Isaiah 51

Hausa Arabic 2020 (أَتَّوْرَتْ دَ أَنَّبَاوَا)

← Chapter 50 Jump to: Chapter 52 →

1كُجِنِ، كُو دَ كُكٜىٰ سَا كَيْ غَ نٜىٰمَنْ يِنْ أَدَلْثِے، كُو دَ كُكٜىٰ نٜىٰمَنْ تَيْمَكُوانْ يَهْوٜىٰهْ ؞ كُيِ تُنَانِ عَكَنْ دُوڟٜىٰ عِنْدَ عَكَ سَسَّڧَكُ، دَ ݣُورِنْ دُووَڟُنْ دَ عَكَ هَڧَكُ؞

2كُيِ تُنَانِنْ إِبْرَٰهِيمْ بَابَنْكُ، دَ سَارَةُ وَدَّ تَحَيْڢٜىٰكُ؞ غَمَا لُواْكَثِنْدَ نَكِرَشِ، شِے طَيَ نٜىٰ، عَمَّا نَأَلْبَرْكَثٜىٰشِ نَسَا ذُرِيَرْسَ تَيِيَوَ؞

3حَڧِيڧَ يَهْوٜىٰهْ ذَيْ تَعَظَنْتَرْدَ سِهِيُواْنَ؞ دَ عِدُوانْ تَوْسَيِ، ذَيْ دُوبِے وُرَارٜىٰنْتَ دَ سُكَ ذَمَ كُڢَيْ؞ كُواْدَيَكٜىٰ ڧَسَرْتَ كَمَرْ هَمَادَثٜىٰ يَنْذُ، يَهْوٜىٰهْ ذَيْسَا تَذَمَ كَمَرْ غُواْنَرْ عَيْدَنْ، دَاجِنْتَ كُمَ كَمَرْ غُواْنَرْ يَهْوٜىٰهْ ؞ ڢَضٍ ثِكِ دَ مُرْنَ ذَاسُ كَسَنْثٜىٰ عَثِكِنْتَ، دَ وَاڧُواْڧِنْ غُواْدِيَ دَ مُرْيُواْيِ مَاسُ دَاطِے؞

4كُجِنِ، يَا مُتَنٜىٰنَ، كُسَوْرَرَتَ، يَا أَلْعُمَّتَ؞ غَمَا كُواْيَرْوَا ذَاتَ ڢِتُواْ دَغَ وُرِينَ، دَ سَوْرِ غَسْكِيَتَ ذَاتَ ذَمَ حَصْكٜىٰ غَ ڧَبِيلُ؞

5أَدَلْثِنَ يَنَ ذُوَا دَ سَوْرِ، ثٜىٰتُواْنَ يَڢِتَ يَنَ عَكَنْ ذُوَا، دَ إِيكُوانْ هَنُّونَ ذَنْيِ شَرِيعَرْ غَسْكِيَ غَ ڧَبِيلُ؞ يَنْكُنَنْ بَاكِنْ تٜىٰكُ سُنَ جِضَانْ ذُوَانَ، سُنَ سَا ذُوثِيَا غَ عَيْكِنْ دَ هَنُّونَ ذَيْ يِ؞

6كُطَغَ عِدَنُونْكُ كُدُوبِے سَمَّيْ، كُكُمَ دُوبِے دُونِيَا عَڧَسَا؞ غَمَا سَمَّيْ ذَاسُ ٻَثٜىٰ كَمَرْ هَيَاڧِے، دُونِيَا كُمَ ذَاتَ ڟُوڢَ كَمَرْ رِغَا، مَاسُ ذَمَ عَثِكِنْتَ مَا ذَاسُ ٻَثٜىٰ حَكَنَنْ؞ عَمَّا ثٜىٰتُواْنَ ذَيْ كَسَنْثٜىٰ حَرْ أَبَدَا، أَدَلْثِنَ كُمَ بَذَاعَ كَوَرْ دَشِيبَ؞

7كُجِنِ، كُو دَ كُكٜىٰ سَنِنْ يِنْ أَدَلْثِے، كُو مُتَنٜىٰنْ دَ كُكٜىٰ رِڧٜىٰ دَ كُواْيَرْوَاتَا أَ ذُوثِيَارْكُ! كَدَ كُجِڟُواْرُوانْ شَنْ كُنْيَا دَغَ مُتَنٜىٰ، كَدَ كُيِ ڢَرْغَبَ سَبُواْدَ ذَاغٜىٰ ذَاغٜىٰنْسُ؞

8غَمَا ذَاعَ ثِنْيٜىٰسُ كَمَرْ يَدَّ غَضَ سُكٜىٰ ثِنْيٜىٰ رِغَا، ذَاعَ ثِنْيٜىٰسُ كَمَرْ يَدَّ ڟُڟَ تَكٜىٰ ثِنْيٜىٰ أَوْدُغَ؞ عَمَّا أَدَلْثِنَ ذَيْ كَسَنْثٜىٰ حَرْ أَبَدَا، ثٜىٰتُواْنَ كُمَ دَغَ ڟَارَا ذُوَا ڟَارَا؞

9كَتَاشِ، كَتَاشِ، كَنُونَ ڧَرْڢِنْكَ! يَا حَنُّ مَيْ إِيكُواْ نَ يَهْوٜىٰهْ ، كَتَاشِ كَمَرْ يَدَّ كَيِ عَݣُونَكِنْ دَا، كَمَرْ يَدَّ كَيِ أَ ذَامَانَنْ دَا؞ بَهَنُّنْكَ مَيْ إِيكُواْ نٜىٰ يَكَشٜىٰ دُواْدُوانْ ضُوًنَنْ رَاهَڢْ بَ؟ بَكَيْنٜىٰ كَايِ وَ دُواْدُواْنَّنْ مَيْ صِڢَّرْ مَثِيجِ ثِيوُاْبَ؟

10بَكَيْنٜىٰ كَا بُوسَرْ دَ تٜىٰكُبَ؟ بَكَيْنٜىٰ كَا بُوسَرْ دَ ضُوَيٜىٰ مَاسُ ظُرْڢِبَ؟ بَكَيْنٜىٰ كَا مَيْدَ تٜىٰكُ تَذَمَ حَنْيَ دُواْمِنْ وَطَنْدَ كَڢَنْسَ سُڧٜىٰتَرٜىٰبَ؟

11عِ، وَطَنْدَ يَهْوٜىٰهْ يَڢَنْسَ ذَاسُ دَاوُاْ، ذَاسُذُواْ عُرُوشَلِيمَ دَ وَاڧُواْڧِ، دَ ڢَضٍ ثِكِ مَرَرْ ڧَارٜىٰوَ؞ ذَاسُ سَامِ ڢَضٍ ثِكِ دَ مُرْنَ، بَڧِنْ ثِكِ دَ نِيشِ ذَاسُ ٻَثٜىٰ؞

12إِنْجِ يَهْوٜىٰهْ ، «نِے يَهْوٜىٰهْ ، نِنٜىٰ مَيْ تَعَظَنْتَرْ دَكَيْ؞ دُوانْمٜىٰ كَكٜىٰ جِنْ ڟُواْرُوانْ طَنْ أَدَمْ مَيْ مُتُوَ، وَنْدَ بَيْڢِے ثِيَوَ ڟَوُانْ رَيْبَ؟

13دُوانْمٜىٰ كَكٜىٰ مَنْتَاوَا دَ يَهْوٜىٰهْ مَحَلِثِّنْكَ، وَنْدَ يَشِمْڢِطَا سَمَّيْ، وَنْدَ كُمَ يَكَڢَ تُوشٜىٰنْ دُونِيَا؟ دُوانْمٜىٰ كَكٜىٰ تَجِنْ ڟُواْرُوانْ ڢُشِنْ وَنْدَ يَكٜىٰيِ مَكَ دَنِّيَ، وَنْدَ يَكٜىٰ أَشِرْيٜىٰ يَهَلَكَاكَ؟ عَمَّا ڢُشِنْ مَيْيِ مَكَ دَنِّيَ بَذَيْ يِمَكَ كُواْمٜىٰبَ!

14وَطَنْدَ سُكٜىٰ أَطَوْرٜىٰ، ذَاعَ سَكٜىٰسُ بَدَ دَطٜىٰوَبَ، بَذَاسُ مُتُبَ، بَ كُوَ ذَاسُ شِغَ رَامِنْ مُتُوَبَ، بَذَاسُ رَسَ عَبِنْثِنْ دَسُكٜىٰ بُڧَاتَبَ؞

15غَمَا نِنٜىٰ يَهْوٜىٰهْ اللَّهْ نْكَ، وَنْدَ يَتَادَ تٜىٰكُ حَرْ رَاڧُمَنْ ضُوَ سُكَيِ رُورِ؞ سُونَنَ نٜىٰ يَهْوٜىٰهْ مَيْ ضُنْدُنَا ؞

16نَسَا مَغَنَاتَ عَثِكِنْ بَاكِنْكَ، نَٻُواْيٜىٰكَ عَڧَرْڧَشِنْ إِنُوَرْ هَنُّونَ؞ نِے وَنْدَ نَشِمْڢِطَا سَرَرِنْ سَمَّيْ نَكُمَ كَڢَ تُوشٜىٰنْ دُونِيَا، نِے نَا ثٜىٰ وَ سِهِيُواْنَ، ‹كٜىٰ جَمَعَتَثٜىٰ؞› »

17يَا عُرُوشَلِيمَ، كِتَاشِ، كِتَاشِ! كِمِيڧٜىٰ ڟَيٜىٰ! كٜىٰ دَكِكَ شَا ݣُوڢْ نَڢُشِنْ يَهْوٜىٰهْ ، كٜىٰ دَكِكَشَا ݣُوڢْ نَحُكُنْثِ دَغَ حَنُّنْسَ، كِنْ شَنْيٜىٰشِ دُكَ، يَكُوَ سَا كِيِ تَنْ‌غَطِ؞

18ثِكِنْ دُكَنْ یَیَنْ دَ كِكَ حَيْڢَ، بَابُوَنْدَ ذَيْ نُونَ مِكِ حَنْيَ؞ ثِكِنْ دُكَنْ یَیَنْ دَ كِكَيِ رٜىٰنُوانْسُ، بَابُوَنْدَ ذَيْ كَامَ حَنُّنْكِ؞

19أَبُبُوَ بِيُنَّنْ سُنْ ڢَاطُواْ مِكِ، وَ ذَيْجِے تَوْسَيِنْكِ؟ مَسِيڢَ دَ هَلَّكَرْوَ، يُنْوَ دَ يَاڧِ، وَ ذَيْ تَعَظَنْتَرْ دَكٜىٰ؟

20یَیَنْكِ سُنَ سُومَ، سُنَ ݣُونْثِيَ عَكُواْوَثٜىٰ ݣُونَ تَتِيتِ؞ سُنْ ذَمَ كَمَرْ بَرٜىٰوَ عَثِكِنْ تَرْكُواْ، وَدَّ بَاتَدَ ڧَرْڢِنْ يِنْ وَنِ أَبُ؞ سُنْ ڧُواْشِ دَ ڢُشِنْ يَهْوٜىٰهْ ، دَ ڟَاوَتَرْوَرْ اللَّهْ نْكِ؞

21سَبُواْدَ حَكَ كُجِ وَنَّنْ، كُو مَاسُ شَنْ وَهَلَ، كُو دَ كُكَ بُغُ، عَمَّا بَاتَرٜىٰدَ شَنْ ضُوً إِنَبِبَ؞

22إِنْجِ عُبَنْ‌غِجِنْكِ يَهْوٜىٰهْ ، اللَّهْ نْكِ وَنْدَ يَكٜىٰ كَارٜىٰ جَمَعَرْسَ، «غَاشِ، نَطَوْكَ دَغَ حَنُّنْكِ ݣُوڢْ نَتَنْ‌غَطِ، بَذَاكِ سَاكٜىٰ شَنْ ضُوً ݣُوڢْ نَڢُشِنَبَ؞

23ذَنْسَا ݣُوڢْ أَ حَنُّنْ مَاسُبَاكِ وَهَلَ، وَطَنْدَ سُكَثٜىٰ مِكِ، ‹كِݣُونْتَ مُيِ تَڢِيَ عَكَنْكِ؞› تَهَكَ كِكَ مَيْدَ بَايَنْكِ كَمَرْ تِيتِ، سُكَ تَتَّاكٜىٰكِ، سَيْكَثٜىٰ كٜىٰ ڧُورَرْ ڧَسَاثٜىٰ؞»

← Chapter 50 Jump to: Chapter 52 →