Numbers 34

Mien Bible (Thai Script) © Thailand Bible Society, 2007

← Chapter 33 Jump to: Chapter 35 →

1เฒี้ยว ก๊อง บั๋ว โมเซ,

2“อ๋อย หฒุ บั๋ว อิสะลาเอน เมี่ยน, ‘เม่ย บัว เปียะ คานาอัน เต่ย-ปูง, ต้ง เยีย ปุน เหว่ย โหฒว เม่ย บัว หฑิบ เญย ป่วน วั้ว นอม เต่ย-ปูง เญย กั๊บ-จ๋าย, ฯฒฯ ม่าย ฮนั้ง น้าย.

3“‘น่าม ปูง เญย กั๊บ-จ๋าย เซ ยั่ง ซิน เต่ย-ปูง-ฮวาง, กัน เอโดม เญย กั๊บ-จ๋าย มี่ง. เยียม ตง ปูง เซ เยียม ค้อย-ไต่ จ่ม เญย ต๋อง เจี์ย กอน,

4แอ๋ง ฮวีง มี่ง น่าม ปูง เถา อากลับบิม ฒอง, เจี๋ย ซิน เต่ย-ปูง-ฮวาง, แอ๋ง หูง เจี๊ยน น่าม ปูง เถา คาเดดบาเนีย. แอ๋ง เจี๋ย มี่ง เถา ฮาซาลัดดา, แอ๋ง เจี๋ย เถา อัดโมน.

5เยียม อัดโมน ฯฒฯ ฮวีง มี่ง เถา อียิบ โด๊ะ แอ๋ง ธ้วด มี่ง เถา เมดิเตเลเนียน ค้อย.

6“‘ไฟ ปูง เญย กั๊บ-จ๋าย เซ เมดิเตเลเนียน ค้อย. น้าย เซ เม่ย บัว ไฟ ปูง เญย กั๊บ-จ๋าย.

7“‘ป๊ะ ปูง เญย กั๊บ-จ๋าย อ๋อย หฒุ เยียม เมดิเตเลเนียน ค้อย แปง หฒะ เญย มี่ง โฮอา บง.

8เยียม โฮอา บง มี่ง เถา เปียะ ฮามัด เญย เจ๊า. แอ๋ง เจี๋ย เถา เสดัด,

9มี่ง เถา สิโฟน, แอ๋ง มี่ง จ่ม ฮาซาเอนัน. น้าย อ๋อย โหฒว เม่ย บัว ป๊ะ ปูง เญย กั๊บ-จ๋าย.

10“‘ตง ปูง เญย กั๊บ-จ๋าย อ๋อย หฒุ เยียม ฮาซาเลนัน, แปง หฒะ เญย มี่ง เถา เซฟาม.

11เยียม เซฟาม กั๊บ-จ๋าย ฯฒฯ เหฌี่ย เถา ลิบลา ฒี่ง, เยียม อายิน ตง ปูง แหมง, แอ๋ง กัน กาลิลี ค้อย-ตอน ตง ปูง แหมง เญย ไบ๊ เหฌี่ย.

12กั๊บ-จ๋าย ฯฒฯ เยียม หน่าย กัน จอแดน ด้าย เหฌี่ย, มี่ง เถา จ่ม ค้อย-ไต่. “‘น้าย ฯฒฯ เป๋น เม่ย บัว เญย เต่ย-ปูง หฒิว ปูงๆ เญย กั๊บ-จ๋าย ฮวีง เจี๊ยน.’”

13โมเซ บั๋ว อิสะลาเอน เมี่ยน, “น้าย เซ เม่ย บัว อ๋อย หฒุ ตี่ง แหม่ง หมั่ง, พ้าย ปุน ฆอย เญย เดา เหว่ย โหฒว เม่ย บัว หฑิบ เญย ป่วน. เซ เฒี้ยว พ้าย ปุน ดั้ว ฝีง เหธา ด๊าม-ฝีง เญย เดา,

14เหว่ย หฒุ ลูเบน ฝีง เหธา กาด ฝีง เหธา มะนัดเส เญย ด๊าม-ฝีง, หฒิว นิ่น บัว เญย ปู้ง ป่วน, ตุ๊ นิ่น บัว หฑิบ เญย ป่วน หมี่ อ๊ะ.

15น้าย เต๋ย อี ฝีง เหธา ด๊าม-ฝีง ตุ๊ หฑิบ เญย ป่วน เยียม จอแดน ด้าย ตง ปูง แหมง, บะฮนอย ธ้วด วั้ว ปูง, เยลีโค ฒี่ง ต๋อย-หง่าน.”

16เฒี้ยว ก๊อง บั๋ว โมเซ,

17“เถง เม่ย พ้าย เดา ปุน แปะ ฝีง หฑิบ วั้ว เต๋ย เมี่ยน เญย บั๋ว ม่าย ฮนั้ง น้าย. ม่าย เอเลอาซา ไซ เมี่ยน, เหธา นุน เญย ตอน, โยซูวา.

18หย่า อ๋อย หฒุ พ้าย เหยียด ฝีง เหยียด เต้า เปย๊ย เฒ้ย เถง เจี๊ยน.

19น้าย เต๋ย เปย๊ย เฒ้ย เญย บั๋ว ม่าย ฮนั้ง น้าย. ยูดา ฝีง เยฟุนเน เญย ตอน, คาเล้บ

20สิเมโอน ฝีง อัมมีฮู้ด เญย ตอน, เซมูเอน

21เบนยามิน ฝีง ชิดโลน เญย ตอน, เอลีดาด

22ดาน ฝีง โย้กลี เญย ตอน, บุกคี

23มะนัดเส ฝีง เอโฟ้ด เญย ตอน, ฮันนีเอน

24เอฟาอิม ฝีง ซิบทาน เญย ตอน, เคมูเอน

25เสบูลุน ฝีง ปาน้าก เญย ตอน, เอลีซาฟาน

26อิดสาคา ฝีง อัดซาน เญย ตอน, ปันทีเอน

27อาเซ ฝีง เซโลมี เญย ตอน, อาหิฮู้ด

28นับทาลี ฝีง อัมมีฮู้ด เญย ตอน, เปดาเฮน”

29น้าย เซ เฒี้ยว พ้าย เถง อิสะลาเอน เมี่ยน เยียม คานาอัน เต่ย-ปูง ปุน ฆอย นิ่น บัว หฑิบ เญย เดา.

← Chapter 33 Jump to: Chapter 35 →