Isaiah 62

Hausa Arabic 2020 (أَتَّوْرَتْ دَ أَنَّبَاوَا)

← Chapter 61 Jump to: Chapter 63 →

1سَبُواْدَ ڧَوْنَتَ غَ سِهِيُواْنَ بَذَنْيِ شِضُ بَ، دُواْمِنْ أَلْبَرْكَثِنْ عُرُوشَلِيمَ بَذَنْ هُوتَ بَ، حَرْ سَيْ أَدَلْثِنْتَ يَبَيَّنَ كَمَرْ حَصْكٜىٰ، ثٜىٰتُوانْتَ مَا يَحَصْكَكَا كَمَرْ ڢِتِلَ دَ دَرٜىٰ؞

2يَا جَمَعَتَ، أَلْعُمَّيْ ذَاسُ غَ أَدَلْثِنْكِ، دُكَنْ سَرَاكُنَ ذَاسُ غَ طَوْكَكَرْكِ؞ ذَاعَكِرَكِ دَ سَابُوانْ سُنَ، سُونَنْ دَ يَهْوٜىٰهْ ذَيْ بَايَرْدَ بَاكِنْسَ؞

3ذَاكِ ذَمَ كَمَرْ هُولَرْ سَرْكِے مَيْ دَرَجَ أَ حَنُّنْ يَهْوٜىٰهْ ، ذَاكِ ذَمَ كَمَرْ هُولَرْ سَرْكِے مَيْ وَلْڧِيَ أَ حَنُّنْ اللَّهْ نْكِ؞

4بَذَاعَ ڧَارَثٜىٰ دَكٜىٰ «يَسَشِّيَ» بَ، كُواْ عَثٜىٰ دَ ڧَسَرْكِے «مَثٜىٰنْ دَ مِجِنْتَ يَرَبُ دَ عِتَ» بَ؞ عَمَّا ذَاعَ ثٜىٰ دَكٜىٰ، «إِنَ جِنْ دَاطِنْتَ»، عَكُمَثٜىٰ دَ ڧَسَرْكِے «أَمَرْيَ»؞ غَمَا يَهْوٜىٰهْ يَنَ جِنْ دَاطِنْكِ، ذَيْ كُوَ عَوْرِ ڧَسَرْكِے تَذَمَ أَمَرْيَرْسَ؞

5كَمَرْ يَدَّ سَوْرَيِ يَكَنْ عَوْرِ بُدُرْوَ، حَكَ مَحَلِثِّنْكِ ذَيْ عَوْرٜىٰكِ؞ كَمَرْ يَدَّ أَنْ‌غُواْ يَكٜىٰ ڢَضٍ ثِكِ عَكَنْ أَمَرْيَرْسَ، حَكَ اللَّهْ نْكِ ذَيْ يِڢَضٍ ثِكِ عَكَنْكِ؞

6يَا كٜىٰ عُرُوشَلِيمَ، عَكَنْ كَتَنْ‌غَرْكِ نَسَا یَنْ سِنْتِرِ سُنَيِنْ غَادِ؞ دُكَنْ دَرٜىٰ دَ دُكَنْ يِنِ بَذَاسُيِ شِضُبَ؞ كُو دَ كُكٜىٰ تُنَشٜىٰ يَهْوٜىٰهْ يَثِكَ أَلْڧَوَرِنْسَ، كَدَ كُبَا كَنْكُ هُوتُ،

7كَدَ كُمَ كُبَا يَهْوٜىٰهْ هُوتُ، حَرْ سَيْ يَكَڢَ عُرُوشَلِيمَ يَسَا تَيِ سُونَ أَدُكَنْ دُونِيَا؞

8يَهْوٜىٰهْ يَا طَغَ حَنُّنْسَ مَيْ إِيكُواْ يَايِ ضَنْڟُوَا، «بَذَنْ سَاكٜىٰ بَ أَبُواْكَنْ غَابَنْكِ حَڟِنْكِ يَذَمَ عَبِنْثِنْسُبَ؞ بَاڧِ بَذَاسُ ڧَارَ شَنْ ضُوً إِنَبِنْكِ وَنْدَ كِكَيِ ڢَامَرْ عَيْكِنْسَبَ؞

9عَمَّا سُو وَطَنْدَ سُكَ شُوكَ حَڟِ، سُونٜىٰ ذَاسُثِ، سُكُمَ يَبِے يَهْوٜىٰهْ ؞ سُو وَطَنْدَ سُكَ غِرْبِے إِنَبِے، سُونٜىٰ ذَاسُ شَا ضُوً إِنَبِنْ عَثِكِنْ ڢِيلِنْ وُرِينَ مَيْ ڟَرْكِے؞»

10يَا كُو بَايِنَ، كُڢِتَ كُوُثٜىٰ تَڧُواْڢُواْڢِنْ بِرْنِ، كُشِرْيَ حَنْيَ دُواْمِنْ مُتَنٜىٰ سُكُواْمَ! كُغِنَ حَنْيَ مَيْݣَوْ كُثِثِّرٜىٰ دُووَڟُنْ، كُطَغَ تُوتَ دُواْمِنْ ڧَبِيلُ سُسَنْ حَنْيَ؞

11غَاشِ، يَهْوٜىٰهْ يَايِ شٜىٰلَ حَرْ إِيَاكَرْ دُونِيَا، عَثٜىٰ وَذُوثِيَارْسَ عُرُوشَلِيمَ، «غَاشِ، يَهْوٜىٰهْ مَيْ ثٜىٰتُوانْكِ يَنَ ذُوَا، غَاشِ، لَادَنْدَ يَسَامُ يَنَ تَرٜىٰ دَشِ، سُو مُتَنٜىٰنْدَ يَثٜىٰثٜىٰسُ؞»

12ذَاعَثٜىٰ دَسُو، جَمَعَرْ مَاسُ ڟَرْكِے، دَ كُمَ مُتَنٜىٰنْ دَ يَهْوٜىٰهْ يَڢَنْسَ؞ ذَاعَكُمَثٜىٰ دَ عُرُوشَلِيمَ، بِرْنِنْ دَ عَكٜىٰسُواْ، بِرْنِنْ دَ بَعَڧِتَبَ؞

← Chapter 61 Jump to: Chapter 63 →