Isaiah 60

Hausa Arabic 2020 (أَتَّوْرَتْ دَ أَنَّبَاوَا)

← Chapter 59 Jump to: Chapter 61 →

1إِنْجِ يَهْوٜىٰهْ ، «تَاشِ كِحَصْكَكَ، يَا كٜىٰ عُرُوشَلِيمَ، غَمَا حَصْكٜىٰنْكِ يَذُواْ! غَمَا طَوْكَكَرْ يَهْوٜىٰهْ تَنَ حَصْكَكَاوَا عَكَنْكِ!

2غَاشِ، دُهُ يَرُڢٜىٰ دُونِيَا، بَڧِنْ دُهُ يَرُڢٜىٰ ڧَبِيلُ؞ عَمَّا عَكَنْكِ حَصْكٜىٰنْ يَهْوٜىٰهْ يَنَ حَصْكَكَاوَا، عَكَنْكِ كُمَ طَوْكَكَرْسَ تَنَ بَيَّنَ؞

3أَلْعُمَّيْ ذَاسُذُواْ وُرِنْ حَصْكٜىٰنْكِ، سَرَاكُنَ كُمَ وُرِنْ وَلْڧِيَرْ حَصْكٜىٰنْكِ؞

4«طَغَ عِدَنُونْكِ، كِدُوبَ كٜىٰوَيٜىٰ، كِغَنِ، مُتَنٜىٰنْكِ سُنَ تَتَّارُوَ، سُنَ ذُوَا وُرِنْكِ؞ غَا یَیَنْكِ مَظَا سُنَ ذُوَا دَغَ نٜىٰسَ، یَیَنْكِ مَتَ كُمَ أَنَ رِڧٜىٰ دَسُو أَ حَنُّ؞

5ذَاكِ غَنِ كِحَصْكَكَ دَ ڢَضٍ ثِكِ، ذُوثِيَارْكِ ذَاتَ ثِكَ دَ ڢَضٍ ثِكِ، غَمَا أَرْزِڧِنْ ثِنِكِ عَتٜىٰكُ ذَاعَ كَٰوُاْ غَرٜىٰكِ، عِ، أَرْزِڧِنْ أَلْعُمَّيْ ذَاعَ كَٰوُاْ وُرِنْكِ؞

6دُبُنْ دُبَّنْ رَاڧُمَ ذَاسُ رُڢٜىٰ ڧَسَرْكِے، ڧأَنَانً رَاڧُمَ دَغَ مَدْيَنَ دَ عٜىٰڢَ، دَ وَطَنْدَ سُكٜىٰ دَغَ شٜىٰبَ ذَاسُذُواْ؞ ذَاسُ كَٰوُاْ ظِينَارِيَ دَ كَايَنْ تُرَارٜىٰ، مُتَنٜىٰنْسُ ذَاسُيِ شٜىٰلَرْ لَابَرِ، لَابَرِ مَيْ دَاطِے عَكَنْ أَبِنْدَ يَهْوٜىٰهْ يَيِ؞

7دُكَنْ غَرْكُنَنْ تُمَكِنْ كٜىٰدَرْ ذَاعَ تَارَ مِكِ دُواْمِنْ هَدَايَ، رَغُنَنْ يَنْكِنْ نٜىٰبَيُواتْ نٜىٰ ذَاعَ كَٰوُاْ دُواْمِنْ بِيَنْ بُڧَاتَرْكِ؞ ذَاسُ ذَمَ أَبِنْ كَرْٻَ عَكَنْ بَغَدٜىٰنَ، تَهَكَ ذَنْ ڧَارَ دَرَجَرْ غِدَانَ مَيْ دَرَجَ؞

8«مٜىٰنٜىٰنٜىٰ نُڢِنْ جِضَاغٜىٰنَّنْ مَاسُ ذُوَا دَ سَوْرِ كَمَرْ غِذَغِظَيْ، كَمَرْ كُرْثِيُواْيِ مَاسُ كُواْمُواْوَ غِدَا؟

9بَاشَكَّ، سُونٜىٰ جِضَاغٜىٰ دَغَ يَنْكُنَنْ بَاكِنْ تٜىٰكُ، جِضَاغٜىٰنْ ضُوَ دَغَ تَرْشِشْ سُنَ بِيدَسُو، سُنَ كَٰوُاْ یَیَنْكِ دَغَ ڧَسَاشٜىٰنْ نٜىٰسَ، طَوْكٜىٰ دَ أَظُرْڢَا دَ ظِينَارِيَرْسُ، دُواْمِنْ سُغِرْمَمَ سُونَنْ يَهْوٜىٰهْ اللَّهْ نْكِ، سُونَنْ مَيْ ڟَرْكِنْ نَ إِسْرَٰٓءِيلَ سَبُواْدَ يَدَرَجَنْتَرْ دَكٜىٰ؞

10«بَڧِينٜىٰ ذَاسُ سَاكٜىٰ غِنَا كَتَنْ‌غَرْكِ، سَرَاكُنَنْسُ كُمَ ذَاسُ بِيَ بُڧَاتَرْكِ؞ كُواْدَيَكٜىٰ عَثِكِنْ ڢُشِنَ نَحُكُنْتَكِ، عَمَّا يَنْذُ ثِكِنْ أَلْحٜىٰرِنَ نَيِمِكِ جِنْڧَيْ؞

11ڧُواْڢُواْڢِنْكِ ذَاسُ كَسَنْثٜىٰ عَبُوطٜىٰ كُلُّمْ، دَرٜىٰ دَ رَانَ بَذَاعَ رُڢٜىٰسُبَ، دُواْمِنْ أَلْعُمَّيْ سُيِ تَكَٰوُاْ مِكِ أَرْزِڧِنْسُ، سَرَاكُنَنْسُ سُيِ جٜىٰرِنْ ڠُونُواْ ذُوَا وُرِنْكِ؞

12غَمَا دُكْ أَلْعُمَّ كُواْ مُلْكِ وَنْدَ بَذَيْ بَوْتَا مِكِ بَ، ذَيْ هَلَّكَ، أَلْعُمَّنَّنْ ذَاعَ كَوَرْ دَسُو غَبَاطَيَ؞

13«ذَاعَكَٰوُاْ طَوْكَكَرْ لٜىٰبَنُوانْ وُرِنْكِ، عِتَتُوَ مَاسُ ݣَوْ كَمَرْ نَڢِرْ، دَ نَأَرْمُوانْ دَ نَسٜىٰدَ، دُواْمِنْ عَيِ وَ وُرِينَ مَيْ ڟَرْكِے أَدُواْ، عِ، ذَنْ طَوْكَكَ غِدَانَ عِنْدَ ڧَڢَاڢُنَ سُكٜىٰ هُوتَوَا؞

14يَا كٜىٰ عُرُوشَلِيمَ، یَیَنْ مُتَنٜىٰنْ دَ سُكَ وُلَڧَنْتَكِ، ذَاسُذُواْ سُدُرْڧُسَ أَغَبَنْكِ، دُكَنْ وَطَنْدَ سُكَيِ مِكِ رٜىٰنِ، ذَاسُذُواْ سُڢَاطِ أَغَبَنْكِ؞ ذَاسُ كِرَكِ بِرْنِنْ يَهْوٜىٰهْ ، سِهِيُواْنَ نَ مَيْ ڟَرْكِنَّنْ نَ إِسْرَٰٓءِيلَ؞

15كُواْدَيَكٜىٰ أَنْڧِيكِ أَنْكُمَ يَاشٜىٰكِ، حَرْ بَابُ مَيْ سُوانْبِے تَثِكِنْكِ، دُكْدَهَكَ ذَنْ مَيْدَكٜىٰ أَبِنْ دَرَجَ، أَبِنْ ڢَضٍ ثِكِ غَ دُكَنْ ذَامَانَيْ؞

16ذَاكِ شَنْيٜىٰ أَرْزِڧِنْ أَلْعُمَّيْ كَمَرْ يَدَّ جَرِرِ يَكَنْ شَنْيٜىٰ نُواْنُوانْ مَامَا، ذَاكِ سَامِ أَبِنْ بِيَنْ بُڧَاتَرْكِ دَغَ سَرَاكُنَ؞ تَهَكَ ذَاكِ سَنِ ثٜىٰوَ نِے يَهْوٜىٰهْ ، نِے مَيْ ثٜىٰتُوانْكِ نٜىٰ، مَيْ ڢَنْسَرْكِے نٜىٰ اللَّهْ مَيْ إِيكُواْ نَ يَعْڧُوبَ؞

17«ذَنْ كَٰوُاْ مِكِ ظِينَارِيَ مَيْمَكُوانْ تَغُلَّ، أَظُرْڢَا مَيْمَكُوانْ بَڧِنْ ڧَرْڢٜىٰ، تَغُلَّ مَيْمَكُوانْ إِتَاثٜىٰ، بَڧِنْ ڧَرْڢٜىٰ كُمَ مَيْمَكُوانْ دُوڟٜىٰ؞ ذَنْسَا سَلَمَ تَلُورَ دَكٜىٰ، أَدَلْثِے كُمَ تَيِ مُلْكِ عَكَنْكِ؞

18بَذَاعَ ڧَارَ جِنْ سُورُوتُنْ تَاشِنْ حَنْكَلِبَ، بَذَاعَ ڧَارَ كَٰوُاْ وَ ڧَسَرْكِے ٻَرْنَبَ؞ ذَاكِ كُوَ كِرَا كَتَنْ‌غَرْكِ ثٜىٰتُواْ، ڧُواْڢُواْڢِنْكِ كُمَ يَبُواْ؞

19«رَانَ بَذَاتَ ڧَارَ ذَمَ حَصْكٜىٰنْكِ دَ رَانَبَ، كُواْ وَتَ يَذَمَ حَصْكٜىٰنْكِ دَ دَرٜىٰبَ؞ غَمَا يَهْوٜىٰهْ ذَيْ ذَمَ حَصْكٜىٰنْكِ حَرْ أَبَدَا، اللَّهْ نْكِ نٜىٰ ذَيْ ذَمَ دَرَجَرْكِ؞

20حَصْكٜىٰ بَذَيْ دَيْنَ حَصْكَكَاوَا عَكَنْكِبَ، حَصْكٜىٰنْدَ يَڢِ نَرَانَ دَ وَتَ كُمَ بَذَيْ جَنْيٜىٰبَ؞ غَمَا يَهْوٜىٰهْ ذَيْ ذَمَ حَصْكٜىٰنْكِ حَرْ أَبَدَا، ݣُونَكِنْ بَڧِنْ ثِكِنْكِ كُمَ ذَاسُ ڧَارٜىٰ؞

21دُكَنْ مُتَنٜىٰنْكِ ذَاسُ ذَمَ مَاسُ أَدَلْثِے، ذَاسُ كُوَ غَاجِ سُومَلَّكِ ڧَسَرْ حَرْ أَبَدَا؞ جَمَعَتَ رٜىٰشٜىٰ نٜىٰ وَنْدَ نَدَسَ، عَيْكِنْ حَنُّوَنَ نٜىٰ دُواْمِنْ عَبَيَّنَ دَرَجَتَ؞

22عِيَلِ نَڧَرْشٜىٰ عَثِكِنْكِ ذَيْ ذَمَ ذُرِيَ، مَڢِے ڧَنْڧَنْتَ عَثِكِنْكِ كُمَ ذَيْ ذَمَ أَلْعُمَّ مَيْ ڧَرْڢِے؞ نِے يَهْوٜىٰهْ نٜىٰ، دَ سَوْرِ ذَنْسَا وَنَّنْ يَثِكَ أَدَيْدَيْ لُواْكَثِ؞»

← Chapter 59 Jump to: Chapter 61 →