ ڧَسَا تَكَنْسَا إِرِ يَڟِيرَا غُواْنَ كُمَ تَسَا أَبِنْدَ عَكَ شُوكَ يَتُواْهُ، حَكَمَا عُبَنْ‌غِجِ يَهْوٜىٰهْ ذَيْسَا أَدَلْثِے دَ يَبُواْ سُٻُلُّواْ كُواْعِنَ ثِكِنْ أَلْعُمَّيْ؞

← Chapter 60 Jump to: Chapter 62 →