Isaiah 66

Hausa Arabic 2020 (أَتَّوْرَتْ دَ أَنَّبَاوَا)

← Chapter 65 Jump to:

1إِنْجِ يَهْوٜىٰهْ ، «سَمَ كُجٜىٰرَرْ مُلْكِنَ نٜىٰ، ڧَسَا كُمَ وُرِنْ سَا ڧَڢَتَ نٜىٰ؞ تُواْ، وَنٜىٰ إِرِنْ غِدَا نٜىٰ ذَاكُ عِيَ غِنَا مِنِ؟ وَنٜىٰ إِرِنْ وُرِے نٜىٰ ذَيْ عِيَ ذَمَ وُرِنْ هُوتُنَ؟

2دُكَنْ أَبُبُوَنَّنْ هَنُّونَ نٜىٰ يَيِسُ، تَهَكَ دُكَنْسُ سُنْ كَسَنْثٜىٰ؞ نِے يَهْوٜىٰهْ نَا ڢَطَا؞ «غَا إِرِنْ مُتُمِنْ دَ حَنْكَلِنَ يَكٜىٰ عَكَنْسَ، وَتُواْ مَيْ سَوْڧِنْ كَيْ دَ مَيْ ذُوثِيَارْ تُوبَ، كُمَ مَيْ غِرْمَمَ مَغَنَاتَ؞

3«بَنْ جِ دَاطِنْ سُجَّدَرْ مُتَنٜىٰبَ؞ مِيڧَ بِجِمِ هَدَايَ دَ كَشٜىٰ مُتُمْ أَوُرِينَ أَبُ طَيَ نٜىٰ؞ مِيڧَ طَنْ ضَغُواْ هَدَايَ دَ مِيڧَ كَرٜىٰ هَدَايَ أَوُرِينَ أَبُ طَيَ نٜىٰ؞ مِيڧَ حَڟِ هَدَايَ دَ مِيڧَ جِنِنْ أَلَدٜىٰ هَدَايَ أَوُرِينَ أَبُ طَيَ نٜىٰ؞ مِيڧَ مِنِ تُرَارٜىٰ هَدَايَ دَ سَا وَغُنْكِ أَلْبَرْكَ، أَوُرِينَ أَبُ طَيَ نٜىٰ؞ دُكَنْسُ سُكَ ذَاٻِ بِنْ رَعَيِنْ كَنْسُ، عَثِكِنْ سُجَّدَرْسُ تَڧَظَنْتَا سُكَجِ دَاطِے؞

4نِے مَا ذَنْ ذَاٻِ بِنْ رَعَيِنَ إِنْ أَوْكَرْ مُسُ دَ مَسِيڢَ، إِنْ كَٰوُاْ مُسُ أَبِنْدَ سُكٜىٰ جِنْ ڟُواْرُوانْسَ؞ غَمَا دَ نَيِ كِرَا، بَابُوَنْدَ يَأَمْسَ، دَ نَيِ مَغَنَ، بَابُوَنْدَ يَسَوْرَرَ؞ عَمَّا سُكَ عَيْكَتَ مُغُنْتَا أَعِدَنُونَ، سُكَ ذَاٻَا سُيِ أَبِنْدَ بَنْ جِ دَاطِنْسَبَ؞»

5إِنْجِ يَهْوٜىٰهْ ، «كُجِ مَغَنَاتَ، كُو دَ كُكٜىٰ غِرْمَمَ مَغَنَاتَ! یَنْعُوَنْكُ وَطَنْدَ سُكَڧِيكُ سُكَ كُواْرٜىٰكُ سَبُواْدَ كُكَ غِرْمَمَ سُونَنَ؞ سُنَ ثٜىٰوَ ‹بَرِ أَطَوْكَكَ يَهْوٜىٰهْ ، دُواْمِنْ مُغَ ڢَضٍ ثِكِنْكُ،› عَمَّا سُونٜىٰ ذَاسُ شَا كُنْيَا؞

6كُجِ إِرِنْ سُورُوتُنْ دَ عَكٜىٰيِ عَثِكِنْ غَرِ! كُجِ مُرْيَ دَغَ هَيْكَلِ! أَيْ! ڧَارَرْ مُواْڟِنْ يَهْوٜىٰهْ نٜىٰ، يَنَ رَامُوَا عَكَنْ أَبُواْكَنْ غَابَنْسَ؞

7«سِهِيُواْنَ كَمَ دَ مَثٜىٰ، مَثٜىٰنْ دَ تَحَيْڢُ كَاڢِنْ تَڢَارَ نَڧُدَ، كَاڢِنْ ذَاڢِنْ جِكِے يَتَاسُواْ مَتَ، تَحَيْڢِ طَا؞

8وَ يَتَٻَ جِنْ إِرِنْ وَنَّنْ؟ وَ يَتَٻَ غَنِنْ إِرِنْ وَنَّنْ؟ ذَاعَ عِيَ حَيْڢَرْ دَ جَمَعَ أَ رَانَ طَيَ نٜىٰ؟ كُواْ ذَاعَ عِيَ حَيْڢَرْ دَ أَلْعُمَّ نَنْ دَنَنْ؟ عَمَّا دَظَرَرْ سِهِيُواْنَ تَڢَارَ نَڧُدَ، سَيْ تَحَيْڢِ یَیَنْتَ؞

9بَذَنْكَيْ مُتَنٜىٰنَ غَ بَاكِنْ حَيْڢُوَ، حَرْ إِنْ كَاسَسَا أَحَيْڢَرْ دَسُوبَ؞ نِے دَ نَكٜىٰ كَٰوُاْ حَيْڢُوَ، بَذَنْ كُلّٜىٰ مَحَيْڢَبَ؞ نِے يَهْوٜىٰهْ نَا ڢَطَا؞

10كُيِڢَضٍ ثِكِ تَرٜىٰدَ عُرُوشَلِيمَ! كُيِمُرْنَ دَ عِتَ، يَا كُو مَاسُ ڧَوْنَرْتَ! كُيِمُرْنَ دَ ڢَضٍ ثِكِ دَ عِتَ، يَا كُو دَ كُكَيِ كُوكَا دُواْمِنْتَ أَدَا!

11غَمَا ذَاكُجِ دَاطِنْتَ، كَمَرْ جَرِرِ مَيْ جِنْ دَاطِنْ نُواْنُوانْ مَامَرْسَ، كُشَا دَاطِنْتَ سُواْسَيْ، كُجِ دَاطِے دَغَ ثِكِنْ يَوَنْ طَوْكَكَرْتَ؞»

12غَمَا إِنْجِ يَهْوٜىٰهْ ، «ذَنْسَا سَلَمَرْتَ تَيَلْوَتَ كَمَرْ ضُوَنْدَ يَٻَرْكٜىٰ دَغَ كُواْغِ؞ ذَنْسَا طَوْكَكَرْ أَلْعُمَّيْ تَذُواْ مَتَ كَمَرْ أَمْبَلِيَرْ ضُوَ؞ ذَاكُجِ دَاطِنْ رٜىٰنُوانْ دَتَكٜىٰيِ مُكُ، كُجِ دَاطِے يَدَّ تَكٜىٰ رِڧٜىٰكُ أَ حَنُّ، كَمَرْ جَرِرِ مَيْ جِنْ دَاطِے أَ حَنُّنْ مَامَرْسَ؞

13يَدَّ مَامَا تَكٜىٰ تَعَظَنْتَرْدَ يَرُوانْتَ، حَكَ ذَنْ تَعَظَنْتَرْ دَكُو، ذَاكُ كُوَ تَعَظَنْتُو أَ عُرُوشَلِيمَ؞»

14سَعَدَّ كُكَغَ وَنَّنْ، ظُكَاتَنْكُ ذَاسُيِ ڢَضٍ ثِكِ؞ ڧَرْڢِنْ جِكِنْكُ ذَيْ دَاوُاْ دَ سَوْرِ كَمَرْ يَدَّ ثِيَوَ تَكَنْيِ غِرْمَ دَ سَوْرِ؞ كُواْوَ كُوَ ذَيْ غَانٜىٰ إِيكُوانْ حَنُّنْ يَهْوٜىٰهْ يَنَ تَرٜىٰدَ بَايِنْسَ، عَمَّا ڢُشِنْسَ يَنَ غَابَادَ أَبُواْكَنْ غَابَنْسَ؞

15غَاشِ يَهْوٜىٰهْ ذَيْذُواْ دَ وُتَا، كٜىٰكُنَنْ دُواْكِنْسَ سُذُواْ كَمَرْ غُوغُوَ؞ يَهْوٜىٰهْ ذَيْذُواْ دَ ڢُشِنْ حُكُنْثِنْسَ دَ كُمَ ڟَاوَتَرْوَرْسَ تَوُتَ مَيْ ذَاڢِ؞

16غَمَا دَ وُتَا يَهْوٜىٰهْ ذَيْ حُكُنْتَ مُتَنٜىٰ، دَ تَكُواْبِنْسَ ذَيْ حُكُنْتَ دُكَنْ یَنْ أَدَمْ، مُتَنٜىٰنْ دَ ذَيْ كَشٜىٰ ذَاسُيِيَوَ؞

17إِنْجِ يَهْوٜىٰهْ «ڧَرْشٜىٰ يَيِ كُسَ دُواْمِنْ وَطَنْدَ سُكَ ڟَبْتَثٜىٰ كَنْسُ دُواْمِنْ يِنْ سُجَّدَ غَ غُمَكَ أَغُواْنَكِنْسُ، دُواْمِنْ كُمَ وَطَنْدَ سُكَيِ جٜىٰرِنْ ڠُونُواْ ذُوَا وُرِنْ دَسُكٜىٰ ثِنْ نَامَنْ أَلَدٜىٰ دَ نَٻٜىٰرَ دَ نَسَوْرَنْ أَبُبُوَ مَاسُ بَنْ ڨَمَ؞

18غَمَا نِے نَا سَنْ تُنَانِنْسُ دَ أَيُّكَنْسُ؞ إِنَ ذُوَا دُواْمِنْ إِنْ تَتَّارَ مُتَنٜىٰنْ كُواْوَثٜىٰ أَلْعُمَّ دَ نَكُواْوَنٜىٰ يَرٜىٰ، ذَاسُذُواْ سُغَ طَوْكَكَرْ إِيكُواْنَ؞

19ذَنْ كَڢَ عَلَمَ عَثِكِنْسُ؞ دَغَ ثِكِنْ ضَغُواْوَرْسُ، ذَنْ عَيْكِ وَطَنْسُ ذُوَاغَ أَلْعُمَّيْ دَ يَنْكُنَنْ بَاكِنْ تٜىٰكُ عِنْدَ مُتَنٜىٰنْ بَسُ تَٻَجِنْ لَابَرِنْ سُونَنْدَ نَيِبَ، بَسُ كُمَ غَ طَوْكَكَتَبَ؞ ذَنْ عَيْكٜىٰسُ ذُوَا ڧَسَاشٜىٰ كَمَرْ سِڢٜىٰنْ دَ لِبِيَ دَ لُدْ، مَاسُ عِيَ هَرْبِنَّنْ دَ تُبَلْ دَ هٜىٰلَّسْ؞ ذَاسُ كُوَيِ شٜىٰلَرْ طَوْكَكَتَ غَ دُكَنْ أَلْعُمَّيْ؞

20ذَاعَكَٰوُاْ دُكَنْ یَنْعُوَنْكُ دَغَ ثِكِنْ دُكَنْ أَلْعُمَّيْ، أَ مِيڧَ مِنِسُ ݣَوْتَا؞ ذَاعَكَٰوُاْسُ عَبَبَّنْ تُدُنَ مَيْ ڟَرْكِے، وَتُواْ عُرُوشَلِيمَ؞ ذَاعَكَٰوُاْسُ عَكَنْ دَوَكِ دَ جَاكُنَ دَ رَاڧُمَ دَ كٜىٰكُنَنْ دُواْكِ دَ كٜىٰكُنَنْ شَانُو كَمَرْ يَدَّ إِسْرَٰٓءِيلَاوَا سُكٜىٰ كَٰوُاْ هَدَايَ ثِكِنْ ݣُونُواْ مَيْ ڟَبْتَ عَثِكِنْ غِدَانَ؞

21ذَنْ كُمَسَا وَطَنْسُ سُذَمَ ڢِرِسْتُواْثِے دَ لَوِيَاوَا؞ نِے يَهْوٜىٰهْ نَا ڢَطَا؞»

22«كَمَرْ يَدَّ سَابُوَرْ سَمَ دَ سَابُوَرْ ڧَسَا ذَاسُ كَسَنْثٜىٰ تَوُرِنْ إِيكُواْنَ، حَكَ ذُرِيَرْكُ دَ سُونَنْكُ ذَاسُ دَوَّمَ؞

23ذَيْ كَسَنْثٜىٰ ثٜىٰوَ دَغَ وَنِ بِكٍ سَابُوانْ وَتَ ذُوَا وَنِ دَغَ كُمَ رَانَرْ هُوتُ تَمَكُواْ ذُوَا وَنِ، دُكَنْ یَنْ أَدَمْ ذَاسُذُواْ سُرُسُنَ أَغَبَنَ ثِكِنْ سُجَّدَ؞ نِے يَهْوٜىٰهْ نَا ڢَطَا؞

24سَعَدَّ سُكٜىٰ ڢِتُواْوَ ذَاسُغَ غَوَوَّكِنْ مُتَنٜىٰنْ دَ سُكَيِ مِنِ تَاوَيٜىٰ؞ ڟُڟُواْڟِنْ دَسُكٜىٰ ثِنْسُ بَذَاسُ تَٻَ مُتُوَبَ، وُتَرْ دَتَكٜىٰ ڧُواْنَسُ كُمَ بَذَاعَ عِيَ كَشٜىٰ تَبَ؞ ذَاسُ ذَمَ أَبِنْ ڨَمَ غَ دُكَنْ یَنْ أَدَمْ؞»

← Chapter 65 Jump to: