Isaiah 63

Hausa Arabic 2020 (أَتَّوْرَتْ دَ أَنَّبَاوَا)

← Chapter 62 Jump to: Chapter 64 →

1وَنٜىٰنٜىٰ وَنَّنْ مَيْ ذُوَا دَغَ عٜىٰدُوامْ، دَغَ بُواظْرَ سَنْيٜىٰ دَ جَجَّيٜىٰنْ كَايَ؟ وَنٜىٰنٜىٰ وَنَّنْ مَيْ سَنْيٜىٰ دَ كَايَ مَاسُ دَرَجَ وَنْدَ يَكٜىٰ تَڢِيَ دَ غِرْمَ دَ إِيكُواْ؟ «أَيْ، نِنٜىٰ! إِنَ شٜىٰلَرْ نَصَرَاتَ، إِنَدَ إِيكُوانْ يِنْ ثٜىٰتُواْ؞»

2مٜىٰيَسَا رِيغُنَنْكَ سُنْ ذَمَ جَجَّيٜىٰ، كَمَرْ نَمَيْ تَتَّاكٜىٰ یَیَنْ إِنَبِے؟

3«نِے كَطَيْ نَتَتَّكٜىٰ أَلْعُمَّيْ كَمَرْ یَیَنْ إِنَبِے؞ دَغَ ثِكِنْ ڧَبِيلُ، بَاوَنْدَ يَتَيْمَكٜىٰنِ؞ نَتَتَّكٜىٰسُ ثِكِنْ ڢُشِنَ، نَامَمَّڟٜىٰسُ ثِكِنْ ذَاڢِنْ ڢُشِنَ؞ جِنِنْسُ يَبَظُو أَ رِيغُنَنَ، يَسَا كَايَانَ سُنْ ڧَظَنْتُ؞

4غَمَا رَانَرْ رَامُوَا تَيِ أَ ذُوثِيَاتَ، شٜىٰكَرَرْ ڢَنْسَ كُمَ تَ إِسُواْ؞

5نَدُدُّوبَ عَمَّا بَابُ مَيْ تَيْمَكُواْ، نَيِ بَڧِنْ ثِكِ دُوانْ بَابُ مَيْ غُواْيُوانْ بَايَ؞ سَبُواْدَ حَكَ نَسَا هَنُّونَ نَعَيْكَتَ ثٜىٰتُواْ، ڢُشِنَ كُمَ يَڧَرْڢَڢَانِ؞

6عَثِكِنْ ڢُشِنَ نَتَتَّكٜىٰ أَلْعُمَّيْ، ثِكِنْ ذَاڢِنْ ڢُشِنَ نَسَا سُكَ بُغُ، نَظُبَرْ دَ جِنِنْ رَنْسُ عَڧَسَا؞»

7ذَنْيِ شٜىٰلَرْ ڧَوْنَ مَرَرْ ثَنْجَاوَا تَ يَهْوٜىٰهْ ، إِنْتُنَ دَ دُكَنْ أَيُّكَنْسَ مَاسُ إِسَ يَبُواْ؞ ذَنْ يَبٜىٰشِ دُوانْ دُكَنْ أَبِنْدَ يَيِ مَنَ، دَ يَوَنْ أَلْحٜىٰرِنْ دَ يَيِ وَ غِدَنْ إِسْرَٰٓءِيلَ، دَ جِنْڧَنْدَ يَنُونَ مَنَ، بِسَغَ ڧَوْنَرْسَ مَرَرْ ثَنْجَاوَا؞

8غَمَا يَهْوٜىٰهْ يَاثٜىٰ، «بَاشَكَّ إِسْرَٰٓءِيلَ مُتَنٜىٰنَ نٜىٰ، يَارَا نٜىٰ وَطَنْدَ بَذَاسُ رُوطٜىٰنِبَ؞» سَيْ يَذَمَ مَيْ ثٜىٰتُوانْسُ؞

9عَثِكِنْ دُكَنْ دَامُوَرْسُ شِے مَا يَدَامُ؞ مَلاَىِٕكَنْسَ نٜىٰ يَثٜىٰثٜىٰسُ؞ ثِكِنْ ڧَوْنَرْسَ دَ تَوْسَيِنْسَ نٜىٰ يَڢَنْشٜىٰسُ، تُنْدَا يَطَوْكٜىٰسُ يَغُواْيٜىٰسُ يَنَ كِيَايٜىٰسُ؞

10عَمَّا دُكْدَهَكَ سُنْيِ مَسَ تَاوَيٜىٰ، سُكَ ٻَاتَ وَ رُوحُنْسَ مَيْ ڟَرْكِے رَيْ؞ سَبُواْدَ حَكَ يَجُويَ يَذَمَ أَبُواْكِنْ غَابَنْسُ، شِ دَ كَنْسَ يَيِ يَاڧِ دَسُو؞

11سَيْ جَمَعَرْسَ سُكَ تُنَ دَ ݣُونَكِنْ دَا، سُكَ تُنَ دَ زَامَانِنْ مُوسَٰى بَاوَنْسَ؞ إِنَا يَهْوٜىٰهْ يَكٜىٰ وَنْدَ يَبِيدَسُو تَثِكِنْ تٜىٰكُ، تَرٜىٰدَ مَكِيَايِنْ جَمَعَرْسَ؟ إِنَا شِے يَكٜىٰ وَنْدَ يَسَا رُوحُنْسَ مَيْ ڟَرْكِے يَكَسَنْثٜىٰ أَڟَكِيَرْ جَمَعَرْسَ؟

12إِنَا شِے يَكٜىٰ وَنْدَ يَسَا حَنُّنْسَ مَيْ دَرَجَ يَبَا حَنُّنْ مُوسَٰى إِيكُوانْسَ؟ إِنَا شِے يَكٜىٰ وَنْدَ يَرَبَ ضُوً تٜىٰكُ أَغَبَنْسُ، دُواْمِنْ يَسَامُواْ وَكَنْسَ سُونَ مَرَرْ ڧَارٜىٰوَ؟

13إِنَا شِے يَكٜىٰ وَنْدَ يَبِيدَسُو تَظُرْڢَڢَّنْ تٜىٰكُ؟ كَمَرْ يَدَّ يَكَنْ ذَمَ وَدُواْكِ دَ سَوْڧِ يَيِ غُدُ أَ ڢِيلِ، حَكَ يَهْوٜىٰهْ يَبِے دَ مُتَنٜىٰنْسَ، بَسُ كُواْ يِتُنْتُٻٜىٰبَ؞

14كَمَرْ يَدَّ عَكَنْبِدَ شَانُو عَݣُورِ مَيْ ثِيَوَ دُوانْ سَوْڧِنْ سَامُنْ عَبِنْثِ، حَكَ رُوحٌ يَهْوٜىٰهْ يَبَا مُتَنٜىٰنْسَ هُوتُ؞ حَكَ يَهْوٜىٰهْ يَبِے دَ مُتَنٜىٰنْسَ دُواْمِنْ يَكَٰوُاْوَ سُونَنْسَ دَرَجَ؞

15يَا يَهْوٜىٰهْ ، دُوبٜىٰمُ دَغَ سَمَ كَغَنِ، دَغَ وُرِنْكَ مَيْ ڟَرْكِے مَيْ دَرَجَ؞ إِنَا ڨُوظُوانْكَ دَ إِيكُواْنَّنْ نَاكَ؟ إِنَا نِيَّرْ ذُوثِيَارْكَ دَ تَوْسَيِنْكَ غَرٜىٰمُ؟ كَجَنْيٜىٰسُ دَغَ غَرٜىٰمُ!

16عَمَّا كَيْنٜىٰ بَابَنْمُ، كُواْ دَمَا كَكَنْمُ إِبْرَٰهِيمْ بَيْسَنْ مُبَ، كُواْ دَمَا كَكَنْمُ إِسْرَٰٓءِيلَ بَيْسَنْ دَمُوبَ؞ يَا يَهْوٜىٰهْ ، كَيْنٜىٰ بَابَنْمُ تُنْدَغَ دَا كَيْ مَيْ ڢَنْسَرْمُ نٜىٰ؞

17يَا يَهْوٜىٰهْ ، دُوانْمٜىٰ كَسَا مُكَ كَوْثٜىٰ دَغَ حَنْيَرْكَ؟ دُوانْمٜىٰ كَتَوْرَرَ ذُوثِيَارْمُ دُواْمِنْ مُكَاسَ جِنْ ڟُواْرُوانْكَ؟ سَيْ كَجُويُواْ سَبُواْدَمُو بَايِنْكَ، سَبُواْدَمُو ذُرِيَرْكَ تَغَادُواْ؞

18مُتَنٜىٰنْكَ مَاسُ ڟَرْكِے مُنْ مَلَّكِ يَنْكِنْ وُرِنْكَ مَيْ ڟَرْكِے نَطَنْ لُواْكَثِ؞ عَمَّا يَنْذُ أَبُواْكَنْ غَابَنْمُ سُنْ تَتَّاكٜىٰشِ حَرْ ڧَسَا؞

19مُنْ ذَمَ كَمَرْ وَطَنْدَ بَكَ تَٻَ مُلْكِنْسُبَ، كَمَرْ وَطَنْدَ بَعَسَنْسُ دَ سُونَنْكَبَ!

← Chapter 62 Jump to: Chapter 64 →