Isaiah 57

Hausa Arabic 2020 (أَتَّوْرَتْ دَ أَنَّبَاوَا)

← Chapter 56 Jump to: Chapter 58 →

1مَاسُ أَدَلْثِے سُنَ مُتُوَ، عَمَّا بَاوَنْدَ يَكُلَ؞ أَنْ ݣُوشِ مَاسُ أَمِنْثِ أَنْتَڢِے دَسُو، عَمَّا بَابُوَنْدَ يَغَانٜىٰ؞ أَنْ ݣُوشِ مَاسُ أَدَلْثِنٜىٰ دُواْمِنْ عَكِيَايٜىٰسُ دَغَ مُغُنْتَا؞

2مَاسُ تَڢِيَ ثِكِنْ أَدَلْثِنَّنْ سُنْ مُتُ سُنْ شِغَ ثِكِنْ سَلَمَ سُنَ هُوتَوَا ثِكِنْ كَبَرِنْسُ؞

3عَمَّا كُو كُذُواْ نَنْ، يَا كُو یَیَنْ مَيْ سِحِرِ، ذُرِيَرْ مَيْ ظِنَ دَ كَارُوَ!

4وَ كُكٜىٰيِ مَسَ بَعَ؟ غَ وَ كُكٜىٰ بُوطٜىٰ بَاكِ كُنَيِ مَسَ رٜىٰنِ؟ كُو بَ یَیَنْ ذُنُوبِنْ غَنْ‌غَنْثِ نٜىٰبَ؟ كُو بَ ذُرِيَرْ مَڧَضْيَاتَ نٜىٰبَ؟

5مُوغُوَرْ شَعَوَرْكُ تَكَيْكُ غَ يِنْ لَلَتَ أَوُرِنْ سُجَّدَ ڟَكَانِنْ عِتَتُوَ مَرَسَ بُوشٜىٰوَ، دَ ڧَرْڧَشِنْ كُواْوَنٜىٰ إِتَاثٜىٰ مَيْ بَادَ إِنُوَ؞ كُنَ كَكَّشٜىٰ یَیَنْكُ عَثِكِنْ ݣُورِ، دَ ثِكِنْ مَڢَكَا أَ مَنْيَنْ دُوَڟُو؞

6ثِكِنْ دُوَڟُو مَاسُ سَنْڟِ عَݣُورِ، ثَنْ نٜىٰ أَلُّواْلِنْكِ سُكٜىٰ، سُونٜىٰ رَبُوانْكِ؞ كِنَ مِيڧَ مُسُ هَدَايَ تَشَا، كِنَ مِيڧَ مُسُ هَدَايَ تَهَڟِ؞ ذَاعَبَا نِے حَڧُرِ عَكَنْ أَبُبُوَنَّنْ نٜىٰ؟

7عَكَنْ مَنْيَنْ تُدَّيْ، كِنْ شِرْيَ غَدُوانْكِ، ثَنْ كِكٜىٰ ذُوَا مِيڧَ هَدَايُ نَكَارُوَنْثِ؞

8عَبَايَنْ ڧُواْڢُواْڢِ دَ ڢِرَمْ نَڧُواْڢَ كِنْ كَڢَ عَلَمَرْ عُمَرْنِنَ، عَمَّا كِنْيِ كَارُوَنْثِ دَ مَسُواْيِنْكِ، كِنْ يَاشٜىٰنِ دُواْمِنْ غُمَكَ؞ كِنْ ڧَارَ بُوطٜىٰ غَدُوانْكِ، كِنْ يِ يَرْجٜىٰجٜىٰنِيَ دَسُو، كِنَ ڧَوْنَرْ ݣُونَ دَسُو أَغَدُوانْسُ، عِنْدَ كِكٜىٰ غَنِنْ ڟِرَيْثِنْسُ؞

9كِنْ تَڢِے وُرِنْ سَرْكِے دَ مَيْدَ تُرَارٜىٰ مَيْ يَوَ؞ كِنْ عَيْكَ دَ وَكِلَيْ أَوُرَارٜىٰ مَاسُ نِيسَ، حَرْ مَا وَطَنْسُ سُكَ غَنْ‌غَرَ ذُوَا وُرِنْ ذَمَنْ مَتَتُّو؞

10كِنْ غَجِ دَ يَوَنْ تَڢِيَرْكِ، عَمَّا بَكِثٜىٰ «دُكْ بَنْظَنٜىٰ!» بَ؞ كِنْ سَامِ سَابُنْتَاوَا أَ رَنْكِ، دُواْمِنْ حَكَ بَاكِ ڢِدَّ ذُوثِيَابَ؞

11إِنْجِ يَهْوٜىٰهْ ، «وَ كِكَجِڟُواْرُوانْسَ دَ ڢَرْغَبَ حَكَ، حَرْ كِكَيِ ڧَضْيَا؟ بَكِمَا تُنَ دَنِے بَ، بَكِيِ تُنَانِنَبَ؟ سَبُواْدَ نَدَطٜىٰ إِنَ شِضُ، شِے يَسَا بَكِجِڟُواْرُواْنَبَ؞

12ذَنْ تُواْنَ أَسِيرِنْ إِرِنْ أَدَلْثِنْكِ دَ أَيُّكَنْكِ، عَمَّا بَذَاسُ أَمْڢَانٜىٰكِبَ؞

13سَعَدَّ كِكَيِ كُوكَنْ نٜىٰمَنْ تَيْمَكُواْ، بَرِ غُمَكَنْ دَ كِكَ تَتَّارَ سُكُٻُتَرْ دَكٜىٰ؞ إِسْكَ ذَاتَ ݣُوشٜىٰسُ تَتَڢِے دَسُو، نُمْڢَشِ كُمَ يَكَوَرْ دَسُو؞ عَمَّا دُكْ وَنْدَ يَدُواْغَرَ غَرٜىٰنِ، ذَيْ غَاجِ ڧَسَرْ، يَكُمَ مَلَّكِ تُدُنَ مَيْ ڟَرْكِے؞»

14يَهْوٜىٰهْ يَثٜىٰ «كُغِنَ! كُغِنَ! كُشِرْيَ حَنْيَ مَيْݣَوْ، كُكَوَرْدَ كُواْوَنٜىٰ أَبِنْسَا تُنْتُٻٜىٰ دَغَ كَنْ حَنْيَرْ مُتَنٜىٰنَ؞»

15إِنْجِ شِے وَنْدَ يَكٜىٰ ظَوْنٜىٰ عَثَنْ سَمَ، مَطَوْكَكِ مَرَرْ ڢَرْكُواْ مَرَرْ ڧَرْشٜىٰ، شِے وَنْدَ سُونَنْسَ مَيْ ڟَرْكِے نٜىٰ، «إِنَ ظَوْنٜىٰ عَثَنْ سَمَ أَوُرِے مَيْ ڟَرْكِے، عَمَّا إِنَ كُمَ ظَوْنٜىٰ دَ مَيْ ذُوثِيَارْ تُوبَ دَ مَيْ سَوْڧِنْ كَيْ، دُواْمِنْ إِنْ سَابُنْتَا رُوحُ نَمَيْ سَوْڧِنْ كَيْ، إِنْكُمَ سَابُنْتَا ذُوثِيَارْ مَيْ ذُوثِيَارْ تُوبَ؞

16غَمَا بَذَنْ ثِيغَبَدَ يِنْ غَابَبَ، بَذَنْيِ ڢُشِے حَرْ أَبَدَابَ؞ إِنْ بَهَكَبَ، رُوحٌ طَنْ أَدَمْ ذَيْڢِدَّ رَيْ، كُمَ غَاشِ، نِنٜىٰ نَابَاشِ نُمْڢَشِ؞

17سَبُواْدَ مُغُنْتَارْسُ دَ ݣُوطَيِنْسُ، نَيِ ڢُشِے دَسُو؞ ثِكِنْ ڢُشِنَ نَحُكُنْتَسُ نَٻُواْيٜىٰ ڢُسْكَتَ، عَمَّا سُكَيِ تَبِنْ ذُوثِيَارْسُ سُنْيِ تَكُواْمَوَ دَ بَايَ؞

18نَلُورَ نَكُمَ غَانٜىٰ دَ هَنْيُواْيِنْسُ، عَمَّا ذَنْ وَرْكَرْدَسُو؞ ذَنْ كُمَ بِيدَسُو إِنْ تَعَظَنْتَرْ دَسُو،

19إِنْ جُويَرْدَ مَكُواْكِنْسُ ذُوَا وَاڧَرْ يَبُواْ؞ عَيِ شٜىٰلَرْ سَلَمَ، سَلَمَ غَ وَطَنْدَ سُكٜىٰ نٜىٰسَ دَ نَكُسَ، ذَنْ كُوَ وَرْكَرْدَسُو؞ نِے يَهْوٜىٰهْ نَا ڢَطَا؞

20عَمَّا مُوغَيٜىٰ كَمَ دَ تٜىٰكُ مَيْ هَوْكَ نٜىٰ، كَمَ دَ تٜىٰكُنْ دَ بَاتَ عِيَ هُوتَوَا، وَنْدَ ضُوَنْتَ يَكٜىٰ ڢِتَرْدَ لَاكَ دَ دَتِّ وَجٜىٰ؞

21بَابُ سَلَمَ غَ مُوغَيٜىٰ،» إِنْجِ اللَّهْ نَا؞

← Chapter 56 Jump to: Chapter 58 →