Isaiah 58

Hausa Arabic 2020 (أَتَّوْرَتْ دَ أَنَّبَاوَا)

← Chapter 57 Jump to: Chapter 59 →

1إِنْجِ يَهْوٜىٰهْ ، «طَغَ مُرْيَ دَ ڧَرْڢِے كَيِ إِيهُ! طَغَ مُرْيَ كَمَرْ ڧَارَرْ بُوسَرْ ڧَهُواْ! يِوَمُتَنٜىٰنَ شٜىٰلَرْ ذُنُبَنْسُ نَغَنْ‌غَنْثِ، ڢَطَا وَظُرِيَرْ يَعْڧُوبَ ذُنُبَنْسُ؞

2كُواْوَثٜىٰ رَانَ سُنَ تَنٜىٰمَنَ، سُنَيِنْ كَمَرْ سُنَ مَرْمَرِنْ سَنِنْ حَنْيَتَ، سُنَيِنْ كَمَرْ سُو جَمَعَثٜىٰ مَيْ عَيْكَتَ أَدَلْثِے، كَمَرْ سُو جَمَعَثٜىٰ وَدَّ تَكٜىٰبِنْ عُمَرْنَنْ اللَّهْ نْسُ؞ سُنَ ضُواْڧُواْ إِنْيِ مُسُ شَرِيعَرْ غَسْكِيَ، كَمَرْ سُنَ مَرْمَرِنْ اللَّهْ يَذُواْ كُسَدَسُو؞»

3مُتَنٜىٰ سُكَنْثٜىٰ، «مُكَيِ أَظُمِ، مٜىٰيَسَا يَهْوٜىٰهْ بَيْ غَنِبَ؟ مُكَ بَ وَ جِكِنْمُ عَذَابَ، مٜىٰيَسَا بَيْ كُلَبَ؟» يَهْوٜىٰهْ يَأَمْسَ مُسُ يَثٜىٰ، «غَاشِ، أَ رَانَرْ أَظُمِنْكُ كُكَنْيِ تَبِنْ جِنْ دَاطِنْكُنٜىٰ، كُنَ تَثُوتَرْ مَاسُ يِمُكُ عَيْكِ؞

4غَاشِ، أَظُمِنْكُ يَكَنْ حَيْڢَرْ دَ غَرْدَمَ دَ ڢَطَ دَ دَمْبٜىٰ؞ إِرِنْ أَظُمِنْ دَ كُكٜىٰيِ عَيَوْ، بَذَيْسَا أَجِ مُرْيَرْكُ أَ سَمَبَ؞

5أَغَنِنْكُ، إِرِنْ وَنَّنْ أَظُمِ نٜىٰ نَكٜىٰسُواْ؟ وَتُواْ، رَانَ طَيَ مُتُمْ يَبَا وَ جِكِنْسَ عَذَابَ، كُواْ يَسُنْكُيَرْدَ كَنْسَ كَمَرْ غَنْيٜىٰنْ ثِيَوَ، كُواْ يَشَشَاڢَ وَكَنْسَ تُواْكَ؟ ذَاعَ ثٜىٰ دَ وَنَّنْ أَظُمِ نٜىٰ؟ كُواْ رَانَ ثٜىٰ وَدَّ يَهْوٜىٰهْ ذَيْ كَرْٻَ؟

6«أَعَ؞ غَا إِرِنْ أَظُمِنْ دَ نَكٜىٰسُواْ كُيِ، كُسَكِ وَطَنْدَ عَكَ طَوْرٜىٰ ثِكِنْ رَشِنْ غَسْكِيَ، كُكُنْثٜىٰ إِغِيُواْيِنْ غُنْ‌غُمٜىٰنْ دَنِّيَ، كُیَنْتَرْدَ وَطَنْدَ عَكَيِ مُسُ دَنِّيَ، كُطَوْكٜىٰ غُنْ‌غُمٜىٰنْ دَنِّيَ دَغَ كَنْ مُتَنٜىٰ؞

7أَظُمِنْ دَ نَكٜىٰسُواْ كُيِ شِينٜىٰ، كُرَبَ عَبِنْثِنْكُ دَ مَيْ يُنْوَ، كُشِغُواْ دَ مَتَلَوْثِ مَرَرْ غِدَا عَثِكِنْ غِدَاجٜىٰنْكُ؞ عِدَنْ كُنْ غَ وَنْدَ يَكٜىٰ ڟِرَرَ، كُسَا مَسَ رِغَا، كَدَ كُمَ كُغُجٜىٰ وَیَنْعُوَنْكُ؞

8تَيِنْ حَكَ حَصْكٜىٰنْكُ ذَيْ ٻُلُّواْ كَمَرْ ٻُلُّواْوَرْ حَصْكٜىٰنْ رَانَ دَ سَڢٜىٰ، وَرْكٜىٰوَرْكُ ذَاتَذُواْ مُكُ دَ سَوْرِ؞ مَيْ أَدَلْثِنْكُ ذَيْ وُثٜىٰ غَبَنْكُ، طَوْكَكَرْ يَهْوٜىٰهْ ذَاتَ كِيَايٜىٰكُ تَكُواْوَنٜىٰ غٜىٰڢٜىٰ؞

9ذَاكُيِ كِرَا، نِے يَهْوٜىٰهْ ذَنْ أَمْسَ، ذَاكُيِ كُوكَنْ نٜىٰمَنْ تَيْمَكُواْ، ذَنْ كُوَثٜىٰ، ‹غَا نِنَنْ؞› عِدَنْ كُكَ دَيْنَ يِنْ دَنِّيَ، كُكَ بَرْ زَرْغِنْ جُونَ دَ يِنْ بَڧَرْ مَغَنَ،

10عِدَنْ كُكَ رَبَ عَبِنْثِنْكُ دَ مَاسُ جِنْ يُنْوَ، كُكَبِيَ بُڧَاتَرْ مَاسُ شَنْ وُيَ، تُواْ، حَصْكٜىٰنْكُ ذَيْ حَصْكَكَ ثِكِنْ دُهُ، دَرٜىٰنْكُ ذَيْ كُواْمَ كَمَرْ ڟَكَرْ رَانَ؞

11نِے يَهْوٜىٰهْ ذَنْ جَغُواْرَنْثٜىٰكُ كُلُّمْ، إِنْبِيَ مُكُ بُڧَاتَ كُواْ أَ عِنْدَ بَابُ كُواْمٜىٰ، إِنْسَا ڧَسُسُوَنْكُ سُيِڧَرْڢِے؞ ذَاكُ ذَمَ كَمَرْ غُواْنَرْ دَ عَكٜىٰيِ مَتَ بَنْ ضُوَ كُلُّمْ، كَمَرْ مَٻُٻُّغَرْ ضُوً دَ بَاتَ بُوشٜىٰوَ؞

12غِنٜىٰ غِنٜىٰنْكُ دَ سُكَ ذَمَ كُڢَيْ تُنْدَا، ذَاعَ سَاكٜىٰ غِنَسُ، ذَاعَ سَاكٜىٰيِنْ غِنِ عَكَنْ ڟُواْڢَڢِّنْ تُوشٜىٰنْ غِنٜىٰ غِنٜىٰنْ دَا؞ ذَاعَثٜىٰ دَكُو مَاسُ ڠَرَنْ غِدَاجٜىٰ، دَ مَاسُ سَابُنْتَا تِتُنَ؞

13«سَيْ كُدَيْنَ ڧَظَنْتَرْدَ رَانَرْ هُوتُ تَمَكُواْ، كُدَيْنَبِنْ جِنْ دَاطِنْكُ أَوَنَّنْ رَانَ مَيْ ڟَرْكِے؞ كُمَيْدَ رَانَرْ هُوتُنَ أَبِنْ ڢَضٍ ثِكِ، كُغِرْمَمَ رَانَرْ أَمَڟَيِنْ مَيْ ڟَرْكِے؞ كُدَرَجَنْتَرْ دَ عِتَ، كُنَ دَيْنَبِنْ هَنْيُواْيِنْ نُڢِنْ كَنْكُ، كُنَ دَيْنَبِنْ جِنْ دَاطِنْكُ، كُنَ يِنْ مَغَنْ‌غَنُنْ بَنْظَ؞

14عِدَنْ كُنْيِ حَكَ، تُواْ، ذَاكُجِ دَاطِنَ نِے يَهْوٜىٰهْ ؞ نِے ذَنْسَاكُ أَ مَطَوْكَكَنْ وُرَارٜىٰ عَدُونِيَا؞ ذَاكُجِ دَاطِنْ غَادُوانْكُ، غَادُواْ دَغَ حَنُّنْ كَكَنْكُ يَعْڧُوبَ؞ نِے يَهْوٜىٰهْ نَا ڢَطَا؞»

← Chapter 57 Jump to: Chapter 59 →