Isaiah 50

Hausa Arabic 2020 (أَتَّوْرَتْ دَ أَنَّبَاوَا)

← Chapter 49 Jump to: Chapter 51 →

1إِنْجِ يَهْوٜىٰهْ ، «عِدَنْ كُنَ ڟَمَّنِ نَا كُواْرِ مُتَنٜىٰنَ كَمَرْ يَدَّ مُتُمْ يَكَنْ سَكِ مَاتَرْسَ، تُواْ، إِنَا تَكَرْدَرْ سَكِنْ عَوْرٜىٰنْدَ نَبَاتَ؟ عِدَنْ كُنَ ڟَمَّنِ نَا سَيَرْ دَكُو یَیَنَ غَ مَيْبِنَ بَاشِ، تُواْ، إِنَا يَكٜىٰ؟ أَعَ، كُنْ تَڢِے بَوْتَا سَبُواْدَ لَيْڢُواْڢِنْكُنٜىٰ، سَبُواْدَ ذُنُبَنْكُ نَغَنْ‌غَنْثِنٜىٰ أَنْكَوَرْدَ مَامَرْكُ؞

2دُوانْمٜىٰ بَابُ مُتُمْ أَوُرِنْ، سَعَدَّ نَذُواْ إِنْكُٻُتَرْ دَكُو؟ دُوانْمٜىٰ بَابُ مُتُمِنْدَ يَأَمْسَ، سَعَدَّ نَيِ كِرَا؟ هَنُّونَ يَكَاسَ نٜىٰ دَ بَذَيْ عِيَ ڢَنْسَبَ؟ كُواْ كُوَ بَ نِے دَ إِيكُواْ إِنْكُٻُتَرْ دَكُو نٜىٰ؟ دَ عُمَرْنِنَ نَا سَا تٜىٰكُ تَبُوشٜىٰ، نَامَيْدَ رَاڢُڢُّكَ سُكَ ذَمَ هَمَادَ؞ كِڢَيٜىٰ عَثِكِنْسُ سُكَ مُتُ سُنَ وَرِ سَبُواْدَ رَشِنْ ضُوَ؞

3إِنَدَ إِيكُواْ إِنْمَيْدَ سَرَرِنْ سَمَ دُهُ، كَمَرْ بَڧَڧٜىٰنْ رِيغُنَنْ نُونَ بَڧِنْ ثِكِ؞»

4عُبَنْ‌غِجِ يَهْوٜىٰهْ يَبَانِ هَرْشٜىٰنْ أَلْمَجِرِنْ دَ عَكَ هُواْرَرْ، دُواْمِنْ إِنْ سَنْ يَدَّ ذَنْ ڧَرْڢَڢَ مَرَرْ ڧَرْڢِے دَ مَغَنَ؞ كُواْوَثٜىٰ سَاڢِيَ يَكَنْ تَاشٜىٰنِ، يَكَنْ تَاشٜىٰنِ تَمَغَنَ عَكُنّٜىٰنَ دُواْمِنْ إِنْجِ كَمَرْ أَلْمَجِرِنْ دَ عَكَهُواْرَرْ؞

5عُبَنْ‌غِجِ يَهْوٜىٰهْ يَبُوطٜىٰ كُنّٜىٰنَ، بَنْ كُوَيِ مَسَ تَاوَيٜىٰ كُواْ إِنْ جُويَا إِنْ رَبُ دَشِيبَ؞

6نَبَادَ بَايَنَ غَ مَاسُ دُوكَنَ، نَبَادَ كُمَتُنَ غَ مَاسُ جَنْ غٜىٰمُنَ؞ بَنْ ٻُواْيٜىٰ ڢُسْكَتَ دَغَ ذَاغِ دَ كُمَ تُواْڢَوَرْ مِيَوْبَ؞

7سَبُواْدَ عُبَنْ‌غِجِ يَهْوٜىٰهْ يَنَ تَيْمَكُواْنَ، شِے يَسَا بَعَڧَسْڧَنْتَرْ دَنِے بَ؞ سَبُواْدَ تَيْمَكُوانْسَ، نَسَا كَيْ، نَسَنِ بَذَنْ شَا كُنْيَابَ؞

8مَيْ تَبَّتَرْ نِے مَرَرْ لَيْڢِے نٜىٰ يَنَ كُسَ؞ وَ ذَيْ عِيَ كَٰوُاْ ڧَارَ عَكَيْنَ؟ بَرِ مُڟَيَ مُڢُسْكَنْثِ جُونَ! وَنٜىٰنٜىٰ أَبُواْكِنْ غَابَنَ؟ سَيْ يَمَڟُواْ كُسَ مُجِ؞

9حَڧِيڧَ، عُبَنْ‌غِجِ يَهْوٜىٰهْ يَنَ تَيْمَكُواْنَ؞ وَ ذَيْ عِيَ ثٜىٰوَ نِے مَيْ لَيْڢِے نٜىٰ؟ لَلَّيْ مَاسُ زَرْغِنَ ذَاسُ ڟُوڢَ كَمَرْ رِغَا، ذَاسُ شُوطٜىٰ كَمَرْ رِغَرْ دَ غَضَ سُكَ ثِنْيٜىٰ؞

10وَنٜىٰنٜىٰ عَثِكِنْكُ يَكٜىٰ ڟُواْرُوانْ يَهْوٜىٰهْ ، يَنَ كُمَ بِيَيَّ دَ مَغَنَرْ بَاوَنْسَ؟ كُواْدَيَكٜىٰ يَنَ تَڢِيَ ثِكِنْ دُهُ، كُمَ بَابُ حَصْكٜىٰ، دُكْدَهَكَ، بَرِ يَدُواْغَرَ غَ سُونَنْ يَهْوٜىٰهْ ، يَسَا ذُوثِيَا غَ اللَّهْ نْسَ؞

11حَڧِيڧَ، كُو دَ كُكٜىٰ هُورَ وُتَا، كُنَ تَنَدَ وَكَنْكُ حَصْكٜىٰنْ ڢِتِلُ، سَيْ كُيِ تَڢِيَ ثِكِنْ حَصْكٜىٰنْ وُتَرْكُ، دَ نَڢِتِلُنْ دَ كُكَ كُنَّ؞ غَا أَبِنْدَ ذَنْيِ مُكُ دَ هَنُّونَ، ذَاكُ ݣُونْتَ ثِكِنْ عَذَابَ؞

← Chapter 49 Jump to: Chapter 51 →