Numbers 15

Mien Bible (Thai Script) © Thailand Bible Society, 2007

← Chapter 14 Jump to: Chapter 16 →

1เฒี้ยว ก๊อง บั๋ว โมเซ,

2“อ๋อย หฒุ บั๋ว อิสะลาเอน เมี่ยน, ‘เม่ย บัว ตุ๊ เปียะ เยีย อ๋อย ปุน เม่ย บัว เยียม วั้ว นอม เต่ย-ปูง, อ๋อย หฒุ หฒิว น้าย เต๋ย เล์ย โหฒว.

3หาย หฒั่น ต้อ ง่ง, ยู่ง, ปะกี ยู่ง ต้าย ฝ่ง ห่อ หล่ง โต์ว ปั๊ว เหฒี่ย, ไม้ กุ๊น เซ ปั๊ว เหฒี่ย เญย, ไฟ เหฒี่ย โหฒว ซูง แล์ง แหง่ง หว่า เญย เจ๊า, ไฟ เหว่ย ธ้วด ฟิม เหฒี่ย เญย, ไฟ เจี๋ย ฒิบ หอบ หฒุ เหฒี่ย เญย, น้าย เซ โหฒว ดาง เญย เฉีย หอบ เฒี้ยว เญย เฮญี้ยว.

4ต้อ แซง-คู้ ต้าย เญย เมี่ยน, อ๋อย หฒุ ต้อ อี เมาะ บ๊วน-หม่วน หฒอบ เจี๊ยน เหยียด ก่อง กะลั้น โย่ว โหฒว เหฒี่ย เญย ล่าง หฒิ.

5ต้อ โม์ว เต้า ยู่ง ตอน, ปะกี ยู่ง ตอน ต้าย ปั๊ว เหฒี่ย ไฟ เหว่ย กั้น หญู่ง เจ๊า เหฒี่ย, อ๋อย หฒุ เหว่ย เหยียด เต้า ยู่ง หลิ่ว เล์ย เหยียด ก่อง อะหงุ่น ติ๊ว เหธา เจี๊ยน เธี้ย เหฒี่ย.

6“‘ต้อ เหยียด เต้า ปะกี ยู่ง โก๊ว, อ๋อย หฒุ หลิ่ว เล์ย เปยย เมาะ เปี๋ยน บ๊วน-หม่วน หฒอบ เจี๊ยน เหยียด ก่อง เล่ง กะลั้น โย่ว เหว่ย โหฒว เหฒี่ย เญย ล่าง หฒิ.

7หย่า หล่ง เหยียด ก่อง เล่ง อะหงุ่น ติ๊ว เหธา เจี๊ยน เธี้ย เหฒี่ย, เว่ย ดาง เญย เฉีย หอบ เฒี้ยว เญย เฮญี้ยว.

8“‘เม่ย บัว หลิ่ว เล์ย เต้า ง่ง โก๊ว เหว่ย ปั๊ว เหฒี่ย ไฟ เหว่ย กั้น หญู่ง เจ๊า เหฒี่ย, เซ เหว่ย โหฒว ซูง แล์ง เญย แหง่ง หว่า ไฟ เหฒี่ย ปุน เฒี้ยว เหว่ย จิว ทง.

9อ๋อย หฒุ หล่ง จุ๊ เมาะ เปี๋ยน บ๊วน-หม่วน หฒอบ เจี๊ยน อี ก่อง กะลั้น โย่ว โหฒว เหฒี่ย เญย ล่าง หฒิ เหธา เจี๊ยน วั้ว เต้า ง่ง โก๊ว ต้อ ต้าย.

10หย่า อ๋อย หฒุ ต้อ อี ก่อง อะหงุ่น ติ๊ว โหฒว เธี้ย เหฒี่ย เญย กะน้าย. อ๋อย หฒุ หล่ง โต์ว ปั๊ว เหฒี่ย ฝ่ง ห่อ, เว่ย ดาง เญย เฉีย หอบ เฒี้ยว เญย เฮญี้ยว.

11เหฒี่ย ง่ง โก๊ว, ปะกี ยู่ง โก๊ว, ปะกี ยู่ง ตอน, ยู่ง ตอน, โม์ว เต้า อ๋อย หฒุ ฮนั้ง น้าย นอ หลิ่ว เล์ย.

12หฒิว เม่ย บัว หลิ่ว เล์ย ต้าย เญย โสว โหม่ว, โม์ว เต้า อ๋อย หฒุ ฮนั้ง น้าย หลิ่ว เล์ย.

13“‘โม์ว เต้า ป๊วน-ฝีง อิสะลาเอน เมี่ยน ต้อ กะน้าย ต้าย หล่ง โต์ว ปั๊ว เหฒี่ย ฝ่ง ห่อ เญย เฒี่ยง โห่ อ๋อย หฒุ ฮนั้ง น้าย โหฒว, เว่ย ดาง เญย เฉีย หอบ เฒี้ยว เญย เฮญี้ยว.

14ต่อย เจี๋ย ต่อย, สี ก๊อง ม่าย จั๋น ไฟ กั้น ฝีง เมี่ยน เยียม เม่ย บัว บุด๋ง, นิ่น บัว หย่า อ๋อย ต้อ กะน้าย ต้าย หล่ง โต์ว ปั๊ว เหฒี่ย ฝ่ง ห่อ, เว่ย ดาง เญย เฉีย หอบ เฒี้ยว เญย เฮญี้ยว, นิ่น บัว อ๋อย หฒุ โหฒว ฮนั้ง เม่ย บัว โหฒว วั้ว นอ.

15อิสะลาเอน เมี่ยน เญย หฒวัง แปะ ฝีง อ๋อย หฒุ เหว่ย กั้น หย่า เหว่ย เยียม เม่ย บัว บุด๋ง เญย จั๋น จวั่ง น้าย เต๋ย เล์ย หล่ง. น้าย เต๋ย เล์ย อ๋อย หฒุ ต่อย เจี๋ย ต่อย เหยียด ลิ์ว หฑิบ. เยียม เฒี้ยว เญย หฑะเฮมียน เม่ย บัว เหธา จั๋น ฯฒฯ ฟี่ ฮนั้ง.

16เม่ย บัว เหธา เยียม เม่ย บัว บุด๋ง เญย จั๋น อ๋อย หฒุ จวั่ง หญู่ง เล์ย-หลัด, จวั่ง หญู่ง เล์ย หล่ง.’”

17เฒี้ยว ก๊อง บั๋ว โมเซ,

18“อ๋อย หฒุ ก๊อง บั๋ว อิสะลาเอน เมี่ยน, ‘เม่ย บัว เปียะ ต้ง เยีย อ๋อย ต้อ เม่ย บัว เปียะ วั้ว นอม เต่ย-ปูง,

19หญั่น วั้ว นอม เต่ย-ปูง เญย ล่าง หฒิ, เม่ย บัว อ๋อย หฒุ เฒาะ เต๋ย ฝ่ง ห่อ ปุน เฒี้ยว.

20เม่ย บัว หม่อ ต้าว หฑุ่น เซียง-ล่าง หฒิ, อ๋อย หฒุ โหฒว นอม ฌั้ว ต้อ ต้าย ฝ่ง ห่อ ปุน เฒี้ยว เหว่ย โหฒว ฝ่ง ห่อ เญย ล่าง หฒิ เยียม เบ๊าะ เบย้า เธี้ยง เฒาะ ธ้วด ต้าย.

21ต่อย เจี๋ย ต่อย เม่ย บัว อ๋อย หฒุ ฮนั้ง น้าย เฒาะ หม่อ ต้าย เญย เซียง-ล่าง หฒิ ฝ่ง ห่อ ปุน เฒี้ยว.

22“‘สี ก๊อง เม่ย บัว ธะ-โป่ว โหฒว ต่อง, ไม้ เอย เจี๊ยน เฒี้ยว จิว ปุน โมเซ เญย ติ้วๆ เล์ย,

23ต้ง เฒี้ยว หล่ง โมเซ จิว ปุน เม่ย บัว เญย หาย ติ้ว เล์ย, เยียม เฒี้ยว ปุน ต้าย วั้ว ฮนอย เถา ฆะฮ้า ฮี้ง ต่อย เจี๋ย ต่อย,

24หย่า สี ก๊อง หฒวัง แปะ ฝีง ธะ-โป่ว โหฒว ต่อง, หฒวัง เมี่ยน หย่า ไม้ ฮิ้ว, หฒวัง แปะ ฝีง อ๋อย หฒุ หล่ง เต้า ง่ง โก๊ว ตอน ปั๊ว เหฒี่ย, เว่ย ดาง เญย เฉีย หอบ เฒี้ยว เญย เฮญี้ยว. หย่า อ๋อย หฒุ หฒิว เล์ย-หลัด ต้อ เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย เหฒี่ย. แอ๋ง หล่ง เต้า ยู่ง โก๊ว เหฒี่ย ฟิ ฒุ์ย.

25ไซ เมี่ยน อ๋อย หฒุ เถง อิสะลาเอน เมี่ยน เญย หฒวัง แปะ ฝีง ฟิ ฒุ์ย, แปะ ฝีง เญย ฒุ์ย ฯฒฯ ตุ๊ กวั่ง ลิ์ว, เหว่ย หฒุ นิ่น บัว ธะ-โป่ว โหฒว ต่อง. นิ่น บัว หย่า เหว่ย กั้น โหฒว ต่อง เญย สี่ ต้อ กะน้าย หล่ง โต์ว ปั๊ว เหฒี่ย ฝ่ง ห่อ ปุน เฒี้ยว หย่า เหฒี่ย ฟิ ฒุ์ย.

26ฮนั้ง หน่าย อิสะลาเอน เมี่ยน เญย หฒวัง แปะ ฝีง เหธา เยียม นิ่น บัว บุด๋ง เญย จั๋น เญย ฒุ์ย ฯฒฯ ตุ๊ กวั่ง หมี่ อ๊ะ, เหว่ย หฒุ หฒวัง เมี่ยน ธะ-โป่ว โหฒว ต่อง.

27“‘สี ก๊อง ขูง ม่าย ดุ เต้า เมี่ยน ธะ-โป่ว โหฒว ต่อง, นิ่น อ๋อย หฒุ ต้อ เต้า ต๋อย หฮญัง เญย ยู่ง เหฒ่ย ต้าย เหฒี่ย เหว่ย ฟิ ฒุ์ย.

28ไซ เมี่ยน อ๋อย หฒุ เยียม เฒี้ยว เญย หฑะเฮมียน เหว่ย ธะ-โป่ว โหฒว ต่อง วั้ว ล่าน เมี่ยน ฟิ ฒุ์ย. ฟิ ลิ์ว, วั้ว ล่าน เมี่ยน เญย ฒุ์ย ฯฒฯ ตุ๊ กวั่ง ลิ์ว อ๊ะ.

29ไม้ กุ๊น ป๊วน-ฝีง อิสะลาเอน เมี่ยน ไฟ จั๋น, อ๋อย หฒุ จวั่ง น้าย ดุ หญู่ง เล์ย หล่ง ฮนั้ง.

30“‘มป่า หาย เต้า ป่าๆ ป์าม ฒุ์ย, ไม้ กุ๊น ป๊วน-ฝีง เมี่ยน ไฟ จั๋น, วั้ว เต้า คี เฒี้ยว ฯฒฯ เยียม นิ่น เญย เมี่ยน บุด๋ง ฒู้ง หฒุ ไพ กวั่ง.

31หลาย นิ่น หมั่ง เผีย เฒี้ยว เญย หว่า, ป์าม เฒี้ยว เญย หลี่ง, นิ่น ด่ง หาย ฒู้ง หฒุ ไพ กวั่ง. นิ่น กั้น เญย ฒุ์ย นิ่น กั้น อ๋อย หฒุ ดาม-ตอง.’”

32อิสะลาเอน เมี่ยน เยียม เต่ย-ปูง-ฮวาง วั้ว หฒั่น, ปวัด ล่าน เมี่ยน ต๋อย ตี้ง กง ฮนอย มี่ง แก๊ะ ฒ่าง.

33ปวัด นิ่น วั้ว เต๋ย เมี่ยน ฯฒฯ ต้อ นิ่น มี่ง เถา โมเซ เหธา อาโลน เหธา หฒวัง แปะ ฝีง วั้ว.

34นิ่น บัว หววน เจี๊ยน เหว่ย หฒุ เมี่ยน ไม้ แก้ง ฮิ้ว ธีง อ๋อย หฒุ ฮนั้ง หาย นอ โหฒว ปุน นิ่น.

35เฒี้ยว ก๊อง บั๋ว โมเซ, “น้าย ล่าน เมี่ยน ฒู้ง อ๋อย หฒุ ไต่. หฒวัง แปะ ฝีง อ๋อย หฒุ ต้อ นิ่น ธ้วด กะเหญี่ย หฒิ ด๊บ-ลิ่ว เธี้ยง, เฒาะ หละเปย๊ย ฒง ไต่ นิ่น.”

36หฒวัง แปะ ฝีง ฯฒฯ ต้อ นิ่น ธ้วด กะเหญี่ย หฒิ ด๊บ-ลิ่ว เธี้ยง, เฒาะ หละเปย๊ย ฒง ไต่ นิ่น, ฮนั้ง เฒี้ยว บั๋ว โมเซ วั้ว นอ.

37เฒี้ยว ก๊อง บั๋ว โมเซ,

38“อ๋อย หฒุ บั๋ว อิสะลาเอน เมี่ยน, ‘เยียม น้าย มี่ง, ต่อย เจี๋ย ต่อย อ๋อย หฒุ โหฒว ฆี่ง โฆว ตี๋ง เจี๊ยน นอมๆ ลุย-เก๊าะ. นอมๆ ฆี่ง โฆว หย่า อ๋อย หฒุ หล่ง ติ้ว ฮลาง, เซ้ด แปะ บั๊ว, ปั่ง ลุย ตี๋ง เจี๊ยน.

39เม่ย บัว ฯฒฯ ม่าย น้าย เต๋ย ฆี่ง โฆว หมั่ง เหว่ย ปุน เม่ย บัว จั๋ง เจี๊ยน เฒี้ยว ปุน เม่ย บัว เญย ติ้วๆ เล์ย-หลัด ฯฒฯ เอย เจี๊ยน โหฒว. ไม้ เอย กั้น เญย เฮญี้ยว อ๋อย เหธา มฒีง ปวัด ฯฒฯ ต้อ เม่ย บัว มี่ง ต่อง เจ๊า.

40ฮนั้ง หน่าย, เม่ย บัว ฯฒฯ จั๋ง เจี๊ยน, เอย เหฑ่ง เยีย เญย ติ้วๆ เล์ย-หลัด หย่า เป๋น เหฑ่ง เม่ย บัว เญย เฒี้ยว เญย เมี่ยน.

41เยีย เซ เฒี้ยว, เม่ย บัว เญย ทิน-ฮู่ง, ต้ง ต้อ เม่ย บัว ธ้วด อียิบ เต่ย-ปูง เหว่ย โหฒว เม่ย บัว เญย ทิน-ฮู่ง. เยีย เซ เฒี้ยว, เม่ย บัว เญย ทิน-ฮู่ง.’”

← Chapter 14 Jump to: Chapter 16 →