Isaiah 55

Hausa Arabic 2020 (أَتَّوْرَتْ دَ أَنَّبَاوَا)

← Chapter 54 Jump to: Chapter 56 →

1يَهْوٜىٰهْ يَا ثٜىٰ، «دُكْ مَيْ جِنْ ڧِشِنْ ضُوَ، يَذُواْ! ذُواْ غَ ضُوَ أَنَنْ! دُكْ مَرَرْ كُطِ مَا، يَذُواْ يَسَيَ يَثِ! ذُواْ كَسَيِ ضُوً إِنَبِے دَ مَدَرَ، بَاتَرٜىٰدَ كُطِ كُواْ ثِنِكِبَ؞

2دُوانْمٜىٰ كُكٜىٰ كَشٜىٰ كُطِ عَكَنْ أَبِنْدَ بَ عَبِنْثِبَ؟ دُوانْمٜىٰ كُمَ كُنَ كَشٜىٰ كُطِنْ عَيْكِنْكُ عَكَنْ أَبِنْدَ بَيْ بِيَ بُڧَاتَبَ؟ كُجِنِ دَݣَوْ، كُثِ عَبِنْثِ مَيْݣَوْ، كُجِ وَ رَنْكُ دَاطِے دَ عَبِنْثِ مَڢِے ݣَوْ؞

3كُكَسَ كُنّٜىٰنْكُ، كُذُواْ وُرِينَ، كُجِ، ذَاكُ كُمَ رَايُ؞ ذَنْ كُوَيِ يَرْجٜىٰجٜىٰنِيَ تَهَرْ أَبَدَا دَكُو، تَبَّتَاثِّيَرْ ڧَوْنَرْدَ نَيِ وَ دَاوُدَ؞

4غَاشِ، نَسَا دَاوُدَ يَذَمَ شَيْدَ غَ ڧَبِيلُ، يَذَمَ شُوغَبَادَ شُوغَبَنْ يَاڧِ غَ أَلْعُمَّيْ؞

5غَاشِ، ذَاكَ كِرَا أَلْعُمَّنْ دَ بَكَ سَنْسُبَ، أَلْعُمَّنْ دَ بَسُ سَنْكَبَ ذَاسُ غُدُ سُذُواْ وُرِنْكَ؞ ذَاسُيِ حَكَ غَمَا نِے يَهْوٜىٰهْ اللَّهْ نْكَ نٜىٰ، نِے مَيْ ڟَرْكِنَّنْ نَ إِسْرَٰٓءِيلَ، نَاسَا أَغِرْمَمَكَ؞»

6كُنٜىٰمِ يَهْوٜىٰهْ تُنْ أَنَ عِيَ سَامُنْسَ، كُيِ كِرَنْسَ سَعَدَّ يَكٜىٰ كُسَ؞

7بَرِ مَيْ مُغُنْتَا يَبَرْ حَنْيَرْسَ، مَرَرْ أَدَلْثِے كُمَ يَبَرْ تُنَانِنْسَ؞ بَرِ يَكُواْمُواْ غَ يَهْوٜىٰهْ ، شِيكُوَ ذَيْ يِمَسَ جِنْڧَيْ، يَكُواْمُواْ غَ يَهْوٜىٰهْ غَمَا أَشِرْيٜىٰ يَكٜىٰ يَغَاڢَرْثٜىٰ شِ؞

8إِنْجِ يَهْوٜىٰهْ ، «غَمَا تُنَانِنَ بَكَمَرْ تُنَانِنْكُ بَنٜىٰ، أَلْعَمُرَنْكُ كُمَ بَكَمَرْ أَلْعَمُرَانَ بَنٜىٰ؞

9كَمَرْ يَدَّ سَمَّيْ سُكٜىٰ نٜىٰسَ دَ ڧَسَا، حَكَنَنْ أَلْعَمُرَانَ سُكٜىٰ نٜىٰسَ دَ نَاكُ، تُنَانِنَ كُمَ سُكٜىٰ نٜىٰسَ دَ نَاكُ؞

10«مَغَنَتَ كَمَرْ ضُوً سَمَ دَ دُوسَرْ ڧَنْڧَرَ تَكٜىٰ، وَطَنْدَ سُكٜىٰ سَوْكُواْوَ دَغَ سَمَ، كُمَ بَاسَ كُواْمَاوَا سَيْ سُنْ جِڧٜىٰ ڧَسَا؞ سُكَنْ سَا ڧَسَا تَڢِتَرْدَ ڟِرٜىٰ ڟِرٜىٰ، تَبَا وَمَنُواْمِ إِرِ دُوانْ شُوكَ، غَ مَيْ بُڧَاتَ كُمَ أَبِنْدَ ذَيْثِ؞

11حَكَ مَا مَغَنَ دَغَ بَاكِنَ تَكٜىٰ، بَذَاتَ كَاسَ ثِكَ دَلِيلِنْدَ نَ عَيْكٜىٰتَبَ؞ لَلَّيْ ذَاتَ ثِكَ أَبِنْدَ نَكٜىٰ نُڢِ، ذَاتَ يَلْوَتَ ثِكِنْ أَبِنْدَ نَ عَيْكٜىٰتَ تَيِ؞

12«ذَاكُ ڢِتَ ثِكِنْ ڢَضٍ ثِكِ، ذَاعَ بِدَكُو ثِكِنْ سَلَمَ؞ تُدَّيْ دَ مَنْيَنْ تُدَّيْ ذَاسُ ٻَرْكٜىٰ دَ وَاڧَا تَرٜىٰدَكُو، دُكَنْ عِتَتُوَ ذَاسُ بُغَ حَنُّ دُواْمِنْ مُرْنَ!

13مَيْمَكُوانْ ڧَيَ، إِتَاثٜىٰنْ سٜىٰدَ ذَيْ تُواْهُ، مَيْمَكُوانْ إِتَاثٜىٰنْ وُتَا وُتَا، إِتَاثٜىٰنْ مُرْتِلْ ذَيْڢِتُواْ؞ وَنَّنْ دُكَ ذَيْ ذَمَ شَيْدَ غَ عَيْكِنْ دَ نِے يَهْوٜىٰهْ نَيِ، عَلَمَ ثٜىٰ دَ ذَاتَ كَسَنْثٜىٰ حَرْ أَبَدَا؞»

← Chapter 54 Jump to: Chapter 56 →